2 तिमुथियुस 2:19 - बिलासपुरी नौआं नियम

¹⁹ फेरी बी परमेशरे सै जे पक्की निऊं बणाईरी, सै मजबूत खढ़ीरी कने तिस पर ये लिखिरा : “प्रभु अपणे लोकां जो जाणाँ,” कने “सै जे कोई बोलां भई सै प्रभुये रा सै बुराईयां ते दूर रौ।”

2 तिमुथियुस 2:19 Iomraidhean Croise

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

मत्ती 7:23

फेरी मांह तिन्हांने खुल्लेआम गलाई देणा, भई मैं कदीं नीं स्वीकार कित्या भई तुहें मेरे अपणे : “हे कुकर्म करने औल़यो, मेरे लाते दफा हुई जवा।”

मत्ती 7:25

कने बरखा हुई, बाढ़ां आईयां, कने आँधियां चलियां, कने ये सब तिस मकाना ने टकराये, पर सै रुढ़या निआं, काँह्भई तिसरी निऊँ मजबूत चट्टाना पर रखीरी थी।

मरकुस 12:16

सै इक दिनारा रा सिक्का ली आये कने यीशुये तिन्हाते पुच्छया, “इस दिनारा पर शकल कने नौं किसरा?” तिन्हें गलाया, “बादशाह कैसर यनि रोमी सरकारा री।”

मरकुस 13:22

काँह्भई झूट्ठे मसीह झूट्ठे भविष्यवक्ता औणे, कने नशाण कने हैरानिया रे काम्म दस्से जाणे भई जे हुई सक्को, तां परमेशरा रे चुणी रयां जो बी भरमाई दो।

लूका 13:27

पर तिस बोलणा, हऊँ तुहांजो बोलां, ‘हऊँ तुहांजो नीं जाणदा तुहें किति रे। ओ कुकर्म करने औल़यो, तुहें सब मेरते दूर हुई जावा।’

लूका 6:48

सै तिस माहणुये साई आ, तिने जे अपणा घर बणान्दे बगत जमीन डुग्गी खुणीने थल्ले सप्पड़ा पर निऊँ रखी। कने जिस बगत बाढ़ आई तां पाणिये री छालियां घरा ने टकराणे लगियां, पर तिस घरा जो हिलाई नीं सक्की; काँह्भई सै पक्का बणीरा था।

यूहन्ना 10:14

अच्छा गवाल़ा हऊँ आ; हऊँ अपणियां भेड्डां जो जाणाँ, कने मेरियां भेड्डां मिन्जो जाणाँ इयां।

यूहन्ना 13:18

हऊँ तुहां सब्बीं रे बारे च येढ़ा नीं बोल्या करदा; मिन्जो मेरयां चेलयां रा पता, काँह्भई मैं तुहांजो चुणीलरा, पर ये इस खातर हुईरां भई पवित्रशास्त्रा च सै जे लिखिरा सै पूरा हुई जाओ, तिने जे मित्र हुईने मेरे सौगी रोटी खाद्दि सै मेरा दुश्मण बणीग्या।

यूहन्ना 3:33

पर तिने माहणुये जे तिसरे सन्देशा पर विश्वास कित्या, सै इस पर सैहमत हुईग्या भई परमेशर सच्चा।

प्रेरितां 11:26

कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 15:17

इस खातर भई बाकी माहणु, मतलब सब जातियां रे लोक तिन्हांजो जे अपणे लोक हुणे रे खातर चुणीरा, प्रभुये जो टोल़ो,

प्रेरितां 9:14

कने येत्थी बी इस्सो मुखियायाजकां रिया तरफा ते अधिकार मिलीरा भई जो लोक तुहां पर विश्वास कराँ यें, तिन्हां सबनी जो बन्ही लो कने यरूशलेम नगरा च लेई जाओ।”

रोमियो 11:2

परमेशरे अपणे सै लोक नीं छड्डे, सै जे तिने पैहले ते चुणीरे थे। क्या तुहें नीं जाणदे भई एलिय्याह भविष्यवक्ते रे बारे च पवित्रशास्त्र क्या बोलां; भई जिसा कहाणिया पर सै इस्राएल रे बिरोधा च परमेशरा ने विनती कराँ?

