फिलिप्पियां 4:8 - बिलासपुरी नौआं नियम

⁸ इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

फिलिप्पियां 4:8 Iomraidhean Croise

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

मरकुस 6:20

काँह्भई हेरोदेस यूहन्ना जो धर्मी कने पवित्र माहणु जाणीने तिसते डराँ था, कने तिस्सो बचाई रखां था, हर बार ताहली जे हेरोदेस यूहन्ने जो बोलदे हुये सुणां, सै बौहत घबराई जां, पर फेरी भीं तिस्सो सुणना पसन्द करां था।

लूका 16:15

फेरी यीशुये तिन्हाने गलाया, तुहें लोकां रियां नज़राँ च बड़े धर्मी बणां ये, पर परमेशर तुहांरे कपटी स्वभावा जो जाणाँ। माहणुआं रिया समझा च सै जे खास आ, सै परमेशरा रिया नज़राँ च बेकार आ।

लूका 2:25

तिस वगत यरूशलेम नगरा च शमौन नौआं रा इक माहणु था। कने सै परमेशरा जो मनणे औल़ा कने तिसरा भगत था; सै जे इस्राएल जो शान्ति दवाणे खातर मसीह रा इन्तजार करया राँ था, कने पवित्र आत्मा तिस सौगी था।

लूका 23:50

ऊथी यूसुफ नौआं रा इक भला कने धर्मी माहणु था, सै जे यहूदी पंचैती रा इक सदस्य था।

यूहन्ना 7:18

सै जे अपणिया तरफा ते बोलां, सै अपणी बडयाई करवाणा चाँह; पर सै जे अपणे भेजणे औल़े री बडयाई चांह सैई सच्चा माहणु आ, कने तिसच कोई खोट निआं।

प्रेरितां 10:22

तिने गलाया, “कुरनेलियुस सुबेदार सै जे धर्मी कने परमेशरा ते डरने औल़ा कने जितने यहूदी लोक तिसरे बारे च जाणाँ ये सै बोलां ये भई सै बौहत भला माहणु आ। इक पवित्र स्वर्गदूते तिसजो गलाया, भई शम्मौन, पतरसा जो मिलणे खातर किसी जो जोप्पा जाणे जो बोल कने तिन्हांजो येत्थी ल्याव भई जो किछ सै बोलणा चाँह तिस्सो तू सुणी पाओ।”

प्रेरितां 22:12

“तां हनन्याह नौआं रा व्यवस्था रे मुतावक इक परमेशरा रा डर मनणे औल़ा माहणु, सै जे तित्थी रैहणे औल़यां सब यहूदियां च ईज्जतदार था, मेरले आया,

प्रेरितां 6:3

इस खातर, मेरे भाईयो, अप्पूँ चते सात्त खरे माहणुआं जो सै जे पवित्र आत्मा कने बुद्धिया ने भरीरे हो, चुणी लवा, भई अहें तिन्हांजो ये काम्म दई-देईये।

रोमियो 13:13

इस खातर औआ अहें तिन्हां लोकां साई ठीक ढंगा ने व्यवहार करना शुरु करिये सै जे जोतिया च रैं कने अन्धकारा च नीं। कने तुहांजो हरेक किस्मा री नशाखोरी कने दुराचारा च शामिल नीं हूणा चाहिन्दा; कने तुहांजो इक्की दूये ने लड़ाई कने हिरख नीं करना चाहिन्दा।

रोमियो 13:3

काँह्भई देक्खा राजा तिस माहणुये जो नीं डरान्दा, सै जे नेकी कमाँ, पर तिस माहणुये जो डराँ, सै जे बुरे काम्म कराँ। जे तुहें राजे ते नीं डरना चाहन्दे ओ, तां भले काम्म करदे रौआ, तुहांजो राजे रिया तरफा ते सराहना मिलणी;

