प्रकाशितवाक्य 20:3 - बिलासपुरी नौआं नियम

³ कने तिस्सो अथाह कुण्डा च पाईने बन्द करित्या कने इक सील लगाईती ताकि तदुआं तक जे हजार साल नीं बित्तो, सै जाति-जाति रे लोकां जो भरमाई नीं सक्को। इसते बाद जरूरी आ भई तिस्सो थोड़िया देरा खातर फेरी खोल्या जाओ।

प्रकाशितवाक्य 20:3 Iomraidhean Croise

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मत्ती 27:66

फेरी सै सपाईयां जो सौगी लेईने चलीगे, कने पत्थरा पर मोहर लाईने कब्रा री रखवाल़ी किति।

मरकुस 4:15

किछ लोक येढ़े तिन्हांरी बराबरी जे तिस ब्यूआ ते कित्ती जाई सक्कां इ सै जे बाट्टा च पैईरा। सै परमेशरा रा वचन जरूर सुणां ये, पर शैतान छोड़चा ने जां कने तिन्हांरे मनां ते तिस वचना जो मटाई देआं सै जे तिन्हें सुणया था।

लूका 8:31

सै बुरीआत्मायें यीशुये ते बिनती करदी रैईयां भई “अहांजो नरका च जाणे रा हुक्म नीं दे।”

2 कुरिन्थियों 11:3

पर हऊँ डराँ भई तियां जे शैताने सर्पा रे रुपा च अपणिया चतुराईया ने हव्वा जो बैहकाया था, तियां इ किति तुहांरे मना जो मसीह रे प्रति तुहांरिया ईमानदारिया कने पवित्रता जो दूर नीं करी दो।

2 पतरस 3:8

पर मेरे प्यारे मित्रो, इसा इक्की गल्ला जो मता भुलदे: प्रभुरे खातर इक दिन हजार साल्ला रे बराबर ये कने हजार साल इक्की दिना रे बराबर आ; तिसरे खातर इक दिन कने हजार साल दोन्नों बराबर ये।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

प्रकाशितवाक्य 13:14

तिन्हां चमत्काराँ रिया वजह ते, तिन्हौं जे तिस पशुये रे सामणे दसणे रा अधिकार तिस्सो मिलीरा था, सै धरतिया पर रैहणे औल़यां जो इस तरिके ने धोखा देआं था। सै तिन्हांजो ये हुक्म देआं था भई तिस पशुये री मूर्ति बणावा, तिसरे शरीरा पर जे तलवारा रा घाव था कने सै जे फेरी भीं जिऊंदा हुईगरा था।

प्रकाशितवाक्य 17:2

तिसा सौगी जे धरतिया रे राजयां व्यभिचार कित्या; कने धरतिया रे रैहणे औल़े तिसारे व्यभिचारा रिया मदिरा ते मतवाले हुईगरे थे।”

प्रकाशितवाक्य 17:8

सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।

प्रकाशितवाक्य 20:1

फेरी मैं स्वर्गा ते इक स्वर्गदूता जो उतरदे देख्या, तिसले जे अथाह कुण्डा री चाबी कने इक बड्डी जंजीर थी।