प्रकाशितवाक्य 8:10 - बिलासपुरी नौआं नियम

¹⁰ तिज्जे स्वर्गदूते अपणी तुरही बजाई, कने इक बड्डा तारा सै जे मशाला साई जल़या राँ था स्वर्गा ते टुट्टया, तिसते जे नदियां रे इक तिहाई हिस्से पर कने पाणिये रे झरनयां पर पईग्या।

प्रकाशितवाक्य 8:10 Iomraidhean Croise

मत्ती 25:1

फेरी यीशुये अपणयां चेलयां ने बोल्या, ताहली जे माहणुये रे पुत्रा यनि मांह वापस औणा ताहली स्वर्गा रा राज तिन्हां दस कन्यां साई हूणा सै जे मशालां लेईने लाड़े ने मिलणे जो आईयां।

लूका 10:18

यीशुये तिन्हांने गलाया, “ठीक आ, मैं शैतान्ना जो स्वर्गा ते बिज्जल़ा साई पौंदे हुये देख्या रां था!

यहूदा 1:13

तियां जे समुद्रा रियां तेज लैहराँ गन्दा झाग निकाल़ां इयां तियां इ ये लोक बेशर्मिया रा काम्म कराँ ये। ये लोक किछ तारयां साई ये सै जे अम्बरा च भटकदे रैं, तिन्हांरे खातर जे परमेशरे सदा काल रा घोर अन्धकार रक्खीरा।

प्रकाशितवाक्य 1:20

तिन्हां सत्तां तारयां रा मतलब तिन्हांजो जे तैं मेरे सज्जे हत्था देख्या था, कने तिन्हां सत्तां सोने रे दीपदान्ना रा मतलब येआ: सै सात्त तारे सत्तां कलीसियां रे दूत ये, कने सै सात्त दीपदान सात्त कलीसियां इ।”

प्रकाशितवाक्य 12:4

तिने अपणिया फूंटिया ने अम्बरा रे तारयां रा इक तिहाई खिंज्जी ने धरतिया परा सट्टीत्या। सै अजगर तिसा औरता रे सामणे खड़ा हुईग्या सै जे बच्चे जो जणने औल़ी थी, ताकि ताहली जे सै बच्चा जणे तां अजगर बच्चे जो खाई सक्को।

प्रकाशितवाक्य 14:7

कने तिने ऊच्चिया अवाज़ा च गलाया, “परमेशरा जो आदर देआ, कने तिसरी महिमा करा, काँह्भई तिसरे न्याय करने रा बगत आईगरा; तिसरी अराधना करा, तिने जे स्वर्ग कने धरती कने समुद्र कने पाणिये रे सोते बणाये।”

प्रकाशितवाक्य 16:4

तिज्जे स्वर्गदूते जाईने अपणा कटोरा नदियाँ, कने पाणिये रे स्रोतां पर लटीत्या, कने सै खून बणिगे।

प्रकाशितवाक्य 6:13

अम्बरा ते तारे धरतिया पर इयां टिरीगे, तियां जे बड्डिया आँधिया रे औणे ते अंजीरा रे डाल़ा ते कच्चे फल़ झड़ां ये।

प्रकाशितवाक्य 8:7

पैहले स्वर्गदूते अपणी तुरही बजाई, कने खून मिलीरे ओल़े कने आग्ग धरतिया पर सट्टि गई; इसते धरतिया रा इक तिहाई हिस्सा फुखीग्या, कने इक तिहाई डाल़ कने सारा हरा घा बी फुखीग्या।

प्रकाशितवाक्य 9:1

ताहली जे पँजवें स्वर्गदूते अपणी तुरही बजाई, तां मैं स्वर्गा ते धरतिया परा इक तारा टिरदा देख्या, कने तिस्सो अथाह कुण्डा री चाबियां दित्तियां गईयां।

प्रकाशितवाक्य 9:15

सै चारों दूत सै जे तिस वगत, दिन, महीने कने साल्ला खातर कैद कित्ते गईरे, अजाद करी ते ताकि सै धरतिया री सारिया जनसंख्या रे इक तिहाई जो मारी देओ।

प्रकाशितवाक्य 9:18

इन्हां तिन्नां महामारियां; यनिके तिन्हां घोड़यां रे मुँआं ते निकल़णे औल़ी आग्ग, धुआँ कने गन्धका ते माहणु जातिया रे इक तिहाई मारी दित्ते गै।