फिलिप्पियां 4:11 - बिलासपुरी नौआं नियम

¹¹ किसी जरूरता रिया वजह ने हऊँ ये नीं बोल्ली कराँ, काँह्भई हऊँ चाये केढ़िया बी हालता च रहूँ; मैं तिसच इ सन्तोख करना सिक्खी लरा।

फिलिप्पियां 4:11 Iomraidhean Croise

लूका 3:14

किछ सपाईयें बी पुच्छया, “अहांजो क्या करना चाहिन्दा?” यूहन्ने तिन्हाजो जवाब दित्या, “किसी ते तिसरे पैसयां जो नीं खोयां, कने जाणदे हुए बी किसी पर झूट्ठा इल्जाम नीं लगायों, कने तुहांजो जितणी मजदूरी मिलांई तिसच इ सन्तोख रखयों।”

2 कुरिन्थियों 11:27

मैं बौहत मेहणत करीने दुखां ते थक्कीने टुटिग्या, कईयां मौकयां च त मिन्जो सौणे बी नीं मिलया, कने ठण्डा ते बचणे खातर पैहनणे जो गर्म कपड़ा बी नीं था इस वजह ने कम्बदा रैया।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

2 कुरिन्थियों 9:8

कने परमेशर तुहांजो जरूरता ते जादा देणे च सामर्थी आ, ताकि तुहांले दुज्यां जो देणे खातर जादा ते जादा हूणा।

फिलिप्पियां 3:8

होर बी जादा, हऊँ समझां भई तिस सब्बीं किजि री कोई कीमत नीं काँह्भई ताहली जे हऊँ इसरी तुलना जादा कीमता ने कराँ सै जे यीशु मसीह जो मेरा प्रभु बोलीने जाणना। तिसरिया वजह ने हऊँ सब किछ त्यागी चुक्कीरा कने हऊँ तिन्हांजो कूड़ा समझां ताकि हऊँ मसीह रा हुई सक्कूँ।

इब्रानियों 10:34

काँह्भई तुहें कैदियां सौगी दुख सैया, कने ताहली जे अधिकारियें तुहांरी सम्पत्ति जफ्त कित्ती थी तिस्सो बी तुहें खुशिया ने सैईल्या। काँह्भई तुहें जाणाँ थे भई तुहें सै सम्पत्ति पाईरी तिस राजे परमेशरे वायदा कित्तिरा, सै जे उत्तम इ कने हमेशा रे खातर इ।