रोमियो 14:18

सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें।

रोमियो 2:29

पर सच्चा यहूदी सैई हाया तिसरा दिल जे परमेशरा रिया नज़राँ च ठीक आ; कने सच्चा खतना पवित्र आत्मा रे जरिये दिला च हुआं, नां भई लिखी रिया व्यवस्था रे जरिये: येढ़े माहणुये री तारीफ माहणु नीं, बल्कि परमेशर कराँ।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

2 कुरिन्थियों 13:7

अहें परमेशरा ने प्राथना कराँ ये भई तुहें कोई बुराई नीं करो; इस खातर नीं भई अहें इस इम्तेहाना च पास ओ, बल्कि इस खातर भई तुहें सैई करा सै जे ठीक आ। चाये अहें इस इम्तेहाना च फेल हुन्दे हुये काँह नीं दिखो।

2 कुरिन्थियों 6:8

अहें आदरा कने निरादरा रे बिच, बेज्जतिया कने सम्माना च अपणे बारे च हमेशा सच्च बोल्या, पर किछ लोकें अहांजो भरमाणे औल़े समझया;

2 कुरिन्थियों 8:18

अहें तिस सौगी इक होर विश्वासी भाईये जो बी भेज्जी राँये, तिसरा खुशखबरिया रे प्रचारा च सारी कलीसियां रे विश्वासियां च यश फैली कराँ।

2 कुरिन्थियों 8:21

काँह्भई सै जे ठीक आ सैई करना अहांरा मकसद आ, वल्कि प्रभुये रिया नज़राँ ची नीं पर दुज्यां लोकां रिया नज़राँ च बी।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

इफिसियां 4:25

इस खातर तुहें झूट्ठ बोलणा छड्डिने, हरेक अपणे पड़ोसिये ने सच्च बोल्लो, काँह्भई अहें सारे इक्की शरीरा रे अंग ये।

इफिसियां 5:9

काँह्भई ज्योति हर किस्मा री भलाई, धार्मिकता कने सच्चाई पैदा कराँ इ।

इफिसियां 6:14

इस खातर सच्चाईया रिया पेट्टिया ने अपणी कमर कस्सीने, कने धार्मिकता री झिलम पैहनीने,

फिलिप्पियां 3:1

इस खातर मेरे साथी विश्वासियो, प्रभु च मौज मनान्दे रौआ। तुहांजो भीं बार-बार तिन्हांई गल्लां जो लिखदे रैहणे ते मिन्जो कोई दुख नीं हुन्दा काँह्भई येई गल्लां तुहौं झूट्ठे शिक्षकां ते सुरक्षित रख गियां।

कुलुस्सियां 4:5

मौके जो कीमती समझीने अविश्वासी लोकां ने समझदारिया ने बर्ताव करा।

1 थिस्सलुनीकियां 4:12

इस तरीके रा बर्ताव करने ते अविश्वासी लोक तुहांरा आदर करगे, कने तिसा चीजा री जे तुहांजो जरूरत इ तिसा रे खातर तुहांजो किसी पर बी निर्भर नीं रहणे पौणा।

1 तिमुथियुस 2:2

राजयां कने सब्बीं अधिकारियां रे खातर प्राथना कर ताकि अहें आराम कने चैना सौगी परमेशरा रे प्रति सारी भगतिया कने ठीक बर्तावा ने जिन्दगी जी सक्को।

1 तिमुथियुस 3:11

तियां इ सेवकां रियां पत्नियां जो बी ईज्जतदार हूणा चाहिन्दा; सै दोष लाणे औल़ियां नीं हो पर हरेक हालता च अपणे बर्तावा जो काबू करने औल़ी कने सारियां गल्लां च विश्वासा लायक हो।

1 तिमुथियुस 3:4

तिस्सो अपणे घरा जो सही ढंगा ने चलाणा चाहिन्दा कने अपणे बाल-बच्चयां जो सारियां गल्लां च आदरा सौगी तिस्सो मनणे खातर सखाणा चाहिन्दा।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

