2 तिमुथियुस 4:22 - बिलासपुरी नौआं नियम

²² हऊँ प्राथना कराँ भई प्रभु तेरे सौगी रौ कने परमेशरा रा अनुग्रह तुहां सब्बीं पर बणीरा रौ।

2 तिमुथियुस 4:22 Iomraidhean Croise

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

रोमियो 1:7

हऊँ ये चिट्ठी रोम नगरा च रैहणे औल़े तुहां सारयां जो लिखिराँ तिन्हौं जे परमेशर प्यार कराँ कने अपणे पवित्र लोक हुणे खातर चुणीरा। अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

रोमियो 16:20

शान्तिया रे परमेशरा बौहत जल़द शैतान्ना जो तुहांरे पैराँ हेठ कुचल़ी देणा। अहांरे प्रभु यीशु मसीह रा अनुग्रह तुहां सौगी रौ।

1 कुरिन्थियों 16:23

प्रभु यीशुये रा अनुग्रह तुहां पर हुन्दा रौ।

2 कुरिन्थियों 13:14

प्रभु यीशु मसीह रा अनुग्रह, परमेशरा रा प्यार कने पवित्र आत्मा री सहभागिता तुहां सब्बी ने सौगी बणीरी रौ।

गलातियां 6:18

मेरे साथी विश्वासियो, अहांरे प्रभु यीशु मसीह रा अनुग्रह तुहां सब्बीं सौगी रौ। आमीन।

इफिसियां 6:24

परमेशरा रा अनुग्रह तिन्हां सब्बीं पर बणीरा रौ सै जे अहांरे प्रभु यीशु मसीह ने बेथौह प्यार कराँ ये।

फिलिप्पियां 4:23

प्रभु यीशु मसीह रा अनुग्रह तुहां सब्बीं ने बणीरा रौ।

कुलुस्सियां 4:18

मेरा यनि पौलुसा रा अपणे हत्था रा लिखिरा नमस्कार। याद रखयां हऊँ जेल्ला चा, परमेशरा रा अनुग्रह तुहांजो सौगी रौओ। आमीन।

1 तिमुथियुस 6:21

काँह्भई किछ लोक इसजो ग्रहण करीने विश्वासा ते भटकी गरे। तुहां सब्बीं पर परमेशरा रा अनुग्रह हुन्दा रौ।

फिलेमोन 1:25

हऊँ प्राथना कराँ भई मसीह यीशुये रा अनुग्रह तुहां सौगी रौ। आमीन।

1 पतरस 5:14

तुहें लोक गल़े लगीने इक्की दूये जो नमस्कार करा। तुहां सब्बीं जो सै जे मसीह चे शान्ति मिलो।

प्रकाशितवाक्य 22:21

प्रभु यीशुये रा अनुग्रह परमेशरा रे लोकां सौगी रौ। आमीन।