इफिसियां 2:3 - बिलासपुरी नौआं नियम

³ इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।

इफिसियां 2:3 Iomraidhean Croise

मरकुस 4:19

सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

यूहन्ना 1:13

तिसरे अन्दर नांत खानदानी खून था, नां तिसरे जमणे च माता-पिता री कोई योजना थी, कने नांई मर्दा री कोई इच्छा थी, पर परमेशरा री इच्छा थी।

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

प्रेरितां 14:16

तिने पिछले बगता च सब्बीं जातियां जो अपणे-अपणे रस्तयां पर चलने दित्या।

रोमियो 1:24

इस खातर परमेशरे सै मनां रियां लालसां रे मुतावक बुरी इच्छां रे बशा च करी ते; तिसरिया वजह ते जे सै बुरयां कम्मां च पैईने इक्की-दूये रे जिस्मां रा अनादर करने लगे।

रोमियो 11:30

काँह्भई तियां जे तुहें लोक पैहले कदीं परमेशरा रा हुक्म नीं मनदे थे, पर हुण इस्रायली लोकां रे हुक्म नीं मनणे रिया वजह ते परमेशरा री दया तुहां पर हुईरी; काँह्भई तुहां पर दया हुईरी, तां तिन्हां पर बी दया हूणी,

रोमियो 13:14

बल्कि प्रभु यीशु मसीह साई जीओ, कने जिस्मा री इच्छां जो पूरा करने री कोशिश नीं करा।

रोमियो 2:14

फेरी तां जे अन्यजाति लोक तिन्हांले जे व्यवस्था नीं, पर सै लोक स्वभावा तेई व्यवस्था रे मुतावक चलां यें, तां सै ये दस्सां भई क्या करना चाहिन्दा या क्या नीं करना चाहिन्दा, हलांकि तिन्हांले व्यवस्था नीं।

रोमियो 5:10

काँह्भई ताहली जे अहें परमेशरा रे दुश्मण थे तिने अपणे पुत्रा रिया मौती रे जरिये अहांरा मेल-मलाप करवाया, तां हुण त तां जे अहांरा मेल-मलाप हुई चुक्कीरा तां मसीह रे जीवना रिया वजह ते अहें जरूर बची जाणे।

रोमियो 5:9

काँह्भई हुण तां जे अहें तिसरे खून्ना रिया वजह ते धर्मी बणिगे, तां हुण तिसरे जरिये न्याय रे दिन परमेशरा रिया सजा ते जरूर बची जांणे।

रोमियो 6:12

इस खातर तुहांरे नाशवान शरीराँ पर पाप राज नीं करो, ताकि तुहें पापां रियां इच्छां रे मुतावक नीं चलो;

रोमियो 7:18

काँह्भई हऊँ जाणाँ भई माह च यनिके मेरे शरीरा च किसी खरिया चीज़ा रा वास निआं। नेकी करने री इच्छा त माह च हाई पर नेक काम्म माहते नीं हुन्दे।

रोमियो 9:22

तां इसच कुण जेई हैरानिया री गल्ल इ? हलाँकि परमेशरा जो अपणा गुस्सा कने अपणी शक्ति दिखाणे रा अधिकार आ, पर सै तिन्हां लोकां सौगी बौहत धैर्य रखां तिन्हांरे ऊपर जे तिसरा गुस्सा पौआं कने सै जे विनाशा रे खातर तैह आ।

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

गलातियां 3:22

पर पवित्रशास्त्र घोषणा कराँ भई सै सारे संसारा रे लोक पापा रिया शक्तिया रे अधीन आ, ताकि परमेशरे सै जे वायदा कित्तिरा तिस्सो तिन्हौं देई सक्को सै जे यीशु मसीह पर विश्वास कराँ ये।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 4:22

तुहांरे गुरुये तुहौं तुहांरे पुराणे स्वभावा जो छडणे खातर सखाया, तुहांरी बुरी भलाखें तुहांजो भटकाया कने तुहांरी जिन्दगी बरबाद करीती।

कुलुस्सियां 1:21

पैहले तुहें परमेशरा ते लग थे कने तुहां रिये सोच्चे तुहांजो परमेशरा रा दुश्मण बणाया था, काँह्भई तुहें लगातार बुरा काम्म करदे रै।

1 थिस्सलुनीकियां 4:13

मेरे साथी विश्वासियो अहें चायें भई तुहें ये जाणी लो भई तिन्हां विश्वासियां सौगी क्या हुणा सै जे पैहले इ मरी चुक्कीरे, अंजाण रौआ; किति येढ़ा नीं हो भई तुहें अविश्वासी लोकां साई दुख मनाओ, कांहभई तिन्हाजो आशा नीं भई मरने ते बाद सै दोबारा जिन्दा हुइ जाणे।

1 थिस्सलुनीकियां 5:6

इस खातर अहें होरसीं साई सुत्तीरे नीं रौ, पर जागदे कने सावधान रौ।

1 तिमुथियुस 6:9

पर सै जे अमीर हूणा चांह ये, सै येढ़िया परीक्षा कने फन्दे कने बौहत सारियां बेकार कने नुक्शान करने औल़ियां लालसां च जानबरा साई फसां ये, सै जे माहणुआं जो बगाड़ी देआं इयां, कने पूरे तरिके ने नाश करी देईयां।

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

1 पतरस 1:14

हुक्म मनणे औल़े बच्चयां साई रौआ कने अपणी बुरी इच्छां रे मुतावक बर्ताव मत करा, तियां जे तुहें पैहले कराँ थे ताहली जे तुहांजो परमेशरा री सच्चाई पता नीं थी।

2 पतरस 2:14

सै हरेक औरता सौगी व्यभिचार करना चाँएं तिसाजो जे सै देखां ये। सै लगातार पाप करने खातर मौका टोल़दे रैं। सै जे मसीह पर मजबूतिया ने विश्वास नीं करदे तिन्हांजो सै धोखा दें कने पाप करने जो बैहकाई लें। सै हकीकत च बौहत लालची बणीगरे इस खातर परमेशरे तिन्हांजो श्राप दित्तिरा।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

1 यूहन्ना 2:16

काँह्भई जो किछ संसारा चा, यनिके शारीरिक सुख भोगणे री इच्छा, कने देक्खी रियां चिज़ां जो पाणे री इच्छा, कने संसारा री धन-दौलत जिस पर लोक इतणा घमण्ड कराँ ये, पिता परमेशर अहौं इस तरिके ने जीणा नीं सिखान्दा बल्कि सै त संसारा रिया तरफा ते आ।

1 यूहन्ना 2:8

फेरी बी हऊँ तुहांजो इक होर नया हुक्म लिखिराँ, ये सच्च त यीशु मसीह च कने तुहांरे जीवना च दिखाई देआं, काँह्भई बुराईया रा अन्धेरा तुहांरिया जिन्दगिया ते घटदा जाया राँ कने जोतिया साई परमेशरा री सच्चाई तुहांरिया जिन्दगिया च लोकां जो दिस्या राँई।