प्रकाशितवाक्य 1:4 - बिलासपुरी नौआं नियम

⁴ हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,

प्रकाशितवाक्य 1:4 Iomraidhean Croise

यूहन्ना 1:1

सृष्टिया ते बौहत पैहले बचन था, कने बचन परमेशरा सौगी था, कने बचन इ परमेशर था।

प्रेरितां 19:10

दुईं साल्लां तका येढ़ा इ हुंदा रैया, येत्थी तका भई आसिया प्रदेशा रे रैहणे औल़े क्या यहूदी क्या यूनानी सब्बीं प्रभुये रा वचन सुणी लया।

प्रेरितां 2:9

अहें सै जे पारथी कने मेदी कने एलामी कने मेसोपोटामिया कने यहूदिया कने कप्पदूकिया कने पुन्तुस कने आसिया,

रोमियो 1:7

हऊँ ये चिट्ठी रोम नगरा च रैहणे औल़े तुहां सारयां जो लिखिराँ तिन्हौं जे परमेशर प्यार कराँ कने अपणे पवित्र लोक हुणे खातर चुणीरा। अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

1 कुरिन्थियों 1:3

अहांरे पिता परमेशर कने प्रभु यीशु मसीह तुहांजो अनुग्रह कने शान्ति देओ।

2 कुरिन्थियों 1:2

अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलो।

इब्रानियों 13:8

यीशु मसीह कल कने आज्ज कने युगां-युगां तकौ इक्को जेआ इ हाया यनि सै कदीं नीं बदलदा।

याकूब 1:17

काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।

प्रकाशितवाक्य 1:1

यीशु मसीह रा प्रकाशन, सै जे परमेशरे तिस्सो इस खातर दित्या ताकि सै अपणे सेवकां जो तिन्हां गल्लां जो दिखाओ, तिन्हांरा जे जल्दी हुणे रे खातर परमेशरे तैह कित्तिरा। यीशु मसीहे अपणा स्वर्गदूत भेज्जीने इन्हौं अपणे सेवक यूहन्ने जो दस्या,

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 1:17

ताहली जे मैं तिस्सो देख्या, तां हऊँ इकदम तिसरे पैराँ पर मुड़दयां साई पईग्या। फेरी तिने अपणा सज्जा हाथ मांह पर रखीने मेरने बोल्या, “डरदा मत; हऊँ इ पैहला कने आखिरी आ।

प्रकाशितवाक्य 1:20

तिन्हां सत्तां तारयां रा मतलब तिन्हांजो जे तैं मेरे सज्जे हत्था देख्या था, कने तिन्हां सत्तां सोने रे दीपदान्ना रा मतलब येआ: सै सात्त तारे सत्तां कलीसियां रे दूत ये, कने सै सात्त दीपदान सात्त कलीसियां इ।”

प्रकाशितवाक्य 1:8

प्रभु परमेशर बोलां, “हऊँ इ अल्फा कने ओमेगा। सर्वशक्तिमान इ हाया सै जे था, सै जे हया, कने सै जे औणे औल़ा।”

प्रकाशितवाक्य 1:9

हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।

प्रकाशितवाक्य 16:5

फेरी मैं पाणिये रे अधिकारी स्वर्गदूता जो परमेशरा ते ये बोलदे हुये सुणया, “हे पवित्र, सै जे हया कने सै जे था, तू न्यायी आ कने तैं ये न्याय कित्तिरा।

प्रकाशितवाक्य 2:12

तिने बी मिन्जो बोल्या, “पिरगमुन नगरा रिया कलीसिया रे दूता जो ये सन्देश लिख: मेरले दोधारी कने तेज तलवार इ, हऊँ ये बोलां:

प्रकाशितवाक्य 2:18

तिने बी मिन्जो बोल्या, थुआतीरा नगरा रिया कलीसिया रे दूता जो ये सन्देश लिख: “हऊँ परमेशरा रा पुत्र आ कने मेरियां आक्खीं अग्गी रिया लपटा साई चमकी रियां, कने मेरे पैर चमकदे पितला साई ये, हऊँ ये बोलां:

प्रकाशितवाक्य 2:8

तिने बी मिन्जो बोल्या, “स्मुरना नगरा रिया कलीसिया रे दूता जो ये सन्देश लिख: हऊँ पैहला कने आखरी आ; हऊँ मरीग्या था कने हुण जिऊंदा हुईगरा, हऊँ ये बोलां:

प्रकाशितवाक्य 22:16

“मैं यीशुये अपणे स्वर्गदूता जो इस खातर भेज्या, भई तुहांरे अग्गे कलीसियां रे बारे च इन्हां गल्लां री गवाही देओ। हऊँ दाऊद रा मूल कने वंश, कने चमकदा हुआ तड़के रा तारा।”

प्रकाशितवाक्य 22:8

हऊँ सैई यूहन्ना, तिने जे ये गल्लां सुणी कने देक्खी। कने ताहली जे मैं सुणया कने देख्या, तां सै जे स्वर्गदूत मिन्जो ये गल्लां दिखां था, हऊँ तिसरे पैरा पर अराधना करने खातर मुँआं रे भार पैईग्या।

प्रकाशितवाक्य 3:1

तिने बी मिन्जो बोल्या, “सरदीस नगरा रिया कलीसिया रे दूता जो ये सन्देश लिख: मेरले परमेशरा रियां सात्त आत्मां कने सात्त तारे, हऊँ तुहांजो ये बोलां भई हऊँ तेरयां कम्मां जो जाणाँ, भई तू जिऊंदेयां साई त दिखां, पर असल च तू मूईरा।

प्रकाशितवाक्य 3:14

तिने बी मिन्जो बोल्या, “लौदीकिया नगरा रिया कलीसिया रे दूता जो ये सन्देश लिख: हऊँ इ आमीन कने बफादार कने सच्चा गवाह, कने परमेशरा रिया सृष्टिया री मूल वजह इ, हऊँ ये बोलां:

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां:

प्रकाशितवाक्य 4:5

तिस संघासणा बिच्चा ते बिजलियां री लोय कने बद्दल़ां री गड़गड़ाट हुआं थी कने संघासणा रे सामणे अग्गी रे सात्त दिऊये बल़या राँ थे, सै परमेशरा रियां सात्त आत्मां इयां।

प्रकाशितवाक्य 4:8

इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।

प्रकाशितवाक्य 8:2

फेरी मैं तिन्हां सत्तां स्वर्गदूतां जो देख्या सै जे परमेशरा रे सामणे खड़े रैं, कने तिन्हांजो सात्त तुरहियां दित्तियां गईयां।