फिलिप्पियां 1:7 - बिलासपुरी नौआं नियम

⁷ मेरे खातर ये ठीक आ भई हऊँ तुहांरे बारे च ये सोच्चूँ, काँह्भई हऊँ तुहांजो बौहत प्रेम कराँ। काँह्भई चाहे हऊँ कैदा चा, चाहे खुशखबरिया रिया सच्चाई री फाजत करया राँ, चाहे खुशखबरिया जो प्रमाणित करया राँ, तिसच तुहें सारे मेरे सौगी परमेशरा रे अनुग्रह च हिस्सेदार ए।

फिलिप्पियां 1:7 Iomraidhean Croise

प्रेरितां 20:23

सिर्फ ये जाणाँ भई पवित्र आत्मा हर नगरा-नगरा च गवाही देईने मेरने गलाया राँ भई बन्धन कने क्लेश तेरे खातर त्यार ये।

प्रेरितां 21:33

फेरी पलटना रे सरदारे पौलुस रे नेड़े आईने तिस्सो पकड़ील्या; कने दुईं जंजीराँ च बन्हणे रा हुक्म देईने पुछणे लगया ये कुण आ कने इने क्या कित्तिरा?”

1 कुरिन्थियों 13:7

प्यार सब्बीं गल्लां जो सहन करी लेआं, सब्बीं गल्लां जो मन्नी लेआं, सब्बीं गल्लां री आशा रखां, सब्बीं गल्लां च धीरज रखां।

1 कुरिन्थियों 9:23

हऊँ ये सब किछ खुशखबरिया खातर कराँ ताकि हऊँ दुज्यां लोकां ने तिसरियां आशीषां रा सहभागी हुई जाऊँ।

2 कुरिन्थियों 3:2

तुहें खुद इक चिट्ठिया साई ये सै जे अहांरे दिला च लिखिरी, तिसजो जे सारे लोक पैहचाणां ये कने पढ़ां ये।

2 कुरिन्थियों 7:3

हऊँ तुहांजो दोषी बनाणे खातर येढ़ा नीं बोलीराँ, काँह्भई हऊँ तुहांजो दस्सी बैठिरा भई अहें तुहौं दिला ते प्यार कराँ ये। येत्थी तक भई अहें तुहां सौगी जीणे मरने जो त्यार ये।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

इफिसियां 6:20

तिसरे खातर जे हऊँ जंजीराँ ने जकड़ोईरे राजदूता साई सेवा करया राँ। प्राथना करा भई तियां जे हिम्मता ने मिन्जो बोलणा चाहिन्दा, तियां इ निडर हुईने बोल्ली सक्कूं।

फिलिप्पियां 1:12

साथी विश्वासियो, हऊँ चाँह भई तुहें ये जाणी लो भई माह पर सै जे बीती, तिसते खुशखबरी कई गुणा फैलदी गई।

फिलिप्पियां 1:13

येत्थी तक भई बादशाह कैसरा रे राजमैहला री सारी पलटन कने बाकी सारे लोकां च ये परगट हुईग्या काँह्भई हऊँ मसीह रा सेवक हुणे रिया वजह नेई बन्दी बणाया गया;

फिलिप्पियां 1:14

कने प्रभु च सै जे विश्वासी ये, तिन्हां चते जादातर विश्वासियां जो मेरे कैद हुणे रिया वजह ने बड़ा जोश आया, कने जादा ते जादा जोशा ने परमेशरा रा वचन निधड़क हुईने सुणाई रायें।

फिलिप्पियां 1:5

काँह्भई तुहें यीशु मसीह रिया खुशखबरिया पर विश्वास करने रे दिना ते लेईने अज्जा तक खुशखबरिया रे प्रचारा च मेरा साथ देन्दे रै।

फिलिप्पियां 2:22

तुहें तिसरे चरित्रा जो जाणाँ ये भई खुशखबरिया रे प्रचारा च मेरे सौगी तिने तियां इ सेवा कित्तिरी, तियां जे इक वेटा अपणे पिता सौगी कराँ।

फिलिप्पियां 4:14

किछ बी हो तुहें मेरे दुखां च मेरी सहायता करीने खरा इ कित्या।

फिलिप्पियां 4:15

हे फिलिप्पी रे लोको, तुहें त जाणाँ यें खुशखबरिया रे प्रचारा रे तिन्हां शुरु रे दिनां च ताहली जे मैं मकिदुनिया प्रदेश छड्डया था, तां लेणे-देणे रे बारे च सिर्फ तुहांरिया कलीसिया जो छड्डिने किसी होर कलीसिये मेरी सहायता नीं कित्ती थी।

फिलिप्पियां 4:3

मेरे सच्चे साथी सन्तुखे तेरेने बी मेरी विनती भई इन्हां जनानां री मदद करयां, ये क्लेमेंस कने मेरे दुज्जे साथियां समेत खुशखबरी फैलाणे च मेरे सौगी जुटी रियां रैईयां, तिन्हांरे नौं जे जीवना रिया कताबा च लिखिरे।

कुलुस्सियां 4:18

मेरा यनि पौलुसा रा अपणे हत्था रा लिखिरा नमस्कार। याद रखयां हऊँ जेल्ला चा, परमेशरा रा अनुग्रह तुहांजो सौगी रौओ। आमीन।

कुलुस्सियां 4:3

कने इस सौगी अहांरे खातर बी प्राथना करा भई परमेशर अहांरे खातर वचन सुणने रा येढ़ा अवसर देई दो, भई अहें मसीह रे तिस भेदा रा बखान करी सक्को तिसरिया वजह ने जे हऊँ कैदा चा,

1 थिस्सलुनीकियां 5:5

काँह्भई तुहें सारे ज्योति कने दिना री सन्तान ये; अहें नांत राति रे, नां अन्धेरे रे।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

फिलेमोन 1:13

तिस्सो हऊँ अप्पूँ ले रखणा चांह था ताकि सै तेरी जगह मेरी मदद करी सक्को, ताहली जे हऊँ खुशखबरिया रा प्रचार करने रिया वजह ते जेल्ला चा।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

1 पतरस 4:13

पर आनन्दित रौआ, काँह्भई जिस तरिके ने मसीहे दुख सैहण कित्या, तियां इ तुहें बी दुख सैया कराँएं, तिसते जे तुहें मसीह यीशुये री महिमा रे प्रगट हुणे पर बौहत आनन्दित हुई सक्को।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

2 पतरस 1:13

हऊँ ये सोच्चां भई ये ठीक बी आ भई तदुआं तक जे हऊँ जीवित आ, तदुआं तक तुहौं लगातार इन्हा गल्लां री याद दिलान्दे रैहणा तिसते जे तुहें तिन्हांजो भुलगे नीं।

1 यूहन्ना 3:14

अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।