फिलिप्पियां 3:5 - बिलासपुरी नौआं नियम

⁵ ताहली जे हऊँ अट्ठां दिनां रा था, मेरा खतना हुया था। हऊँ इस्राएली लोकां चते आ, हऊँ बिन्यामीन रे गोत्रा रा; मेरे माता-पिता इब्रानी थे तां हऊँ बी इक इब्रानी आ; इक फरीसिये साई मैं मूसा री व्यवस्था रा ध्याना ने पालन कित्तिरा।

फिलिप्पियां 3:5 Iomraidhean Croise

लूका 1:59

ताहली जे सै मुण्डुये अट्ठां दिनां रा हुया, तां यहूदी जातिया री रशमा रे मुतावक सारे रिश्तेदार कने मित्र तिसरा खतना (नामकरण) करने खातर कट्ठे हुए। सै तिस मुण्डुये रा नौं तिसरे पिता रे नौआं रे मुतावक जकर्याह रखणे लगे।

लूका 2:21

अट्ठां दिनां बाद, यहूदी रीति-रिवाजा रे मुतावक तिस बगत जे तिस बच्चे रा खतना (नामकरण संस्कार) हुया, ताहली तिसरा नौं यीशु रखया। ये सै नौं था तिस न्याणे रा नौं जे पेट्टा च औणे ते पैहले स्वर्गदूते मरियमा जो दस्सीरा था।

लूका 5:38

अंगूरां रा नौआं रस मशकां ची भरना चाहिन्दा।

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

प्रेरितां 23:6

तां पौलुसे ये जाणीने, भई किछ सदूकी लोक कने किछ सदूकी लोकां जो सभा च हाक पाईने गलाया, “हे भाईयो, हऊँ फरीसी कने फरीसियां रे वंशा रा, कने मेरा न्याय मरीरयां री आशा कने भीं ते जिऊंदा हुणे रे बारे च हुया राँ।”

प्रेरितां 6:1

तिन्हां दिना च तां जे चेले गिणतिया च बौहत बधणे लगे, तां यूनानी भाषा बोलणे औल़े यहूदी चेलयां इब्रानी भाषा बोलणे औल़यां यहूदी चेलयां पर कुड़कुड़ाने लगे, भई हर रोज किया सेवा च अहां रियां विधवां री देख-भाल नीं हुंदी।

रोमियो 11:1

इस खातर हऊँ पुच्छां, क्या परमेशरे अपणयां लोकां जो छडित्या? विल्कुल नीं! काँह्भई हऊँ बी इक इस्राएली आ; अब्राहम रे वंशा ते कने बिन्यामीन रे गोत्रा चते आ।

2 कुरिन्थियों 11:22

क्या सै इब्रानी ये? तां हऊँ बी इब्रानी आ। क्या सै इस्राएली ये? तां हऊँ बी इस्राएली आ। क्या सै अब्राहम रे बंशा रे? तां हऊँ बी अब्राहम रे बंशा रा।