फिलिप्पियां 1:9 - बिलासपुरी नौआं नियम

⁹ कने हऊँ येई प्राथना करदा रैयां भई तुहांरा प्यार, कने सुध-बुध हर तरह रे ज्ञाना सौगी हमेशा बधदी रौ।

फिलिप्पियां 1:9 Iomraidhean Croise

1 कुरिन्थियों 14:20

अरे साथी विश्वासियो, तुहें अपणिया समझा च बालकां साई नीं बणा। फेरी बी बुराईया च त बालक रौआ, पर समझा च सयाणे बणा।

2 कुरिन्थियों 8:7

कने तियां जे भई तुहें हर गल्ला च यनिके विश्वासा च, बाणिया च, ज्ञाना च, कने मदद करने रिया इच्छा च, कने तिस प्यारा च सै जे तुहें अहांने रक्खां ये, बधदे जांये, तियां इ इस दान्ना रिया सेवा च बी बधदे जावा।

इफिसियां 5:17

इस खातर मूर्ख मत बणा, पर ये जाणा भई प्रभुरी क्या इच्छा इ।

कुलुस्सियां 1:9

इस खातर जिस दिना ते अहें तुहांरे बारे च ये सुणया, अहें तुहांरे खातर लगातार प्राथना कराँ ये कने परमेशरा ने ये विनती कराँ ये भई परमेशरा रा आत्मा तुहांजो ज्ञान कने समझ देओ ताकि तुहें तिसरिया इच्छा जो पूरे तरिके ने समझी सक्को।

कुलुस्सियां 3:10

कने तुहें नया माहणु बणी चुक्कीरे। तुहें अपणे रचणे औल़े साई जादा ते जादा बणी राँये कने तुहें तिस्सो अच्छे तरिके ने समझगे।

1 थिस्सलुनीकियां 3:12

कने प्रभु येढ़ा करो भई तियां जे अहें तुहांजो प्यार रक्खां ये, तियां इ तुहांरा प्यार बी इक्की दूये ने कने सारे माहणुआं सौगी बधो, कने उमड़दा रौओ,

1 थिस्सलुनीकियां 4:1

भाईयो, अहें तुहांते विनती कराँ ये कने तुहांजो प्रभु यीशुये च समझावांये भई तेढ़ा जे तुहें अहांते ठीक चाल चलना कने परमेशरा जो खुश करना सिखी रा, कने तेढ़े जे चलां बी ये, तेढ़े इ होर बी तरक्की करदे जाओ।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

फिलेमोन 1:6

हऊँ प्राथना कराँ भई तेरी सारी खरियां गल्लां जो जाणने रिया वजह ने सै जे परमेशरे अहांजो दित्ति रियां तेरी संगती बधी सक्को सै जे विश्वासियां ने सौगी। ये मसीह रिया महिमा खातर हुई सक्को।

इब्रानियों 5:14

पर रोटी तिन्हां लोकां रे खातर इ सै जे विश्वासा च परिपक्व ये, कने सै जे अनुभवा रे जरिये सही कने गल़ता च फर्क करना जाणाँ ये।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।