2 तिमुथियुस 4:5 - बिलासपुरी नौआं नियम

⁵ पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

2 तिमुथियुस 4:5 Iomraidhean Croise

मत्ती 25:16

तिस्सो जे सोने रे सिक्कयां ने भरीरी पांज्ज थैलियां मिली थी, तिने इकदम तिस पैसे जो कम्मां च लाईत्या कने पांज्ज थैलियां होर कमाई लियां।

मरकुस 13:34

ये तिस माहणुये साई आ, सै जे अपणे घरा ते दूर किति यात्रा पर जाया रा था, जाणे ते पैहले सै अपणे दास्सां ने बोलां भई घरा रा सारा प्रवन्ध तुहांजो करना चाहिन्दा। सै हर इक्की जो दस्सां भई तिस्सो क्या करना चाहिन्दा। फेरी सै द्वारपाला जो अपणिया वापसिया रे खातर त्यार रैहणे जो बोलां।”

मरकुस 13:37

कने सै जे हऊँ तुहांजो बोलां, सैई सब्बीं ने बोलां : ‘सदा त्यार रौआ!’”

लूका 12:37

आशीषित ये सै सेवक सै जे मालका रे औन्दे इ तिसजो जागदे कने त्यार हुईरे मिलां ये। हऊँ तुहांजो सच्च बोलां, भई सै बी तिन्हां रिया सेवा खातर अपणी कमर बन्हीने तिन्हाजो रोटी खाणे बठाल़गा, कने नेड़े आईने तिन्हारी सेवा करगा।

प्रेरितां 21:8

दुज्जे रोज अहें तित्थीते चलीने कैसरिया नगरा च आये, कने फिलिप्पुस खुशखबरी प्रचार करने औल़े रे घरा च सै जे सत्तां चते इक था; जाईने तित्थी रै।

रोमियो 15:19

कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

इफिसियां 4:12

ताकि सै परमेशरा रे लोकां जो तिसरी सेवा करने रे खातर त्यार करी सक्को तिसते जे मसीह रा शरीर यनि कलीसिया होर बी मजबूत हुईजो।

कुलुस्सियां 1:25

कने हऊँ कलीसिया रा सेवक बणीरा, काँह्भई परमेशरे तुहांरी मदद करने रे खातर ये कम्मा मिन्जो सौंपीरा ताकि हऊँ परमेशरा रे वचना रा पूरी तरह प्रचार करी सकूँ।

कुलुस्सियां 4:17

कने अरखिप्पुस ते गलायां भई सै इसा गल्ला रा ध्यान रखो भई प्रभु च सै जे सेवा तिस्सो दित्तिरी, सै तिसजो सावधानिया ने पूरी करी सक्को।

1 थिस्सलुनीकियां 5:6

इस खातर अहें होरसीं साई सुत्तीरे नीं रौ, पर जागदे कने सावधान रौ।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

1 तिमुथियुस 4:15

इन्हां गल्लां जो करदा रै कने इन्हां गल्लां पर अपणा ध्यान लगाईने रख, ताकि तेरी तरक्की सारे देखी सक्को।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

2 तिमुथियुस 2:3

मसीह यीशुये रे इक अच्छे सिपाईये साई अहां सौगी दुख सै।

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

प्रकाशितवाक्य 3:2

इस खातर जाग्गी जा! कने सै गल्लां जे बाकी बची गरियां कने सै जे मिटणे औल़ियां, तिन्हांजो मजबूत कर; काँह्भई मैं तेरे किसी बी कम्मां जो अपणे परमेशरा रिया नजरा च पूरा नीं पाया।