फिलिप्पियां 1:13 - बिलासपुरी नौआं नियम

¹³ येत्थी तक भई बादशाह कैसरा रे राजमैहला री सारी पलटन कने बाकी सारे लोकां च ये परगट हुईग्या काँह्भई हऊँ मसीह रा सेवक हुणे रिया वजह नेई बन्दी बणाया गया;

फिलिप्पियां 1:13 Iomraidhean Croise

प्रेरितां 26:29

पौलुसे जबाब दित्या, थोड़े वगता च, चाये मते वगता च, “परमेशरा ने मेरी प्राथना येई भई नां सिर्फ तू, पर सै सारे लोक बी, सै जे आज्ज मिन्जो सुणया राँये, तेढ़े इ हुई जाओ, तेढ़ा जे हऊँ विश्वासी आ, सिवाय इन्हां जंजीराँ ते।”

प्रेरितां 26:31

कने तियां जे सै जाया राँ थे अप्पूँ चियें बोलणे लगे, “इने माहणुये येढ़ा त किछ नीं कित्या, सै जे मौती रिया सजा या जेल्ला च पाणे लायक हो।”

प्रेरितां 28:17

तिन्नां दिनां ते बाद तिने यहूदियां रे प्रमुख लोकां जो सदया, कने तां जे सै कट्ठे हुये तां तिन्हांने गलाया, “हे भाईयो मैं अपणे लोकां रे या पूर्वजां रियां प्रथां रे बरोधा च किछ बी नीं कित्या, फेरी बी कैदी बणीने यरूशलेम ते रोमी सरकारा रे हत्था सौंपया गया।

प्रेरितां 28:20

इस खातर मैं तुहांजो सदया भई तुहांजो मिलूँ कने गल-बात करूँ; काँह्भई इस्राएल री आशा यनि मसीह रे खातर हऊँ इस जंजीरा च जकड़ी रा।”

प्रेरितां 28:30

सै पूरे दुईं साल्लां तका किराये रे घरा च रैया,

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

इफिसियां 6:20

तिसरे खातर जे हऊँ जंजीराँ ने जकड़ोईरे राजदूता साई सेवा करया राँ। प्राथना करा भई तियां जे हिम्मता ने मिन्जो बोलणा चाहिन्दा, तियां इ निडर हुईने बोल्ली सक्कूं।

फिलिप्पियां 1:30

कने तुहांजो तियां इ संघर्ष करने पौणा तियां जे तुहें पैहले मिन्जो करदे देख्या, कने हुण तुहें सुणां ये भई हऊँ हुण बी संघर्ष करी रां।

फिलिप्पियां 1:7

मेरे खातर ये ठीक आ भई हऊँ तुहांरे बारे च ये सोच्चूँ, काँह्भई हऊँ तुहांजो बौहत प्रेम कराँ। काँह्भई चाहे हऊँ कैदा चा, चाहे खुशखबरिया रिया सच्चाई री फाजत करया राँ, चाहे खुशखबरिया जो प्रमाणित करया राँ, तिसच तुहें सारे मेरे सौगी परमेशरा रे अनुग्रह च हिस्सेदार ए।

फिलिप्पियां 4:22

सारे पवित्र लोक, खास करीने सै जे बादशाह रे घराने रे, तुहांजो नमस्कार बोल्लां ये।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।