1 तिमुथियुस 5:10

कने भलयां कम्मां च तिसारा नौं हो, तियां जे बच्चयां रा पाल़ण-पोषण; मेहमान्नां री सेवा कित्ती हो, पवित्र लोकां री इक दासिया साई सेवा कित्ती हो, दुखियां री मद्‌द कित्ती हो, कने हरेक भले कम्मां च मन लाया हो।

1 तिमुथियुस 5:2

सयाणियां औरतां जो अपणिया माता साई जाणीने; जवान औरतां जो पूरिया पवित्रता ते अपणी बैहण जाणीने प्यार कने आदरा ने समझाई दे।

तीतुस 1:8

पर तिस्सो मेहमान्नां रा आदर खातर करने औल़ा, भले काम्म करने औल़ा, अपणियां भावनां पर काबू रखणे औल़ा, न्यायी, पवित्र कने अनुशासित हूणा चाहिन्दा।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

तीतुस 2:2

बजुर्गां जो अनुशासित कने हरेक हालता च अपणे बर्ताव कने भावनां जो काबू करने खातर कने ईज्जतदार हुणे खातर, कने विश्वास, प्यार, कने धीरजा च मजबूत हुणे खातर निर्देश देओ।

तीतुस 2:7

तिज्जो हर गल्ला च खरयां कम्मां रे जरिए उदाहरण पेश करना चाहिन्दा, तिसरा जे दूज्जे लोक हमेशा पालन करी सक्को। ताहली जे तू विश्वासियां जो परमेशरा रे बारे च सखां, तां तिज्जो खरे ईरादे ने सखाणा चाहिन्दा कने इस तरीके ने भई लोक तेरा आदर करो।

तीतुस 3:14

अहांरे लोक बी जरूरतां जो पूरा करने खातर भलयां कम्मां च लगी रैहणा सिखो, ताकि सै बेकार जिन्दगी नीं जींगे।

इब्रानियों 11:2

अहांरे पूर्वजां रा विश्वास इस तरिके रा था सिर्फ इस वजह ने परमेशर तिन्हांते खुश था।

इब्रानियों 13:18

अहांरे खातर प्राथना करदे रौआ, काँह्भई अहांजो भरोसा भई अहांरी अन्तरात्मा शुद्ध इ, कने अहें अपणिया जिन्दगिया री हरेक गल्लां च परमेशरा जो आदर देणा चाँये।

याकूब 1:27

अहांरे परमेशर कने पिता रे सामणे सच्ची कने शुद्ध भगती सैई तिसच जे अनाथां कने विधवां री तिन्हांरे दुख तकलीफां च मदद करो, कने खुद अप्पूँजो कोई संसारिक कलंक नीं लगणे दित्या हो।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 4:8

कने सबनीं ते बड्डी गल्ल येई भई तुहें इक्की दुज्जे ने ईमानदारिया ने प्यार रखा, काँह्भई जे तुहें प्यार रखगे तां तुहां लोकां रिया किसी बी गल्तिया जो माफ करने खातर सदा त्यार रैहणा।

2 पतरस 3:1

मेरे प्यारे मित्रो, हुण ये दुज्जी चिट्ठी सै जे हऊँ तुहांजो लिखिराँ। इन्हां दुईं चिट्ठियां च मैं तुहांजो तिन्हां गल्लां री याद दिलाई, तिन्हांजो जे तुहें पैहले तेई जाणाँ ये, ताकि ताहली जे तुहें मेरी लिखी रिया गल्लां जो याद कराँ ये, तां ये तुहांजो सही ढंगा ने सोचणे च मदद करगियां।

1 यूहन्ना 3:18

मेरे प्यारे बच्चो, अहांरा प्यार सिर्फ मुँआं ते गलाई रियां गल्लां तक इ सीमित नीं रैहणा चाहिन्दा, पर कर्म करने औल़ा कने सच्चा हूणा चाहिन्दा।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।