फिलिप्पियां 1:1 - बिलासपुरी नौआं नियम

¹ यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

फिलिप्पियां 1:1 Iomraidhean Croise

मरकुस 13:34

ये तिस माहणुये साई आ, सै जे अपणे घरा ते दूर किति यात्रा पर जाया रा था, जाणे ते पैहले सै अपणे दास्सां ने बोलां भई घरा रा सारा प्रवन्ध तुहांजो करना चाहिन्दा। सै हर इक्की जो दस्सां भई तिस्सो क्या करना चाहिन्दा। फेरी सै द्वारपाला जो अपणिया वापसिया रे खातर त्यार रैहणे जो बोलां।”

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

प्रेरितां 1:20

भजन संहिता च लिखिरा, ‘तिसरा घर उजड़ी जाओ कने तिसच कोई नीं बसो, कने तिसरा औहदा कोई दुज्जा लईलो।’

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

प्रेरितां 9:13

हनन्याह ये जवाब दित्या, “हे प्रभु, मैं इस माहणुये रे बारे च बौहतीं ते सुणीरा भई इने यरूशलेम च तेरे पवित्र लोकां ने सौगी बौहत-बौहत बुराईयां किति रियां;

रोमियो 1:1

हऊँ पौलुस यीशु मसीह रा दास आ कने प्रेरित होणे रे खातर परमेशरा रे जरिये चुणया गया, कने परमेशरा रिया खुशखबरिया रा प्रचार करने खातर लग कित्या गया।

रोमियो 1:7

हऊँ ये चिट्ठी रोम नगरा च रैहणे औल़े तुहां सारयां जो लिखिराँ तिन्हौं जे परमेशर प्यार कराँ कने अपणे पवित्र लोक हुणे खातर चुणीरा। अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

1 कुरिन्थियों 16:10

जे तिमुथियुस आईजो, तां देख्यां भई सै तुहांरे येत्थी निडर रौ; काँह्भई सै मेरे साई प्रभुये रा काम्म कराँ।

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

इफिसियां 1:1

हऊँ, पौलुस परमेशरा रिया इच्छा रे जरिये यीशु मसीह रा प्रेरित आ। हऊँ ये चिट्ठी इफिसुस नगरा च रैहणे औल़े पवित्र लोकां कने यीशु मसीह रे सच्चे विश्वासियां जो लिखिराँ।

इफिसियां 1:15

इसा वजह ने, हऊँ बी तिस विश्वासा जो सै जे तुहां लोकां च प्रभु यीशुये पर आ कने सारे पवित्र लोकां रे प्रति तुहांरे प्यारा री खबर सुणीने,

इफिसियां 6:24

परमेशरा रा अनुग्रह तिन्हां सब्बीं पर बणीरा रौ सै जे अहांरे प्रभु यीशु मसीह ने बेथौह प्यार कराँ ये।

फिलिप्पियां 2:19

मिन्जो प्रभु यीशुये च आशा इ भई हऊँ तिमुथियुस जो तुहांले जल्द भेजगा, ताकि तुहांरे बारे च खबर सुणीने हऊँ उत्साहित हुई सक्कूँ।

फिलिप्पियां 2:5

तेढ़ा जे यीशु मसीह रा स्वाभाव था तुहांरा स्वाभाव बी तेढ़ा इ हूणा चाहिन्दा;

फिलिप्पियां 3:12

हऊँ ये दावा नीं कराँ भई ये सब हऊँ पैहले तेई करी चुक्कीरा या हऊँ पूरा इ सिद्ध हुई चुक्कीरा। पर हऊँ मसीह साई बणने रे खातर बौहत कोशिश करीराँ, तिसरे खातर जे तिने मिन्जो चुणीरा।

फिलिप्पियां 3:3

काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।

फिलिप्पियां 3:8

होर बी जादा, हऊँ समझां भई तिस सब्बीं किजि री कोई कीमत नीं काँह्भई ताहली जे हऊँ इसरी तुलना जादा कीमता ने कराँ सै जे यीशु मसीह जो मेरा प्रभु बोलीने जाणना। तिसरिया वजह ने हऊँ सब किछ त्यागी चुक्कीरा कने हऊँ तिन्हांजो कूड़ा समझां ताकि हऊँ मसीह रा हुई सक्कूँ।

1 थिस्सलुनीकियां 1:1

पौलुस, सिलवानुस कने तिमुथियुस रिया तरफा ते थिस्सलुनीकियां रे विश्वासियां जो ये चिट्ठी; सै जे पिता परमेशर कने प्रभु यीशु मसीह चे, अनुग्रह कने शान्ति तुहांजो मिलदी रौ।

