प्रकाशितवाक्य 1:2 - बिलासपुरी नौआं नियम

² कने तिने जे परमेशरा रे वचन कने यीशु मसीह री गवाही, यनि जो किछ तिने देख्या था तिसरी गवाही दित्ति।

प्रकाशितवाक्य 1:2 Iomraidhean Croise

यूहन्ना 1:32

फेरी यूहन्ने ये गवाही दित्ति : “मैं आत्मा जो कबूतरा साई स्वर्गा ते उतरदे देख्या, कने सै तिस पर टिकिग्या।

यूहन्ना 12:17

भीड़ा चते तिन्हें लोकें गवाही दित्ति सै जे तिस वक्त तिस सौगी थे ताहलूं जे लाजरा जो कब्रा चते सद्दीने जिऊंदा कित्या था।

यूहन्ना 19:35

तिने माहणुये जे ये गल्लां हुन्दे हुये देखियां, तिने इ इस बारे च गवाही दित्ति, ताकि तुहें बी यीशुये पर विश्वास करी सक्को। तिसरी ये गवाही सच्ची, कने सै जाणाँ भई तिने सच्च बोल्या।

यूहन्ना 21:24

ये सैई चेला सै जे इन्हां सारियां गल्लां रा गवाह कने तिने जे ये गल्लां लिखियां; अहें जाणाँ ये भई तिसरी गवाही सच्ची।

यूहन्ना 3:11

हऊँ तुहांजो सच्च बोलां, भई अहें सै जे जाणाँ ए सैई बोलां ए, कने अहें सै जे देक्खीरा तिसरी ही गवाही दें, कने सै जे अहें बोलां ए तिस पर तुहें विश्वास नीं करदे।

प्रेरितां 22:15

काँह्भई तू तिसरिया दुखा ते सब्बीं माहणुआं रे सामणे तिन्हां गल्लां रा गवाह हूणा सै जे तैं देख्या कने सुणेया।

प्रेरितां 26:16

पर तू उट्ठ, अपणे पैराँ पर खड़ा हो; काँह्भई मैं तिज्जो इस खातर दर्शण दित्या भई तिज्जो तिन्हां गल्लां रा बी सेवक कने गवाह बणाऊं, सै जे तैं देखी रियां, कने तिन्हांरा बी तिन्हां खातर जे मांह तिज्जो दर्शण देणा।

प्रेरितां 4:20

काँह्भई येढ़ा त अहांते नीं हुई सकदा भई सै जे अहें देख्या कने सुणीरा, तिस्सो नीं बोलिये।”

1 कुरिन्थियों 1:6

इस तरिके ने तिने तुहांजो ये साबित कित्या भई मसीह यीशुये रा सन्देश सच्च आ।

1 कुरिन्थियों 2:1

अरे विश्वासियो, ताहली जे हऊँ परमेशरा रा सन्देश सुणांदा हुआ तुहांले आया, तां मैं बड्डे शब्द इस्तेमाल नीं कित्ते कने अपणी शिक्षा रा प्रदर्शन नीं कित्या।

1 यूहन्ना 1:1

हऊँ यूहन्ना तुहांजो तिस माहणुए रे बारे च लिख्या रां, सै जे जीवना रा वचन आ। सै सृष्टिया रे बौहत पैहले ते था, तिसजो जे अहें सुणीरा, कने अपणियां आक्खीं देख्या, बल्कि तिस्सो अहें बड़े ध्याना ने देख्या कने अपणे हत्थां ने छुया।

1 यूहन्ना 4:14

कने अहें पुत्रा जो देखीरा कने तिसरी गवाही दें भई पिता परमेशरे अपणे पुत्रा जो संसारा रे लोकां जो छुटकारा देणे रे खातर भेज्या।

3 यूहन्ना 1:12

कलीसिया रे सारे लोक बोलां ये भई दिमेत्रियुस इक खरा माहणु आ; काँह्भई सै सच्चाईया रे मुतावक जीवन जीआं। अहें बी बोलां ये भई सै इक खरा माहणु आ कने तू जाणाँ भई सै जे अहें बोलां ये सै सच्च आ।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 1:19

इस खातर सै गल्लां जे तैं देखियां कने सै गल्लां जे हुया राँईयां कने सै गल्लां जे इसते बाद हुणे औल़ियां इ, तिन्हां सब्बीं जो लिखी लै।

प्रकाशितवाक्य 1:9

हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।

प्रकाशितवाक्य 12:11

“तिन्हें मेमने रे खून्ना रिया वजह ते कने अपणिया गवाहिया रे बचना रिया वजह ते तिस पर जीत पाईरी, काँह्भई तिन्हें मरते दम तक अपणिया जानी री परवाह नीं कित्ती।

प्रकाशितवाक्य 12:17

फेरी अजगरा जो जनाना पर गुस्सा आया कने तिसारियां बाकी औल़ादां ते लड़ने जो गया, सै जे परमेशर रे हुक्मा जो मन्नां ये कने यीशुये री सही शिक्षां पर अटल ये।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

प्रकाशितवाक्य 22:21

प्रभु यीशुये रा अनुग्रह परमेशरा रे लोकां सौगी रौ। आमीन।

प्रकाशितवाक्य 6:9

ताहली जे मेमने पंजवीं सील तोड़ी, तां मैं बेदिया रे थल्ले तिन्हांरे प्राणां जो देख्या, सै जे परमेशर रे वचनां रिया वजह ते, कने तिसा गवाहिया रिया वजह ने सै जे तिन्हें दित्ति, मारी दित्ते गये थे।