2 तिमुथियुस 3:6 - बिलासपुरी नौआं नियम

⁶ इन्हां चते किछ येढ़े लोक ये सै जे घराँ च घुसां ये कने मूर्ख औरतां जो अपणे बशा च करी लैं, ये औरतां अपणे पापां रे बोझे च दबोईने हर तरिके रियां बुरी इच्छां रे बशा चियां।

2 तिमुथियुस 3:6 Iomraidhean Croise

मत्ती 11:28

“अपणे धर्मगुरुआं रे नियमा रे बोझे हेठ दबोई रे सारे लोको, मेरले औआ, हऊँ तुहांजो सुख चैन देंगा।

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

मत्ती 23:14

[अरे कपटी यहूदी शास्त्रियो कने फरीसियो, परमेशरा तुहांजो भयानक सजा देणी! तुहें विधवां रा घर बार खाई जायें, कने दिखावा करने खातर बड़िया देरा तक लम्बी-लम्बी प्राथनायें कराँ ये: इस खातर तुहांजो परमेशरा ते बौहत भयानक सजा मिलणी।]

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 4:19

सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

1 कुरिन्थियों 12:2

तुहें जाणाँ ये भई ताहली जे तुहें अन्यजाति थे, तां तुहें गुंगियां मूर्तियां रे पिच्छे तियां चलां थे तियां जे तुहांजो चलां थे।

1 तिमुथियुस 5:6

पर सै जे विधवा भोग विलासा रे खातर जीआं इ, सै मूईरे माहणुये साई, हलाँकि सै जिऊंदा इ।

1 तिमुथियुस 6:9

पर सै जे अमीर हूणा चांह ये, सै येढ़िया परीक्षा कने फन्दे कने बौहत सारियां बेकार कने नुक्शान करने औल़ियां लालसां च जानबरा साई फसां ये, सै जे माहणुआं जो बगाड़ी देआं इयां, कने पूरे तरिके ने नाश करी देईयां।

तीतुस 1:11

इन्हां लोकां जो शिक्षा देणे खातर इजाज़त मत देआं, काँह्भई ये लोक नीच कमाईया खातर गल़त गल्लां सखाई ने पूरे परिवारा रे विश्वासा जो बगाड़ी देआंये।

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

2 पतरस 3:17

मेरे प्यारे मित्रो, काँह्भई तुहें इन्हां गल्लां जो पैहले तेई जाणाँ ये इस खातर सावधान रौआ भई तुहें बुरयां लोकां रियां गल़त शिक्षां च बैहकीने विश्वासा ते नीं भटकी जाओ,

यहूदा 1:16

ये लोक लगातार कुड़कुड़ां ये कने शिकायत कराँ ये; सै अपणियां बुरियां इच्छां रे मुतावक चलां ये कने सै अपणे बारे च घमण्ड कराँ ये कने अपणे फायदे रे खातर लोकां री चापलुसी कराँ ये।

यहूदा 1:18

सै तुहांजो बोल्या करदे थे, “आखरी दिनां च येढ़े मजाक डवाणे औल़े लोक हुणे, कने तिन्हां अपणिया बुरियां इच्छां रे मुतावक बुरे काम्म करने।”

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।