फिलिप्पियां 2:25 - बिलासपुरी नौआं नियम

²⁵ हऊँ ये जरूरी समझां भई इपफ्रदीतुस जो तुहांले भेज्जूँ सै जे मेरा भाई कने मेरे सौगी काम्म करने औल़ा, कने सै जे मेरे सौगी इक सैनका साई आ, सै जे तुहांरा बी सनेहा देणे औल़ा, तिस्सो जे तुहें मेरियां जरूरतां रा ख्याल रखणे रे खातर मेरले भेज्या था।

फिलिप्पियां 2:25 Iomraidhean Croise

यूहन्ना 13:16

हऊँ तुहांजो सच-सच बोलां, इक दास अपणे गुरुये ते बडा नींआ, कने नांई इक सनेहा देणे औल़ा तिसते बड्डा सै जे तिसजो भेज्जां।

यूहन्ना 17:18

तियां जे तैं मिन्जो इस संसारा च भेज्या, तियां इ मैं बी तिन्हांजो इस संसारा च भेज्जीरा।

रोमियो 16:3

प्रिस्का कने अक्विला जो मेरी नमस्ते। सै यीशु मसीह च मेरे सहकर्मी ये।

रोमियो 16:9

उरबानुस जो मेरा नमस्कार सै जे मसीह च अहांरे सहकर्मी ये, कने मेरे प्यारे मित्र इस्तुखुस जो बी नमस्कार।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

2 कुरिन्थियों 2:13

मेरे सौगी काम्म करने औल़े तीतुस जो तित्थी नीं पाईने हऊँ बड़ा दुखी था; इस खातर हऊँ त्रोआस नगरा जो छड्डिने वापस मकिदुनिया प्रदेशा च आईग्या।

फिलिप्पियां 2:26

काँह्भई सै तुहां सब्बीं जो देखणा चाँह था, इसा वजह ते सै परेशान था, काँह्भई तुहें सुणया था भई सै बमार था।

फिलिप्पियां 4:18

हुण मिन्जो तुहांरे जरिये भेज्जिरा सब किछ मिलीगरा कने ये बौहत जादा, काँह्भई ये सब इपफ्रदीतुस ल्याईरा कने मैं तिसजो ग्रहण कित्तिरा, सै सुख देणे औल़ी सुगन्ध कने ग्रहण करने लायक बलिदान्ना साई तिसते जे परमेशर खुश हुआं।

फिलिप्पियां 4:3

मेरे सच्चे साथी सन्तुखे तेरेने बी मेरी विनती भई इन्हां जनानां री मदद करयां, ये क्लेमेंस कने मेरे दुज्जे साथियां समेत खुशखबरी फैलाणे च मेरे सौगी जुटी रियां रैईयां, तिन्हांरे नौं जे जीवना रिया कताबा च लिखिरे।

कुलुस्सियां 1:7

ये सन्देश तुहें अहांरे प्यारे साथी इपफ्रास ते सिक्खया, सै जे अहांरे खातर मसीह रा विश्वास लायक सेवक आ।

कुलुस्सियां 4:11

युसतुस रे नौआं ते जाणयां जाणे औल़े यीशुये रा बी तुहांजो नमस्कार हो। यहूदी विश्वासियां चते परमेशरा रे राज्जा खातर मेरे सौगी काम्म करने औल़े सिर्फ ये तिन्न माहणु ये कने इन्हा रिया वजह ने मिन्जो बौहत जादा तसल्ली मिली।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

फिलेमोन 1:24

कने मरकुस, अरिस्तर्खुस, देमास कने लूका सै जे मेरे सौगी प्रभुये रा काम्म कराँ ये, इन्हां सब्बीं रा तिज्जो नमस्कार।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।