फिलिप्पियां 2:12 - बिलासपुरी नौआं नियम

¹² इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

फिलिप्पियां 2:12 Iomraidhean Croise

मत्ती 11:12

तदुआं ते जे यूहन्ने प्रचार करना शुरु कित्या तिस वगता ते लेईने हुण तक परमेशरा रा राज तेजिया ने बधया राँ कने बलवान लोक तिसजो नाश करना चाँये।

मत्ती 11:29

मेरे अधीन हुई जवा तियां जे बैल जुंगड़े रे थल्ले रैयां कने मेरियां शिक्षां ते सीख लौआ, काँह्भई हऊँ आम माहणु आ कने मना रा नम्र आ: तुहांजो बी अपणे मना च सुख-चैन मिलणा।

प्रेरितां 16:29

तां सै लम्फ बाल़ीने अन्दरा गया, कने पौलुस कम्बदा-कम्बदा सीलासा रे अग्गे पैराँ पई गया;

प्रेरितां 9:6

पर हुण उट्ठीने नगरा च जा, कने जो किछ तू करना सै तिज्जो दस्या जाणा।”

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

1 कुरिन्थियों 2:3

ताहली जे हऊँ तुहांरिया सौगी था तिस वगत मेरा शरीर कमजोर था, कने हऊँ डरा रिया वजह ने कम्बीग्या।

1 कुरिन्थियों 4:14

ये सारा किछ हऊँ तुहांजो शर्मिन्दा करने खातर नीं लिखिराँ, पर अपणे प्यारे बच्चे समझीने तुहांजो चेतावनी देआं।

2 कुरिन्थियों 7:15

सै ताहली जे ये आद कराँ भई तुहें सारयां किस तरिके ने तिसरा हुक्म मन्नया कने डरा रे मारे थर-थर कम्बदे हुये तुहें तिस्सो कियां अपणाया तां तुहांरे प्रति तिसरा प्यार होर बी बधी जां।

इफिसियां 6:5

अरे सेबको, तुहौं मना रिया सच्चाईया ने आदर कने डरा ने अपणे संसारिक मालकां रे हुक्मां रा पालन इस तरिके ने करा, तियां जे तुहें मसीह रा कराँ ये।

फिलिप्पियां 1:27

सिर्फ इतणा करा भई तुहांरा चाल-चल़ण मसीह रिया खुशखबरिया रे लायक हो। भई चाये हऊँ आईने तुहांजो देखूँ, या नीं बी आऊँ, पर तुहांरे बारे च ये सुणुं भई तुहें इक्की मना च अटल कने इक जुट हुईने खुशखबरिया रे विश्वासा खातर खूब मेहणत करया राँये।

फिलिप्पियां 1:29

काँह्भई मसीह रिया तरफा ते तुहांजो न सिर्फ तिस पर विश्वास करने रा, पर तिसरे खातर मुशीवतां झेलणे रा बी खास मौका दित्तिरा;

फिलिप्पियां 1:5

काँह्भई तुहें यीशु मसीह रिया खुशखबरिया पर विश्वास करने रे दिना ते लेईने अज्जा तक खुशखबरिया रे प्रचारा च मेरा साथ देन्दे रै।

फिलिप्पियां 1:6

मिन्जो इसा गल्ला रा पूरा भरोसा भई परमेशरे तुहां लोकां च इक येढ़ा बधिया काम्म शुरु कित्या, सैई तिस्सो यीशु मसीह रे वापस औणे रे दिना तक पूरा करदे रैंहगे।

फिलिप्पियां 2:19

मिन्जो प्रभु यीशुये च आशा इ भई हऊँ तिमुथियुस जो तुहांले जल्द भेजगा, ताकि तुहांरे बारे च खबर सुणीने हऊँ उत्साहित हुई सक्कूँ।

फिलिप्पियां 4:1

इस खातर मेरे प्यारे साथी विश्वासियो, हऊँ तुहां ने बौहत जादा प्रेम कराँ कने तुहांजो मिलणे जो तरसया राँ; तुहें मेरी मौज कने मेरे कम्मां रा ईनाम ये, इस खातर प्यारे मित्रो लगातार प्रभुये पर मजबूतिया ने विश्वास करदे रौआ।

फिलिप्पियां 4:15

हे फिलिप्पी रे लोको, तुहें त जाणाँ यें खुशखबरिया रे प्रचारा रे तिन्हां शुरु रे दिनां च ताहली जे मैं मकिदुनिया प्रदेश छड्डया था, तां लेणे-देणे रे बारे च सिर्फ तुहांरिया कलीसिया जो छड्डिने किसी होर कलीसिये मेरी सहायता नीं कित्ती थी।

1 थिस्सलुनीकियां 1:3

कने ताहली जे अहें अपणे परमेशर कने पिता ने प्राथना कराँ ये तां अहें सदा तुहांरे तिन्हां कम्मां जो आद कराँ ये तिन्हांजो जे तुहें विश्वासा रिया वजह ने कराँ ये। कने तुहें साथी विश्वासियां री मदद करने खातर लगना ने काम्म कराँ ये काँह्भई तुहें तिन्हांने प्रेम कराँ ये, कने तुहें दुख सैया यें काँह्भई अहांरे प्रभु यीशु मसीह रे वापस औणे री आशा रखां ये, इन्हां सारियां गल्लां जो अहें हमेशा याद कराँ ये।

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

इब्रानियों 12:1

इस वजह ते ताहली जे बौहत लोकां रे विश्वासा रियां गवाहीयें अहांजो इतणे बड्डे बद्दल़ा साई घेरीरा ओ, तां औआ, हरेक रोकणे औल़ियां चिज़ां कने उलझाणे औल़यां पापां जो दूर करीने, तिसा दौड़ा च जे अहां दौड़णा तिसाजो धैर्य ने दौड़िये।

इब्रानियों 4:1

ताहली जे परमेशरे अहांने वायदा कित्तिरा भई अहें विस्राम रिया जगह प्रवेश करगे, तां अहांजो इस खातर चौकस रैहणा चाहिन्दा ताकि तुहां चते कोई तित्थी जाणे ते बंचित नीं रौ।

इब्रानियों 4:11

इस खातर आओ अहें तिस विस्राम रिया जगह च जाणे री कोशिश करिये, ताकि येढ़ा नीं हो भई कोई माहणु इस्राएली लोकां साई हुक्म नीं मन्नीने विस्राम च जाई नीं पाओ।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।