फिलिप्पियां 3:3 - बिलासपुरी नौआं नियम

³ काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।

फिलिप्पियां 3:3 Iomraidhean Croise

रोमियो 1:9

परमेशर तिसरी सेवा जे हऊँ अपणे पूरे दिला ते तिसरे पुत्रा री खुशखबरिया रा प्रचार करने रे जरिये कराँ, सैई मेरा गवाह भई हऊँ कियां तुहांजो हमेशा अपणियां प्राथनां च याद करदा रैयां,

रोमियो 15:17

इस खातर यीशु मसीह रिया वजह ने हऊँ परमेशरा खातर सै जे सेवा कराँ तिस पर मिन्जो गर्व आ।

रोमियो 7:6

पर व्यवस्था अहांरे ऊपर राज नीं करदी, अहें मूईरे लोकां साई ये कने ये अहांरे ऊपर कोई हक नीं जताई सकदी। हुण अहें लिखिरी पुराणी व्यवस्था रा पालन करीने नीं वल्कि आत्मा सौगी नये तरिके ने परमेशरा री सेवा करी सक्कां ये।

रोमियो 8:15

काँह्भई सै आत्मा जे तुहांजो मिलीरी, तुहांजो फेरी भीं दास बणीने डरने खातर नीं, वल्कि सै तुहांजो परमेशरा रे बच्चे बणाईं, तिसरे जरिये अहें परमेशरा जो, हे अब्बा, हे पिता करीने पुकाराँ ये।

रोमियो 9:6

पर येढ़ा निआं भई परमेशरे अपणा वायदा पूरा नीं कित्या, काँह्भई सै जे इस्राएल रे बंशज ये, हकीकत च सै सारे इस्राएली नींये;

2 कुरिन्थियों 11:18

काँह्भई बौहत सारे लोक अपणी कामयाबिया पर धमण्ड कराँ ये, इस खातर मांह बी अपणिया कामयाबिया पर घमण्ड करना।

गलातियां 5:25

काँह्भई अहें पवित्र आत्मा रे जरिये जीयें, तां औआ पवित्र आत्मा रे मुतावक इ चलिये।

गलातियां 6:16

कने जितने लोक इस नियमा रा पालन कराँ ये तिन्हां सब्बीं जो परमेशरा शान्ति देणी कने आशीषित करना। सै परमेशरा रे लोक ये।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

फिलिप्पियां 1:1

यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

फिलिप्पियां 3:12

हऊँ ये दावा नीं कराँ भई ये सब हऊँ पैहले तेई करी चुक्कीरा या हऊँ पूरा इ सिद्ध हुई चुक्कीरा। पर हऊँ मसीह साई बणने रे खातर बौहत कोशिश करीराँ, तिसरे खातर जे तिने मिन्जो चुणीरा।

फिलिप्पियां 3:14

तां हऊँ ईनाम जितने रे खातर सिधा मकसदा रिया तरफा दौड़ां, सै जे अनन्त जीवना रे खातर यीशु मसीह रे जरिये मिन्जो परमेशरा रा बुलावा।

कुलुस्सियां 2:11

ताहली जे तुहें मसीह पर विश्वास कित्या, तां तुहांरा खतना माहणुआं रे हत्थां ते नीं हुया था (तियां जे यहूदी कराँ ये) पर खतना सै जे मसीह रे जरिये कित्या गईरा इसते तुहांरा पापी स्वाभाव दूर कित्या गया,

यहूदा 1:20

पर मेरे प्यारे मित्रो, तुहांजो पवित्र विश्वासा च बधणे खातर इक्की दूये री मदद करदे रैहणा चाहिन्दा कने पवित्र आत्मा रिया अगुवाईया रे जरिये तुहांजो प्राथना करनी चाहिन्दी।