इफिसियां 4:3 - बिलासपुरी नौआं नियम

³ पवित्र आत्मे अहांजो इकट्ठा करीने इक कित्तिरा, तां तसल्लिया ने मिली जुलीने इक जुट रैहणे खातर तुहें हर कोशिश करा सै जे अहांजो अप्पूँ चींये बन्हीने रखां इ।

इफिसियां 4:3 Iomraidhean Croise

मरकुस 3:24

जे इक्की देशा च रैहणे औल़े लोक इक्की दूये ने झगड़दे रैहन्गे, तां सै देश टुकड़यां च बटी जाणा।

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

1 कुरिन्थियों 1:10

अरे साथी विश्वासियो, हऊँ अहांरे प्रभु यीशु मसीह रे अधिकारा ने तुहांजो विनती कराँ, भई तुहें सब इक दूये ने सैहमत रौआ, कने लग-लग टोलियां नीं बणावा, बल्कि सारे इक मन कने इक सोच रक्खीने इक जुट रौआ।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

इफिसियां 4:13

ये तदुआं तक हुन्दा रैहणा तदुआं तक जे अहें अहांरे विश्वास कने परमेशरा रे पुत्रा रे ज्ञाना रे जरिये इक नीं हुईजो। फेरी अहां तियां परिपक्व हूणा तियां जे मसीह आ, कने अहां पूरे तरिके ने तिस साई हूणा।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

1 थिस्सलुनीकियां 5:13

कने तिन्हारे कम्मां रिया वजह ते तिन्हांरे प्रति बौहत आदर कने प्रेम दस्सा। कने अप्पूँ चियें मेल-मिलापा ने रौ।

इब्रानियों 12:14

सब्बीं ने शान्तिया ने रैहणे, कने पवित्र हुणे रे खातर हर तरह री कोशिश करदे रौआ, काँह्भई पवित्रता ते बिणा कोई प्रभुये जो कदीं बी नीं देखी सकदा।