इफिसियां 1:3 - बिलासपुरी नौआं नियम

³ अहांरे प्रभु यीशु मसीह रे पिता कने परमेशरा रा धन्यवाद, तिने जे अहांजो मसीह च स्वर्गा ते सब आत्मिक आशीषां दित्ति रियां।

इफिसियां 1:3 Iomraidhean Croise

लूका 2:28

तिस बगत शमौन बी ऊथी मौजूद था, तिने तिस न्याणे जो अपणिया गोदा च लेआ कने परमेशरा री बडयाई करदे हुए बोलणे लगया,

यूहन्ना 14:20

तिस बगत ये साफ हुई जाण भई हऊँ अपणे पिता सौगी आ कने तुहें मेरे सौगी ये कने हऊँ तुहां सौगी आ; कने तिस जे मिन्जो प्यार करना पिता बी तिस्सो प्यार करना।

यूहन्ना 17:21

ताकि सै सब इक हुई जाओ; हे पिता परमेशर, तियां जे तू मांह चा कने हऊँ तेरे चा; तियां इ सै बी अहां च इक ओ ताकि तिसते जे संसारा रे लोक ये विश्वास करो भई मिन्जो भेजणे औल़ा तूई आ।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

रोमियो 12:5

तियां इ हलाँकि अहें बौहत सारे, पर मसीह च अहें इक जिस्मा रे रुपा च हुई जायें, इस तरिके ने अहें सारे मसीह विश्वासी इक दुज्जे सौगी जिस्मा रे अंगा साई जुड़ी जायें।

रोमियो 15:6

ताकि तुहें सारे इक मन कने इक्की अवाज़ा च परमेशर अहांरे प्रभु यीशु मसीह रे पिता री जय-जयकार करो।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

1 कुरिन्थियों 12:12

काँह्भई तियां जे देह त इक इ कने तिसरे अंग बौहत ये, कने तिसा इक्की देहा रे बौहत अंग हुणे पर बी सब मिलीने इक इ देह इ, तियां इ मसीह बी आ।

2 कुरिन्थियों 1:3

परमेशरा रा धन्यवाद ओ सै जे अहांरे प्रभु यीशु मसीह रा पिता, सै दया रा पिता कने परमेशर सै जे अहांजो सदा तसल्ली देआं।

2 कुरिन्थियों 11:31

अहें सदा परमेशर कने अहांरे प्रभु यीशुये रे पिता री प्रशंसा कराँ ये! काँह्भई परमेशर जाणाँ भई हऊँ सच्च बोलीराँ।

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

गलातियां 3:9

इस खातर सै लोक सै जे विश्वास कराँ ये, विश्वासी अब्राहमा सौगी आशीष पायें।

इफिसियां 1:10

ताहली जे ये योजना पूरी करने रा सही वगत औंगा, तां परमेशरा स्वर्ग कने धरतिया री सारियां चिज़ां जो मसीह रे अधीन करना, ताकि मसीह सारियां चीजां रा मुखिया हो।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

इफिसियां 1:20

परमेशरे इस्तेमाल कित्ती ताहली जे तिने मसीह जो मूईरयां चते जिऊंदा कित्या कने स्वर्गा च अपणे सज्जे पासे आदरा रिया जगह बठाल़या,

इफिसियां 2:6

काँह्भई परमेशरे अहौं मसीह साई मूईरयां चते जिऊंदा कित्या कने मसीह सौगी अहांरे रिश्ते रिया वजह ने स्वर्गा च तिस सौगी बठाल़या।

इफिसियां 3:10

तिसरा मकसद था भई सै हुण कलीसिया रे जरिये परमेशरा रे कई तरह रे ज्ञाना जो तिन्हां प्रधानां कने अधिकारियां जो परगट करे सै जे स्वर्गा रिया जगहां चे।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

फिलिप्पियां 2:11

कने सारे लोक पिता परमेशरा री महिमा रे खातर सारे लोक स्वीकार करो भई यीशु मसीह इ प्रभु आ।

इब्रानियों 8:5

ये याजक सै जे काम्म कराँ ये सै सिर्फ स्वर्गा रिया चिज़ां री नकल कने परछाई ये। इस खातर ताहली जे मूसा तम्बू बनाणे जो त्यार था, तां परमेशरे तिस्सो ये चेतावनी दित्ति, “देख, सै जे नमुना तिज्जो पहाड़ा पर दस्या गईरा था, तिसरे मुतावक सब किछ बनाणा।”

इब्रानियों 9:23

सै चीजां जे सिर्फ स्वर्गा रियां चीजां री नकल थिआं, जे तिन्हारा शुद्धीकरण इस तरिके रियां विधियां ने हुणे री जरूरत थी, तां खुद स्वर्गा रियां चिज़ां रे खातर इक उत्तम बलिदान्ना री जरूरत इ।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,