2 तिमुथियुस 2:26 - बिलासपुरी नौआं नियम

²⁶ ताकि सै अपणे होशा च आईजो कने शैतान्ना रे कब्जे ते छुटी जाओ तिने जे तिन्हौं धोखा दित्तिरा कने अपणिया इच्छा पर चलने खातर मजबूर कित्या।

2 तिमुथियुस 2:26 Iomraidhean Croise

लूका 11:21

“ताहली जे ताकतवर माहणु हथियार पैहनीने अपणे घरा री रखवाल़ी कराँ, तां तिसरी दौलत बची रैईं।

लूका 15:17

ताहली जे सै अपणे होशा च आया, तां सै अपणे मना च सोचणे लगया, मेरे पिता रे घरें इतणे जादा मजदूर ये तिन्हांजो जे खाणे जो इतणी जादा रोटी मिलांई भई सै खाईने बी नीं मुकदी! पर इथी मेरे इतणे बुरे हाल ये भई हऊँ भुक्खा मरने लगीरा!

लूका 5:10

कने तियां इ जब्दिये रे पुत्र, याकूब कने यूहन्ने जो बी, सै जे शमौना रे साथी थे, हैरानी हुई फेरी यीशुये शमौना जो गलाया, “मत डरदा, हूणा ते तू मच्छियां जो नीं, माहणुआं जो मेरेले ल्यौणा।”

यूहन्ना 13:2

तंजे यीशु कने तिसरे चेले राति जो रोटी खाया राँ थे। शैताने पैहले तेई यीशुये जो धोखा देणे रे खातर शमौना रे पुत्र यहूदा इस्करियोति रे मना च पाईतरा था।

यूहन्ना 13:27

ताहलूं जे यहूदे सै रोटिया रा टुकड़ा लैया शैतान तिसच समाई गया। तां यीशुये तिस्सो बोल्या, “सै जे तू करना छोड़े कर।”

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?

1 कुरिन्थियों 15:34

तुहें अपणे होशा च आई जावा कने पाप करना बन्द करा; काँह्भई कितणे येढ़े लोक ये सै जे परमेशरा जो नीं जाणदे, हऊँ तुहांजो शर्मिन्दा करने खातर ये बोलां।

2 कुरिन्थियों 2:11

ताकि शैतान अहांजो धोखा नीं देई सक्को; काँह्भई तिसरियां साजिशां ते अहें अंजाण नींये।

इफिसियां 5:14

इसा वजह ने लोक बोलां ये, “सौणे औल़या जाग कने मूईरेयां चते जिऊंदा हुई जा; तां मसीह री ज्योति तूह पर चमकणी।”

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

1 तिमुथियुस 1:20

मैं तिन्हां चते हुमिनयुस कने सिकन्दर जो कलीसिया ते बाहर करित्या कने तिन्हांजो शैतान्ना जो सौपीत्या ताकि सै परमेशरा री निंध्या करना नीं सिखो।

1 तिमुथियुस 3:7

कने कलीसिया रे बाहरा रे लोकां च बी तिसरी ईज्जत हो, ताकि सै बदनाम हुईने शैतान्ना रे फन्दे च फसी जाओ।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।