फिलिप्पियां 2:29 - बिलासपुरी नौआं नियम

²⁹ इस खातर तुहें प्रभु च तिसरा बड़िया खुशिया ने स्वागत करा कने येढ़े लोकां रा आदर करदे रैहणा चाहिन्दा।

फिलिप्पियां 2:29 Iomraidhean Croise

लूका 9:5

जिस गाँवां रे लोक तुहांरा स्वागत नीं करो, तां तिसा जगह ते निकल़दे बगत अपणे पैराँ री धूड़ झाड़ी लेणी, तिसते जे तिन्हारे खलाफ गवाही हुई जाओ।”

यूहन्ना 13:20

हऊँ तुहांजो सच बोलां, भई सै जे मेरे भेज्जीरे जो ग्रहण कराँ, सै मिन्जो ग्रहण कराँ, कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

प्रेरितां 2:46

पैहलके दिनां च सारे विश्वासी लोक हर रोज़ इक मन हुईने मन्दरा च कट्ठे हुआं थे, कने घरा-घरा रोटी तोड़दे हुये खुशिया ने कने साफ मना ने रोटी खां थे,

प्रेरितां 28:10

तिन्हें अहांरा बौहत आदर कित्या, कने ताहली जे अहें तिन्नां महीनयां ते बाद चलने लगे तां जो किछ अहां खातर जरूरी था, जहाजा पर रखीत्या।

प्रेरितां 8:8

कने तिस नगरा रे बौहत लोक खुश हुईगे।

रोमियो 10:15

कने जे कोई तिन्हांजो प्रचार करने जो नीं भेज्या जाओ, तां सै कियां दस्सी सक्कां ये? तियां जे पवित्रशास्त्रा च लिखिरा, “खुशखबरी ल्यौणे औल़यां रे चरण कितणे छैल़ ये, सै जे खुशखबरी सणवायें।”

रोमियो 16:2

भई तुहें, तिसारा स्वागत करा काँह्भई सै प्रभुये री, इस तरिके ने स्वागत करा तियां जे परमेशरा रे लोक इक्की दूये रा स्वागत कराँ ये। कने जो किछ मदद तिसाजो तुहांते चाहिन्दी तिसाजो देआ, काँह्भई तिसे मेरे बी कने बौहत लोकां री बी मदद कित्तिरी।

1 कुरिन्थियों 16:10

जे तिमुथियुस आईजो, तां देख्यां भई सै तुहांरे येत्थी निडर रौ; काँह्भई सै मेरे साई प्रभुये रा काम्म कराँ।

1 कुरिन्थियों 16:18

कने तिन्हें मिन्जो हौंसला दित्या तियां जे तिन्हें तुहांजो बी दित्या, इस खातर तुहौं येढ़यां लोकां रा आदर करना चाहिन्दा।

2 कुरिन्थियों 10:18

काँह्भई सै जे अपणी बडयाई कराँ, सै नीं पर तिसरी बडयाई जे प्रभु कराँ, सैई परमेशरा रे जरिये ग्रहण कित्या जां।

2 कुरिन्थियों 7:2

अहांजो अपणे दिला ने प्यार करा, अहें किसी रा किछ बी नीं बगाड़ीरा; अहें किसी ने बी कोई अन्याय नीं कित्या, कने नांई अहें किसी ने कोई छल-कपट कित्या।

फिलिप्पियां 2:28

इस खातर हऊँ तिस्सो तुहांले भेजणे जो बौहत उत्सुक आ भई ताहली जे तुहें तिसजो देक्खो तां इक बार भीं खुश हुई सक्को कने मेरी चिन्ता घटी जो।

कुलुस्सियां 4:10

अरिस्तर्खुस, सै जे मेरे सौगी कैदी आ, कने बरनबास रे रिश्तेदार मरकुस रा तुहांजो नमस्कार, (तिसरे बारे च तुहें आज्ञा पाई थी भई जे सै तुहांले आओ, तां तिसने ठीक ढंगा ने बर्ताव करयां।)

1 थिस्सलुनीकियां 5:12

साथी विश्वासियो अहें तिन्हांरा आदर करने खातर तुहांजो विनती कराँ ये सै जे तुहांरे बिच कड़ी मेहणत कराँ ये, कने प्रभुये च तुहांरे अगुवे, कने तुहांजो सखांये।

1 तिमुथियुस 5:17

सै प्राचीन जे कलीसिया रे कम्मां जो ठीक-ढंगा ने कराँ ये, विशेष करीने सै जे वचन सुनाणे कने सखाणे च मेहणत कराँ ये, सै दो गुणा आदरा रे लायक समझे जाओ।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

3 यूहन्ना 1:10

इसा वजह ने ताहली जे मांह औणा, तां तुहांरे सामणे तिसरे जरिये कित्तिरे सारे कम्मां जो सामणे ल्यौन्गा यनि बुरे-बुरे शब्दां रा इस्तेमाल करीने अहां पर लगाईरे आरोपां रा। इतणा इ नीं पर सै खुद तिन्हां साथी विश्वासियां रा स्वागत नीं करदा सै जे लग-लग जगहां च जाईने खुशखबरिया रा प्रचार कराँ ये, कने सै जे तिन्हांरा स्वागत करना चांह ये, सै तिन्हांजो बी रोकां कने कलीसिया ते बाहर कडी देआं।