2 तिमुथियुस 2:2 - बिलासपुरी नौआं नियम

² कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

2 तिमुथियुस 2:2 Iomraidhean Croise

मत्ती 13:52

यीशुये तिन्हांने गलाया, “देक्खा, इस खातर हरेक यहूदी शास्त्री सै जे परमेशरा रे राज्जा रा चेला बणीरा, इक येढ़े घरा रे मुखिये साई आ, सै जे अपणे भण्डारा ते नौंईयां कने पुराणियां चिज़ां जो बाहर कड्डां।”

मत्ती 24:25

देक्खा, मैं पैहले तेई ये सब किछ तुहांजो गलाई तरा।

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

1 कुरिन्थियों 4:2

हुण भण्डारियां ते ये आशा कित्ती जाईं भई सै बफादार हुणे चाहिन्दे।

2 कुरिन्थियों 2:14

पर परमेशरा रा धन्यवाद ओ सै जे मसीह रे जरिये अपणे जीतणे रिया खुशिया च अहांरी हमेशा अगवाई कराँ; कने परमेशर अहांरे जरिये हर जगह मसीह रे ज्ञाना री खुशबु बिखेरदा रैयां।

2 कुरिन्थियों 3:5

अहें ये नीं बोलां ये भई किछ बी करने खातर अहें खुद काविल ये। पर सिर्फ परमेशर इ हाया सै जे अहांजो ये काम्म करने रे काविल बणां,

कुलुस्सियां 1:7

ये सन्देश तुहें अहांरे प्यारे साथी इपफ्रास ते सिक्खया, सै जे अहांरे खातर मसीह रा विश्वास लायक सेवक आ।

1 तिमुथियुस 1:12

हऊँ अहांरे प्रभु यीशु मसीह रा धन्यवाद कराँ, तिने जे मिन्जो सामर्थ दित्तिरी, भई तिने मिन्जो बफादार समझीने अपणिया सेवा खातर नियुक्त कित्या।

1 तिमुथियुस 1:18

मेरे पुत्र तिमुथियुस, तिन्हां भविष्यवाणियां रे मुतावक सै जे पैहले तेरे बारे च कित्तियां गई रियां थिआं, हऊँ तिज्जो ये हुक्म देआं ताकि तू तिन्हांरे मुतावक खुशखबरिया रे खातर खरी लड़ाई लड़दा रै;

1 तिमुथियुस 4:14

सै वरदान्न सै जे भविष्यवाणिया रे दवारा तूह पर प्राचीनां रे हाथ रखदे बगता तिज्जो मिलया था, तिस्सो लगातार तिज्जो इस्तेमाल करना चाहिन्दा।

1 तिमुथियुस 4:6

जे तू विश्वासियां जो लगातार इन्हां गल्लां री याद दिलान्दा रैहंगा, कने विश्वास कने तिस खरे उपदेशा रियां गल्लां ते, तिन्हांजो जे तू मनदा आईरा तेरा पालन पोषण कराँ, तां तू मसीह यीशुये रा इक खरा सेवक हूणा।

1 तिमुथियुस 5:22

किसी पर इकदम हाथ रखीने अगुवे नीं बणायां, कने जे तू ये कराँ, तां तू तिसरे पापां रा जिम्मेवार हूणा; अप्पूँजो पवित्र बणाई रख।

1 तिमुथियुस 6:12

तियां जे इक अच्छा सिपाही लड़ाईया च लड़ाई करना कदीं नीं छडदा तियां इ तिज्जो बी परमेशरा पर विश्वास करना कने तिसरे पिछे चलना कदीं नीं छडणा चाहिन्दा, ताकि तू अपणे ईनामा रे रुपा च अनन्त जीवन पाई सक्को, तिसरे खातर जे तिज्जो सद्दया गईरा, ताहली जे बौहत लोकां रे सामणे तैं साफ तौर पर बोल्या था भई तू मसीह पर विश्वास कराँ।

2 तिमुथियुस 3:10

किछ बी हो, तू मेरिया शिक्षा जो जाणाँ, मेरा जीणे रा ढंग, जीणे रा मकसद, मेरा विश्वास, मेरी सैहणे री ताकत, मेरा प्यार, मेरा धीरज

2 तिमुथियुस 3:14

पर तिमुथियुस तैं तिन्हां गल्लां जो जे सिखीरा कने मजबूतिया ने विश्वास कराँ, तिन्हां पर लगातार विश्वास करदा रैयां, काँह्भई तू तिन्हांजो जाणाँ भई तिज्जो किने इसा सच्चाईया जो सखाईरा।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।