प्रकाशितवाक्य 7:2 - बिलासपुरी नौआं नियम

² फेरी मैं इक होर स्वर्गदूता जो जिऊंदा परमेशरा री सील लेईने पूरब ते ऊपर औन्दे देख्या। तिने तिन्हां चऊँ स्वर्गदूतां ने ऊच्चिया अवाज़ा च गलाया, तिन्हौं जे धरती कने समुद्रा रा नुक्शान करने रा अधिकार दित्या गया था,

प्रकाशितवाक्य 7:2 Iomraidhean Croise

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

मत्ती 26:63

पर यीशु चुप रैया। फेरी महायाजके तिसते पुच्छया, “हऊँ तिज्जो जिऊंदे परमेशरा री सगन्द देआं भई जे तू परमेशरा रा पुत्र मसीह आ तां अहां ने गलाईदे।”

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

2 तिमुथियुस 2:19

फेरी बी परमेशरे सै जे पक्की निऊं बणाईरी, सै मजबूत खढ़ीरी कने तिस पर ये लिखिरा : “प्रभु अपणे लोकां जो जाणाँ,” कने “सै जे कोई बोलां भई सै प्रभुये रा सै बुराईयां ते दूर रौ।”

इब्रानियों 12:22

पर तुहें सिय्योन रे पहाड़ा पर आईगे सै जे जिऊंदा परमेशरा रा स्वर्गीय यरूशलेम नगर आ कने तित्थी अनगिणत स्वर्गदूत खुशिया रा त्योहार मनायें।

प्रकाशितवाक्य 1:3

परमेशरा तिन्हां सारयां माहणुआं जो आशीष देणी सै जे इन्हां भविष्यवाणियां रे वचनां जो पढ़ां ये, कने सै जे सुणां ये कने इसच लिखी रियां गल्लां रा पालन कराँ ये, काँह्भई इन्हां गल्लां रा पूरा हुणे रा बगत नेड़े आ।

प्रकाशितवाक्य 10:1

फेरी मिन्जो इक होर ताकतवर स्वर्गदूत बद्दल़ा जो ओडीने स्वर्गा ते उतरदे दिखया; तिसरे सिरा पर मेघधनुष था, तिसरा मुँह सूरजा साई चमकदा कने पैर अग्गी रे खम्बे साई थे।

प्रकाशितवाक्य 10:4

कने ताहली जे सत्तों गर्जणे रियां आवाज़ां खत्म हुणे पर हऊँ लिखणे इ औल़ा था, पर मिन्जो स्वर्गा ते इक अवाज़ ये गलान्दे हुये सुणी, “सै गल्लां जे गर्जणां रे सत्तें आवाज़ें बोल्ली, तिन्हां पर सील लगाई दे कने तिन्हौं मत लिख।”

प्रकाशितवाक्य 16:12

फेरी छेऊंये स्वर्गदूते जाईने अपणा कटोरा महानदी फरात पर लटीत्या, कने तिसरा पाणी सुक्की गया, ताकि पूरब दिशा रे राजयां खातर रस्ता त्यार हुईजो।

प्रकाशितवाक्य 5:2

फेरी मैं इक ताकतवर स्वर्गदूता जो देख्या, सै जे ऊच्चिया अवाज़ा च ये प्रचार कराँ था, “इस कताबा रियां सीलां तोड़ीने कने तिसाजो खोलणे रे लायक कुण आ?”

प्रकाशितवाक्य 8:3

फेरी इक होर स्वर्गदूत सोने रा धूपदान लईने आया, कने बेदिया रे नेड़े खड़ा हुआ; कने तिसजो बौहत धूप दित्या गया भई सब परमेशरा रे लोकां रिया प्राथना सौगी सोने री तिसा वेदिया पर चढ़ाओ, सै जे संघासणा रे सामणे इ।

प्रकाशितवाक्य 9:14

तां छेऊंये स्वर्गदूता ने, तिसले जे तुरही थी, गलाया राँ था, “तिन्हां चार दूतां जो सै जे बड्डी नदी फरात ले बझीरे, अजाद करी दो।”

प्रकाशितवाक्य 9:4

तिन्हौं ये हुक्म बी दित्या गया भई सै नां धरतिया रे घा, नां किसी पेड़-पौधे रा नुक्शान करयां, पर सिर्फ तिन्हां माहणुआं रा नुक्शान करयां तिन्हांरे मत्थे पर जे परमेशरा री सील नीं।