इफिसियां 3:4 - बिलासपुरी नौआं नियम

⁴ कने जे तुहें तिस्सो पढ़गे तां जाणी सक्कां ये भई हऊँ मसीह रा सै भेत किति तक समझां।

इफिसियां 3:4 Iomraidhean Croise

मत्ती 13:11

तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

लूका 8:10

तिने जवाब दित्या, “तुहांजो परमेशरा रे राज्जा री छुपी रियां गल्लां जो समझणे री अक्कल दितिरी। पर हऊँ इन्हां कहाणियां रा इस्तेमाल बाहरल्यां लोकां ते इस बारे च सब किछ छिपाणे खातर करया राँ, ताकि पवित्र शात्रा रा लिखिरा पूरा हुई सक्को: ‘सै देखां ये भई हऊँ क्या कराँ, पर सै हकीकता च नीं देखदे; सै सुणां ये भई हऊँ क्या बोलां, पर सै तिन्हां रिया समझा च नीं औन्दा।’

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

1 कुरिन्थियों 13:2

कने जे हऊँ भविष्यवाणी करी सक्कूँ, कने सब्बीं भेतां कने सब प्रकारा रे ज्ञाना जो समझूं, कने मिन्जो येत्थी तका पूरा विश्वास हो भई हऊँ पहाड़ां जो हटाई सक्कां, पर प्यार नीं रखूं, तां हऊँ किछ निआं।

1 कुरिन्थियों 4:1

तां माहणु अहौं मसीह रे सेवक कने परमेशरा रे भेतां रे भण्डारी समझो।

2 कुरिन्थियों 11:6

हुई सक्कां हऊँ बोलणे च निपुण नींआ, पर ज्ञाना च हऊँ घट नींआ। अहें इसजो तुहौ हर गल्ला च साफ रुपा च दस्सीरा।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

इफिसियां 3:3

भई सै भेत जे परमेशरे दर्शणा रे जरिये माह पर परगट कित्या, तिस्सो हऊँ तुहांजो थोड़ियां गल्लां च लिखी चुक्कीरा।

इफिसियां 3:9

भई हऊँ सारयां लोकां पर ये परगट करी सक्कूँ भई कियां परमेशरे अपणिया छुपी रिया योजना जो पूरा कित्या, सै जे युगां ते परमेशरा च छिपिरा था तिने जे सब किछ बणाईरा।

इफिसियां 5:32

ये इक बौहत गैहरा भेत आ; पर ये हऊँ मसीह कने कलीसिया रे बारे च बोलां।

इफिसियां 6:19

कने तुहें मेरे खातर बी प्राथना करा, भई मिन्जो बोलणे रा मौका मिलणे पर परमेशर मिन्जो सही शब्दां जो देओ ताकि हऊँ खुशखबरिया रे भेता जो हिम्मता ने लोकां जो दस्सी सक्कूं।

कुलुस्सियां 1:26

परमेशरे इस भेता जो तिन्हां सारयां लोकां ते सै जे पैहले थे छुपाई ने रखीरा था, पर हुण परमेशरे अपणे पवित्र लोकां पर परगट कित्या।

कुलुस्सियां 2:2

ताकि तिन्हांरे मनां जो तसल्ली मिलो कने सै अप्पूँ चियें प्यारा ने इक हुईने रौ, कने हऊँ चाँह भई तिन्हां लोकां रा पूरा भरोसा ओ, काँह्भई सै परमेशरा रिया योजनां रा भेत पूरे तरिके ने समझी सक्को, सै जे खुद मसीह आ।

कुलुस्सियां 4:3

कने इस सौगी अहांरे खातर बी प्राथना करा भई परमेशर अहांरे खातर वचन सुणने रा येढ़ा अवसर देई दो, भई अहें मसीह रे तिस भेदा रा बखान करी सक्को तिसरिया वजह ने जे हऊँ कैदा चा,

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

1 तिमुथियुस 3:9

पर तिन्हांरी साफ अन्तरात्मा हूणी चाहिन्दी, तियां जे सै लगातार तिस सच्चे सन्देशा पर विश्वास कराँ ये तिस्सो जे परमेशरे परगट कित्या।