प्रकाशितवाक्य 4:1 - बिलासपुरी नौआं नियम

¹ इन्हां गल्लां ते बाद ताहली जे मैं इक होर दर्शण देख्या, तां क्या देक्खां भई स्वर्गा च इक दरवाजा खुल्हीरा, कने तिस्सो जे मैं पैहले तुरहिया री अवाज़ा साई अप्पूँ ने गल्लां करदे सुणया था, सैई मेरने बोलां, “येत्थी ऊपर आई जा; कने मांह तिज्जो सै गल्लां दसणियां, तिन्हांरा जे इन्हां गल्लां ते बाद हूणा जरूरी आ।”

प्रकाशितवाक्य 4:1 Iomraidhean Croise

मत्ती 3:16

कने यीशु बपतिस्मा लेईने तियां जे पाणिये चते बाहर निकल़या, तिसरे खातर स्वर्ग खुलीग्‍या, कने तिने परमेशरा रे आत्मे जो इक कबूतरा साई उतरदे कने अपणे ऊपर औन्दे देख्या।

मरकुस 1:10

ताहली जे यीशु पाणिये चते निकल़ीने बाहर आया, तां इकदम तिसजो स्वर्ग खुल्हीरा दुस्या कने तिस पर कबूतरा रे रुपा च पवित्र आत्मा उतरया।

लूका 3:21

पर यूहन्ने जो जेल्ला च पाणे ते पैहले ताहली जे बौहत सारे लोक बपतिस्मा लैईराँ थे तां यीशुये बी बपतिस्मा लैया। इसते बाद ताहली जे सै प्राथना करी रां था, तां स्वर्ग खुलीग्या।

यूहन्ना 16:13

पर ताहली जे सच्चाईया रा आत्मा औआं, तिस परमेशरा री हरेक सच्चाईया च तुहांरी अगुवाई करनी तिसरी जे तुहांजो जाणने री जरूरत इ, काँह्भई तिस अपणिया तरफा ते किछ नीं बोलणा, पर जो गल्लां सै परमेशरा ते सुणां तिस तुहांजो दसणियां, इस खातर तिस तुहांजो हुणे औल़ियां गल्लां हुणे ते पैहले दसणियां।

प्रेरितां 10:11

कने तिने देख्या, भई अम्बर खुली गया कने इक बड्डी चादर चऊँ पासयां ते बझीरी, धरतिया पर उतरया राईं।

प्रेरितां 7:56

कने गलाया, “देक्खा, हऊँ स्वर्गा जो खुलीरा, कने माहणुये रे पुत्रा जो परमेशरा रे सज्जे पासे खौ खढ़िरा देख्यारा।”

प्रकाशितवाक्य 1:10

हफ्ते रे पैहले दिन मिन्जो परमेशरा रे आत्मे अपणे वशा च करील्या; कने अपणे पिछे ते तुरहिया साई ऊच्चिया अवाज़ा च ये बोलदे हुये सुणया,

प्रकाशितवाक्य 1:12

फेरी मैं मुड़ीने गलाणे औल़े जो देखणा चाया; तियां जे हऊँ मुड़या, मैं सोने रे सात्त दीपदान देक्खे;

प्रकाशितवाक्य 1:19

इस खातर सै गल्लां जे तैं देखियां कने सै गल्लां जे हुया राँईयां कने सै गल्लां जे इसते बाद हुणे औल़ियां इ, तिन्हां सब्बीं जो लिखी लै।

प्रकाशितवाक्य 11:12

तिन्हांजो स्वर्गा ते इक बड्डी अवाज़ सुणीं, “येत्थी ऊपर औआ!” ये सुणीने सै बद्दल़ां पर स्वार हुईने अपणे दुश्मणां रे देखदे-देखदे स्वर्गा पर चढ़ीगे।

प्रकाशितवाक्य 11:19

फेरी परमेशरा रा सै मन्दर जे स्वर्गा चा, सै खोल्या गया, कने तिसरे मन्दरा च तिसरिया वाचा रा सन्दूक दुस्या; कने तित्थी बिजल़ियां, अवाज़, गर्जन, हिलण हुये कने बड्डे-बड्डे आणी रे गोल़े पै।

प्रकाशितवाक्य 16:17

फेरी सतवें स्वर्गदूते जाईने अपणा कटोरा हवा च लटीत्या, कने मन्दरा रे संघासणा ते ये जोरा री अवाज़ आई, “सब किछ पूरा हुईग्या!”

प्रकाशितवाक्य 19:11

फेरी मैं स्वर्गा जो खुल्हीरा देख्या, कने तित्थी मेरे सामणे इक चिट्टा घोड़ा था; तिस पर इक स्वार आ, सै जे बफादार आ कने सच्चा कहलाया जां; कने सै धार्मिकता ने न्याय कने लड़ाई कराँ।

प्रकाशितवाक्य 22:6

फेरी स्वर्गदूते मेरने गलाया, “ये गल्लां विश्वास रे लायक कने सच्चियां इ। कने प्रभुये सै जे भविष्यवक्तयां री आत्मां रा परमेशर आ, अपणे स्वर्गदूता जो इस खातर भेज्या भई अपणे दास्सां जो ये गल्लां दस्सो तिन्हांरा जे जल्दी पूरा हूणा जरूरी आ।”