प्रकाशितवाक्य 1:7 - बिलासपुरी नौआं नियम

⁷ देक्खा, मसीह बद्दल़ां सौगी आया रां, कने सारयां तिस्सो देखणा, येत्थी तक भई सै लोक बी तिन्हेंजे तिस्सो भाले ने बिन्हया था; तिन्हां बी तिसखा देखणा, कने संसारा रे सारयां लोकां तिसरिया वजह ते बिलकी-बिलकी ने रोणा। हाँ, ये हूणा। आमीन।

प्रकाशितवाक्य 1:7 Iomraidhean Croise

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

मत्ती 16:28

हऊँ तुहांजो बोलां भई येत्थी किछ येढ़े तिन्हां तदुआं तक नीं मरना, तदुआं तक जे माहणुये रे पुत्रा जो तिसरे राज्जा च औन्दे हुये नीं देक्खी लो।”

मत्ती 24:30

तिस बगत माहणुये रे पुत्रा रे औणे रा नशाण अम्बरा च परगट हूणा, कने फेरी धरतिया पर सारी जातियां रे लोकां छाती पिट देयां बलाप करना; कने तिन्हां माहणुये रे पुत्रा जो बड्डिया सामर्थ कने महिमा सौगी स्वर्गा रे बद्दल़ा पर औन्दे देखणा।

मत्ती 25:31

“ताहली जे माहणुये रे पुत्रा यनि मांह वापस अपणिया महिमा च औणा कने सारे स्वर्गदूत मेरे सौगी औणे, तां मांह सब्बी लोकां पर राज करने खातर अपणे राजकीय संघासणा पर बैठणा।

मत्ती 26:64

यीशुये जबाब दित्या, “तैं अप्पूँ इ बोल्या; पर हऊँ तुहांजो बोलां भई तुहां माहणुये रा पुत्र सर्वशक्तिमान परमेशरा रे सज्जे पासे बैठिरा कने अम्बरा रे बद्दल़ां पर बड़े छोड़ औन्दे देखणा।”

मरकुस 13:26

“तां तिस वगत लोकां माहणुये रे पुत्रा यनि मिन्जो बड्डिया सामर्था कने महिमा सौगी बदल़ां च औन्दे देखणा।

मरकुस 14:62

यीशुये गलाया, “हऊँ हया : कने तुहां माहणुये रे पुत्रा यनि मिन्जो सर्वशक्तिमाना रे सज्जे पासे बैठिरा, कने अम्बरा ते बद्दल़ां पर उतरदा हुया बी देखणा।”

लूका 21:27

फेरी सारयां लोकां मिन्जो यनि माहणुये रे पुत्रा जो अपणी सामर्थ कने चमकदे हुये तेज्जा सौगी बद्दल़ां पर औंदे देखणा।

यूहन्ना 19:34

पर तिन्हां चते इक्की सिपाईये यीशुये रिया बखिया च अपणा भाला मारया, तिसते जे ताहलूं इ खून कने पाणी निकल़या।

यूहन्ना 19:37

कने इक होर गल्ल पूई हुई सै जे पवित्रशास्त्रा च लिखिरी भई, “तिस्सो तिन्हें भाले ने बिन्हया, तिन्हां इ तिसखा देखणा।”

1 थिस्सलुनीकियां 1:10

कने स्वर्गा ते तिसरे पुत्रा रे औणे रा इन्तजार करने रे खातर तिसजो जे परमेशरे मूईरयां चते जिऊंदा कित्या था, यनि यीशु सै जे अहांजो औणे औल़े कोपा ते बचां।

1 थिस्सलुनीकियां 4:17

तां अहें सै जे हुण बी जिऊंदा ये कने बाकी बचीरे तिन्हां सौगी बद्दल़ां पर ऊठाईने ले जाये जाणे भई अम्बरा च प्रभुये ने मिलो; कने तिस वगता ते अहां सदा प्रभुये ने सौगी रैहणा।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।

इब्रानियों 6:6

कने जे हुण तिन्हें अपणा विश्वास छड्डीतरा! इस खातर तिन्हौं मन फिराव री तरफ ल्यौणा मुश्किल आ, काँह्भई सै खुद परमेशरा रे पुत्रा जो भीं ते क्रूसा पर चढ़ाई राँये कने लोकां रे सामणे तिसरी बेज्जति करी राँये।

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

यहूदा 1:14

हनोक बी सै जे आदमा ते सतवियां पीढ़ियां च था, इन्हांरे बारे च भविष्यवाणी किति थी, “देक्खा, प्रभु अपणे हज़ाराँ-हज़ाराँ पवित्र दूतां सौगी आया रां,

प्रकाशितवाक्य 22:20

सै जे इन्हां गल्लां री गवाही देआं, सै ये बोलां, “हाँ, हऊँ जल्दी औणे औल़ा।” आमीन। हे प्रभु यीशु औ!

प्रकाशितवाक्य 22:4

तिन्हां तिसरा मुँह देखणा, कने तिसरा नौं तिन्हांरे मत्थे पर लिखिरा हूणा।