2 तिमुथियुस 2:25 - बिलासपुरी नौआं नियम

²⁵ तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

2 तिमुथियुस 2:25 Iomraidhean Croise

मत्ती 11:29

मेरे अधीन हुई जवा तियां जे बैल जुंगड़े रे थल्ले रैयां कने मेरियां शिक्षां ते सीख लौआ, काँह्भई हऊँ आम माहणु आ कने मना रा नम्र आ: तुहांजो बी अपणे मना च सुख-चैन मिलणा।

मत्ती 21:32

ये हऊँ इस खातर बोलीराँ काँह्भई बपतिस्मा देणे औल़ा यूहन्ना परमेशर तियां जे अपणयां लोकां ते जीवन जीणे री आशा रक्खां तियां तुहांजो जीणा सखाणे रे खातर आया, कने तुहें तिस पर विश्वास नीं कित्या; पर कर लेणे औल़यां कने बेश्यां तिस पर विश्वास कित्या : तुहें ताहली जे ये देख्या भई यूहन्ने क्या कित्या, तां बी अपणे पापां ते मन नीं फिराया कने नांई तिसरे सन्देशा पर विश्वास कित्या।

मरकुस 1:15

कने तिने गलाया, “हुण बगत आईग्या ताहली जे परमेशरा अपणयां लोकां पर राज करना; इस खातर अपणे पापी स्वभावा जो छड्डा कने खुशखबरिया पर विश्वास करा।”

यूहन्ना 5:34

पर हऊँ अपणे बारे च माहणुआ री गवाही नीं चाहन्दा; तां बी ये गल्लां हऊँ इस खातर बोलां भई तुहांरा छुटकारा हुई सक्को।

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

प्रेरितां 5:21

सै येढ़ा सुणीने सवेर हुन्दे इ मन्दरा च जाईने उपदेश देणे लगे। तां महायाजक कने तिसरे साथियें आईने महासभा जो कने इस्राएलियां रे सब पुरनियां जो कट्ठा कित्या, कने जेलखान्ने च पैहरेदाराँ जो बोलीने भेज्या भई तिन्हांजो लयावा।

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

प्रेरितां 8:22

इस खातर अपणिया इसा बुराईया ते मन फिराई ने प्रभुये ले प्राथना कर, हुई सक्कां भई तेरे मना रा बुरा बचार माफ कित्या जाओ।

गलातियां 6:1

मेरे साथी विश्वासियो, तुहां चते जे कोई माहणु कोई पाप करदे हुये पकड़ोई जाओ, तां तुहें सै जे आत्मिक लोक ये नम्रता सौगी तिसजो धर्मा रे रस्ते पर बापस लौणे च मदद करा। पर खुद बी सावधान रौआ भई किति तुहें बी किसी इम्तेहाना च नीं पैई जाओ।

1 तिमुथियुस 2:4

सै जे ये चांह भई सब्बीं माहणुआं रा छुटकारा हो, कने सै सच्चाईया जो ठीक-ढंगा ने पछयाणी लो।

1 तिमुथियुस 6:11

पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

2 तिमुथियुस 3:7

ये औरतां हमेशा नई-नई गल्लां सिक्खां इयां, पर सै कदीं सच्चाईया जो समझी नीं पान्दियां।

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

तीतुस 3:2

किसी जो बदनाम नीं करो, झगड़ने औल़े नीं बणो; पर दुज्यां लोकां रे प्रति दयालु हो, कने सब्बीं माहणुआं ने बड़िया नम्रता सौगी रौ।

याकूब 1:17

काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।

1 पतरस 3:15

बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

1 यूहन्ना 5:16

जे कोई अपणे साथी विश्वासिये जो येढ़ा पाप करदे देक्खो, तिसरा नतीजा जे मौत नीं हो, तां अपणे साथी विश्वासिये रे खातर प्राथना करा; कने तिन्हां रिया वजह ने परमेशरा तिस्सो जीवन देणा, तिन्हें जे येढ़ा पाप कित्या, जिसरा नतीजा जे मौत नीं हो। पाप येढ़ा बी हुआं तिसरा नतीजा जे मौत आ: हऊँ इसरे बारे च विनती करने खातर नीं बोलां।