रोमियो 15:2 - बिलासपुरी नौआं नियम

² अहां चते हर इक अपणे साथी विश्वासियां रे खातर सैई करना चाहिन्दा सै जे ठीक आ, सै जे तिस्सो खुश करगा कने तिसरे विश्वासा जो मजबूत करगा।

रोमियो 15:2 Iomraidhean Croise

1 कुरिन्थियों 10:24

हर किसी जो दुज्यां रिया भलाई रे खातर सोचणा चाहिन्दा बल्कि अपणे खातर नीं।

रोमियो 14:19

इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।

1 कुरिन्थियों 10:33

तियां जे हऊँ बी सब्बीं गल्लां च सब्बीं जो खुश रखां, कने अपणा नीं पर बौहतां रे फायदे खातर कोशिश कराँ ताकि सै छुटकारा पाई सक्को।

1 कुरिन्थियों 13:5

सै गाल़ी नीं देन्दा, प्यार स्वार्थी नींआ, गुस्सेबाज नींआ कने बुरा नीं मनदा।

1 कुरिन्थियों 10:23

“मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर सब किछ उपयोगी नींआ।

1 कुरिन्थियों 14:3

पर सै जे भविष्यवाणी कराँ, सै माहणुआं जो तिन्हारी तरक्की, प्रोत्साहन, कने तसल्लिया रे खातर बोलां।

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।

2 कुरिन्थियों 12:19

हुण तुहें क्या सोच्ची रायें भई इक्की लम्मे बगता ते अहें तुहांरे सामणे अपणा बचाव करी रायें? पर अहें त परमेशरा रे सामणे मसीह रे चेले रे रुपा च बोल्ली राँये। मेरे प्यारे मित्रो, अहें सै जे किछ बोल्ली राँये, तुहौं विश्वासा च मजबूत करने खातर इ बोल्ली राँये।

2 कुरिन्थियों 13:9

ताहली जे अहें कमजोर ये कने तुहें बलबन्त ये, तां अहें खुश ये, कने अहें इसरे खातर इ प्राथना कराँ ये, ताकि तुहांरा स्वाभाव बदलदा जाओ।

इफिसियां 4:12

ताकि सै परमेशरा रे लोकां जो तिसरी सेवा करने रे खातर त्यार करी सक्को तिसते जे मसीह रा शरीर यनि कलीसिया होर बी मजबूत हुईजो।

इफिसियां 4:29

तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।