1 थिस्सलुनीकियां 2:2

पर तुहें खुद जाणाँ ये भई अहें पैहले फिलिप्पी शहरा च दुख भोगणे कने उपद्रव सैहणे ते बाद बी अहांरे परमेशरे येढ़ि हिम्मत दित्ति, भई अहें परमेशरा री खुशखबरी बड़े बरोधा रे उपरान्त बी तुहांजो सुणाई सक्को।

2 थिस्सलुनीकियां 1:1

हऊँ पौलुस, ये चिट्ठी सिलवानुस कने तिमुथियुस रिया मददा ने थिस्सलुनीकी नगरा रे विश्वासियां जो लिखिराँ, सै जे अहांरे पिता परमेशर कने प्रभु यीशु मसीह रे।

2 थिस्सलुनीकियां 1:10

ये तिस दिन हूणा, ताहली जे प्रभुये अपणे पवित्र लोकां ते महिमा पाणे कने सब विश्वास करने औल़यां ते आदर पाणे खातर फेरी भीं औंणा; कने तुहां बी तिन्हांरे बिच हूणा काँह्भई तुहें अहांरे सन्देशा पर विश्वास कित्या।

1 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई तू यीशु मसीह पर विश्वास कराँ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

1 तिमुथियुस 3:8

तियां इ सेवक बी ईज्जतदार कने ईमानदार हुणे चाहिन्दे, कने सै पियक्कड़ कने नीच कमाईया रे लालची नीं हो;

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

तीतुस 1:7

काँह्भई कलीसिया रे अगुवे जो परमेशरा रा भण्डारी हुणे रिया वजह ते निर्दोष हूणा चहिन्दा; नां हठी, नां गुस्सेबाज नां पियक्कड़, नां मारपीट करने औल़ा, नां नीच कमाईया रा लालची हो,

फिलेमोन 1:1

हऊँ पौलुस, ये चिट्ठी लिखिराँ, कने हुण हऊँ जेल्ला चा, काँह्भई हऊँ मसीह यीशुये रे बारे च प्रचार कराँ। हऊँ कने अहांरे साथी विश्वासी तिमुथियुस अहांरे प्यारे मित्र कने अहां सौगी काम्म करने औल़े फिलेमोन तिज्जो नमस्कार।

इब्रानियों 13:23

तुहें ये जाणा भई तिमुथियुस अहांरा साथी विश्वासी जेल्ला ते छुट्टी गरा कने जे सै येत्थी छोड़े आओ, तां मांह तिसने सौगी आईने तुहांजो मिलणा।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

1 पतरस 2:25

पैहले तुहें भटकी रियां भेड्डां साई थे, पर हुण अपणे प्राणां रे चरवाहे कने देख-रेख करने औल़े ले वापस आई चुक्कीरे।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।

प्रकाशितवाक्य 1:1

यीशु मसीह रा प्रकाशन, सै जे परमेशरे तिस्सो इस खातर दित्या ताकि सै अपणे सेवकां जो तिन्हां गल्लां जो दिखाओ, तिन्हांरा जे जल्दी हुणे रे खातर परमेशरे तैह कित्तिरा। यीशु मसीहे अपणा स्वर्गदूत भेज्जीने इन्हौं अपणे सेवक यूहन्ने जो दस्या,

प्रकाशितवाक्य 1:20

तिन्हां सत्तां तारयां रा मतलब तिन्हांजो जे तैं मेरे सज्जे हत्था देख्या था, कने तिन्हां सत्तां सोने रे दीपदान्ना रा मतलब येआ: सै सात्त तारे सत्तां कलीसियां रे दूत ये, कने सै सात्त दीपदान सात्त कलीसियां इ।”

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”

प्रकाशितवाक्य 2:12

तिने बी मिन्जो बोल्या, “पिरगमुन नगरा रिया कलीसिया रे दूता जो ये सन्देश लिख: मेरले दोधारी कने तेज तलवार इ, हऊँ ये बोलां:

प्रकाशितवाक्य 2:8

तिने बी मिन्जो बोल्या, “स्मुरना नगरा रिया कलीसिया रे दूता जो ये सन्देश लिख: हऊँ पैहला कने आखरी आ; हऊँ मरीग्या था कने हुण जिऊंदा हुईगरा, हऊँ ये बोलां:

प्रकाशितवाक्य 22:9

पर तिने मेरने बोल्या, “देख, येढ़ा मत कर; काँह्भई हऊँ तेरा कने तेरे साथी विश्वासी भविष्यवक्तयां कने इसा कताबा रियां गल्लां रे मनणे औल़यां रा साथी दास आ, परमेशरा री ही अराधना कर।”