इफिसियां 4:2 - बिलासपुरी नौआं नियम

² हमेशा नम्रता कने कोमलता सौगी, धैर्यपूर्वक व्यवहार करा, इक्की दूये जो प्यारा ने सैहन्दे रौआ।

इफिसियां 4:2 Iomraidhean Croise

मत्ती 11:29

मेरे अधीन हुई जवा तियां जे बैल जुंगड़े रे थल्ले रैयां कने मेरियां शिक्षां ते सीख लौआ, काँह्भई हऊँ आम माहणु आ कने मना रा नम्र आ: तुहांजो बी अपणे मना च सुख-चैन मिलणा।

मरकुस 9:19

ये सुणीने यीशुये तिन्हांजो जवाब देईने गलाया, “इस जुगा रे अविश्वासी लोको, हऊँ कितणे वगता तक तुहां सौगी रैहन्गा? कने कदुआं तक तुहांरी सैहन्गा? तिस मुण्डुये जो मेरले ल्यावा।”

प्रेरितां 20:19

यनिके बड्डिया दीनता ने, कने आँसू बहाई-बहाई ने, कने तिन्हां परीक्षां च सै जे यहूदियां रिया साजिशा रिया वजह ते मेरे परा पईयां, फेरी बी हऊँ प्रभुये री सेवा करदा इ रैया;

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

1 कुरिन्थियों 13:7

प्यार सब्बीं गल्लां जो सहन करी लेआं, सब्बीं गल्लां जो मन्नी लेआं, सब्बीं गल्लां री आशा रखां, सब्बीं गल्लां च धीरज रखां।

गलातियां 6:2

तुहांजो इक्की दूये री मदद करनी चाहिन्दी ताहली जे तुहां चते कोई दुखां च हो, इस तरिके ने तुहें मसीह री व्यवस्था जो पूरा करगे।

इफिसियां 1:4

तियां जे तिने संसारा रिया सृष्टिया ते पैहले मसीह च चुणील्या ताकि अहें तिसरे सामणे पवित्र कने निर्दोष बणो।

कुलुस्सियां 1:11

हऊँ प्राथना कराँ भई परमेशर तुहांजो अपणी महिमा रिया सामर्था ते लगातार मजबूत करदा जाओ, ताकि तुहें धैर्य ने कने खुशिया ने अपणे दुखां जो सही सकगे।

1 तिमुथियुस 6:11

पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

1 पतरस 3:15

बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

1 पतरस 3:8

आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।