प्रकाशितवाक्य 4:4 - बिलासपुरी नौआं नियम

⁴ तिस संघासणा रे चऊँ पासयां चौबी संघासण थे; कने इन्हां संघासणा पर चौबी प्राचीन चिट्टे कपड़े पैहनीं ने बैठिरे थे, कने तिन्हांरे सिराँ पर सोने रे मुकट थे।

प्रकाशितवाक्य 4:4 Iomraidhean Croise

मत्ती 19:28

यीशुये तिन्हांने गलाया, हऊँ तुहां लोकां ने सच्च बोलां भई नौंये जुगा च ताहली जे माहणुये रा पुत्र अपणे प्रतापी संघासणा पर बिराजमान हूणा, तां तुहां बी सै जे मेरे पिच्छे आईरे, बारा संघासणां पर बैठीने इस्राएल रे बारा गोत्राँ रा न्याय करना।

लूका 22:30

तुहें तिस राज्जा च मेरे मेचा पर खाई पी सक्को, कने तुहां राजयां रे आसणा पर बैट्ठीने इस्राएल रे बारा गोत्राँ रा फैसला करगे।

2 तिमुथियुस 4:8

हुण जीता रा मुकुट स्वर्गा च मेरे खातर इन्तजार करया राँ, काँह्भई मैं परमेशरा जो खुश कित्तिरा। प्रभु सै जे न्याय ने सारयां लोकां रा न्याय कराँ तिस न्याय रे दिन मिन्जो ये मुकट देणा, मिन्जो इ नीं वल्कि तिन्हां सारयां लोकां जो बी देणा सै जे तिसरे दोवारा औणे रा बेशबरिया ने इन्तजार करया राँये।

प्रकाशितवाक्य 11:16

फेरी चौबी प्राचीन सै जे परमेशरा रे सामणे अपणे-अपणे संघासणा पर बैठिरे थे, धरतिया पर मुँआं रे भार पईने परमेशरा री अराधना करीने

प्रकाशितवाक्य 14:3

कने सै संघासणा रे सामणे कने चऊँ जिऊंदे प्राणियां कने प्राचीनां रे सामणे मन्नो इक नया गीत गाया राँ थे, कने सै जे धरतिया ते कीमत देईने छडवाईरे थे, तिन्हां इक लाख चौताली हज़ार लोकां जो छड्डिने कोई तिस गीता जो सिक्खी नीं सकदा था।

प्रकाशितवाक्य 19:14

कने स्वर्गा री सेना चिट्टयां घोड़यां पर स्वार कने चिट्टे साफ कने बड़िया मलमला रे कपड़े पैहनीरे तिसरे पिच्छे-पिच्छे चलीरे।

प्रकाशितवाक्य 19:4

कने चौबी प्राचीनें कने चऊँ जिऊंदे प्राणियें मुँआ रे भार धरतिया पर पैईने परमेशर री अराधना कित्ती सै जे संघासणा पर बैठिरा था, कने बोल्या, “आमीन! हालेलूय्याह!”

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

प्रकाशितवाक्य 3:18

इस खातर हऊँ तिज्जो सलाह देआं भई अग्गी च सेक्कीरा सोना मेरते खरीदी लै ताकि तू अमीर हुई जाओ, कने पैहनणे खातर चिट्टे कपड़े लई लै ताकि तिसजो पैहनीने तिज्जो अपणे नंगे हुणे री शर्म नीं हो, कने अपणियां आक्खीं च लाणे खातर सुरमा लैं ताकि तू साफ-साफ देखणे लगो।

प्रकाशितवाक्य 4:10

तां इन्हें चौबी प्राचीनें सै जे संघासणा पर बैट्ठीरे परमेशरा रे सामणे धरतिया पर मुँआ रे भार पैईने अराधना कित्ती, कने सै अपणे-अपणे मुकट संघासणा रे सामणे येढ़ा बोलदे हुये रखी दें,

प्रकाशितवाक्य 4:6

कने तिस संघासणा रे सामणे साफ कच्चा साई समुद्र था, संघासणा रे बिच्च कने संघासणा रे चऊँ पासयां चार जिऊंदा प्राणी थे, तिन्हांरे अग्गे-पिच्छे आक्खीं इ आक्खीं थिआं।

प्रकाशितवाक्य 5:11

फेरी मैं देख्या, तां तिस संघासणा कने तिन्हां प्राणियां कने तिन्हां प्राचीनां रे चऊँ पासयां बौहत सारे स्वर्गदूतां री अवाज़ सुणी, तिन्हांरी गिणती जे लखां कने करोड़ां च थी।

प्रकाशितवाक्य 5:14

फेरी चऊँ जिऊंदे प्राणियें आमीन बोल्या, कने प्राचीनें धरतिया पर मुँआं रे भार पैईने अराधना कित्ती।

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।

प्रकाशितवाक्य 5:8

ताहली जे तिने कताब लेई ली, तां सै चारों प्राणी कने चौबी प्राचीनें तिस मेमने रे सामणे धरतिया पर मुँआ रे भार पैईने प्रणाम कित्या। तिन्हां चते हरेक रे हत्था च वीणा कने धूपा ने भरीरे सोने रे कटोरे थे, ये परमेशरा रे लोकां रियां प्राथनां इयां।

प्रकाशितवाक्य 6:11

तिन्हां चते हरेक जो चिट्टा चोल़ा दित्या गया, कने तिन्हांने गलाया भई किछ देर होर रमान करा, तदुआं तका जे तुहांरे संगी दास्सां कने विश्वासियां री गिणती पूरी नीं हुई जाओ, सै जे तुहां साई मारे जाणे औल़े।

प्रकाशितवाक्य 7:11

कने सारे स्वर्गदूत, तिस संघासणा, कने प्राचीनां कने चऊँ जिऊंदेयां प्राणियां रे चऊँ पसयां खढ़िरे थे, सै सारे संघासणा रे सामणे धरतिया पर अपणे मुँआं रे भार पैईगे कने ये बोलदे हुये परमेशरा री अराधना कित्ती,

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;

प्रकाशितवाक्य 9:7

ये टिड्डियां देखणे च तिन्हां घोड़यां साई थिआं सै जे लड़ाईया रे खातर त्यार ये, तिन्हांरे सिराँ पर मन्नया सोने रे मुकट थे; तिन्हांरे मुँह माहणुआं रे मुँआं साई थे।