रोमियो 12:9

तुहांरा प्यार सच्चा ओ; बुराईया ते नफरत करा; भलाई करदे रौआ।

रोमियो 15:20

पर मेरे मना च सदा ये इच्छा रैई भई हऊँ यीशु मसीह रिया खुशखबरिया रा प्रचार तिसा जगह करूँ, तित्थी जे कोई मसीह रा नौं तक नीं जाणदा हो; हऊँ तिस माहणुये साई नीं बणना चाहन्दा सै जे किसी दुज्जे माहणुये रिया नीऊआं पर घर बणाँ।

रोमियो 15:9

ताकि अन्यजातियां रे लोक बी परमेशरा जो तिसरिया दया खातर महिमा देई सक्को; तियां जे पवित्रशास्त्रा च लिखिरा, “इस खातर हऊँ अन्यजातियां रे लोकां बिच तेरा धन्यवाद करगा, कने तेरे नौआं रे भजन गांगा।”

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

रोमियो 9:11

जुड़वा बच्चयां रे जमणे ते पैहले कने सै किछ बी भला बुरा करने ते पैहले परमेशरे रिबका जो बोल्या, भई “तेरे बड्डे बेटे छोट्टे री सेवा करनी।” परमेशरे ये दसणे खातर ये बोल्या भई सै अपणा चुनाब खुद कराँ कने इसरी वजह ये नीं थी भई तिन्हां चते किन्हिये किछ कित्या था।

1 कुरिन्थियों 1:2

हऊँ ये चिट्ठी परमेशरा रिया तिसा कलीसिया रे लोकां जो लिख्या राँ सै जे कुरिन्थुस नगरा ची, तिस्सो जे परमेशरे मसीह यीशुये च पवित्र कित्तिरा कने पवित्र हुणे खातर सद्दीरा; कने तिन्हां सारयां विश्वासियां जो बी सै जे हर जगह अहांरे कने तिन्हारे प्रभु यीशु मसीह रे नौआं री प्राथना कराँ ये।

1 कुरिन्थियों 8:3

पर जे कोई परमेशरा ने प्यार रखां, तां परमेशर तिस माहणुये जो जाणाँ।

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

इफिसियां 2:20

तुहें इक येढ़ा घर ये सै जे प्रेरितां कने भविष्यवक्तयां री निऊंवा पर बणाईरा, कने तिसरे कुणे रा पत्थर खुद मसीह यीशु आ।

इफिसियां 3:15

सै इक इ आ जेह्ड़ा स्वर्ग कने धरतिया रे सारे परिवाराँ जो जिऊंदा रखां।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

1 तिमुथियुस 3:15

भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

1 तिमुथियुस 6:19

इस तरिके ने सै अपणे भलयां कम्मां जो अपणे खातर धना साई कट्ठा करगे, सै जे स्वर्गा च तिन्हांरी भविष्य रे खातर इक मजबूत निऊँआ साई हूणा, ताकि सै सच्चा जीवन पाई सक्को सै जे हमेशा रे खातर आ।

इब्रानियों 11:10

काँह्भई अब्राहम मजबूत निऊंआं औल़े नगरा च (स्वर्गा च) रैहणे रे खातर इन्तजार करया राँ था, तिस राजे रचणे औल़ा कने बनाणे औल़ा परमेशर आ।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

प्रकाशितवाक्य 17:8

सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।

प्रकाशितवाक्य 21:14

कने नगरा री शहरपनाह री बारा निऊंआं थिआं, कने तिन्हां पर मेमने रे बारा प्रेरितां रे नौं लिखे थे।

प्रकाशितवाक्य 22:4

तिन्हां तिसरा मुँह देखणा, कने तिसरा नौं तिन्हांरे मत्थे पर लिखिरा हूणा।

प्रकाशितवाक्य 3:8

हऊँ तेरे कम्मां जो जाणाँ; देख, मैं तेरे सामणे इक दरवाजा खोल्हीरा, तिस्सो जे कोई बन्द नीं करी सकदा। हऊँ जाणाँ भई तेरी सामर्थ थोड़ी, फेरी बी तैं मेरे वचनां रा पालन कित्तिरा कने मेरे नौआं रा इन्कार नीं कित्या।