फिलिप्पियां 2:30 - बिलासपुरी नौआं नियम

³⁰ तिने मसीह रे कम्मां खातर मौती रा सामणा कित्या कने अपणिया जिन्दगिया जो खतरे च पाईत्या ताकि सै सहायता जे तुहें खुद मिन्जो नीं देई सक्के, तिस्सो इपफ्रदीतुस पूरा करी सक्को।

फिलिप्पियां 2:30 Iomraidhean Croise

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

रोमियो 16:4

तिन्हें मेरा प्राण बचाणे खातर अपणी जिन्दगी बी दावा पर लगाईती थी; कने सिर्फ हऊँ इ नीं, पर अन्यजातियां री सारी कलीसियां बी तिन्हांरा धन्यवाद कराँ इयां।

1 कुरिन्थियों 15:53

काँह्भई जरूरी आ, भई सै नाशवान शरीर अविनाशिये जो धारण करी लो, कने ये मरणहार शरीर अमरता जो धारण करी लो।

1 कुरिन्थियों 16:10

जे तिमुथियुस आईजो, तां देख्यां भई सै तुहांरे येत्थी निडर रौ; काँह्भई सै मेरे साई प्रभुये रा काम्म कराँ।

1 कुरिन्थियों 16:17

हऊँ खुश था ताहली जे स्तिफनुस कने फूरतूनातुस कने अखइकुस आये, काँह्भई तिन्हें तेरिया कमिया जो पूरा कित्तिरा।

2 कुरिन्थियों 12:15

सै जे किछ मेरले आ तिस्सो तुहांरे खातर बड़िया खुशिया ने खर्च करगा, कने तुहांरी मदद करने रे खातर अपणा जीवन बी देई देन्गा। जे हऊँ तुहांजो जादा प्यार रखां, तां भला तुहें मिन्जो घट प्यार कियां करी सक्कां ये।

2 कुरिन्थियों 4:12

इसा वजह ते अहें मौती रे खतरयां च जीआं ये, पर इसरा नतीजा तुहांरे खातर अनन्त जीवन आ।

फिलिप्पियां 2:17

जे मिन्जो तुहांरे विश्वास रुपी बलिदान्ना कने सेवा सौगी अपणा खून बी बहाणे पौ तां बी मिन्जो खुशी हूणी, कने तुहां सब्बीं सौगी मौज कराँ।

फिलिप्पियां 2:27

हाँ, सै बीमार त था, कने सै बी इतणा भई तियां जे मरने इ औल़ा था, पर परमेशरे तिस्सो दया करीने ठीक कित्या, सिर्फ तिस पर इ नीं बल्कि माह पर बी दया कित्ती ताकि हऊँ पैहले ते दुखी हुणे ते जादा दुखी न हुई सक्कूँ।

फिलिप्पियां 4:10

तुहें पक्का मेरिया भलाईया रे खातर सोच्चां थे पर तुहांजो मेरी मदद करने खातर मौका नीं मिलया था, पर हुण आखिरकार तुहांजो मेरे बारे च भीं ते चिन्ता जाग्गी, इसते हऊँ प्रभु च बड़ा भरी खुश हुया।

फिलिप्पियां 4:18

हुण मिन्जो तुहांरे जरिये भेज्जिरा सब किछ मिलीगरा कने ये बौहत जादा, काँह्भई ये सब इपफ्रदीतुस ल्याईरा कने मैं तिसजो ग्रहण कित्तिरा, सै सुख देणे औल़ी सुगन्ध कने ग्रहण करने लायक बलिदान्ना साई तिसते जे परमेशर खुश हुआं।

फिलेमोन 1:13

तिस्सो हऊँ अप्पूँ ले रखणा चांह था ताकि सै तेरी जगह मेरी मदद करी सक्को, ताहली जे हऊँ खुशखबरिया रा प्रचार करने रिया वजह ते जेल्ला चा।

प्रकाशितवाक्य 12:11

“तिन्हें मेमने रे खून्ना रिया वजह ते कने अपणिया गवाहिया रे बचना रिया वजह ते तिस पर जीत पाईरी, काँह्भई तिन्हें मरते दम तक अपणिया जानी री परवाह नीं कित्ती।