2 तिमुथियुस 2:16 - बिलासपुरी नौआं नियम

¹⁶ पर बेकार कने मूर्ख गल्लां ते दूर रै, काँह्भई ये गल्लां सिर्फ लोकां जो परमेशरा ते दूर लेई जांईयां।

2 तिमुथियुस 2:16 Iomraidhean Croise

1 कुरिन्थियों 15:33

इन्हां गल्लां रे जरिये धोखा नीं खाणा, “बुरी संगती खरे चरित्रा जो बगाड़ी देईं।”

1 कुरिन्थियों 5:6

तुहांरा घमण्ड करना ठीक निआं; क्या तुहें नीं जाणदे, भई थोड़ा जेआ खमीर पूरे गुन्हीरे आट्टे जो खमीर करी देआं? तियां इ ये पाप खमीरा साई दुज्या लोकां च बी फैल्ली सक्कां।

1 तिमुथियुस 1:9

अहें ये बी जाणाँ ये भई व्यवस्था धर्मी माहणुये खातर नीं पर तिन्हांरे खातर इ सै जे परमेशरा रिया व्यवस्था जो नीं मनदे, भगती हिनां, पापियां, अपवित्र कने अशुद्ध माहणुआं, माता-पिता रा खून करने औल़यां, हत्यारयां,

1 तिमुथियुस 4:7

पर मन घड़न्त कने बेकार कहाणियां ते दूर रैयां तिन्हांते जे परमेशरा जो आदर नीं मिलदा, बल्कि भगतिया रा जीवन जीणे खातर खुद लगातार मेहणत कर।

1 तिमुथियुस 6:20

अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।

2 तिमुथियुस 2:14

विश्वासियां जो इन्हां गल्लां री याद दिलान्दा रै कने तिन्हांजो परमेशरा रिया हजूरिया च चेतावनी दे भई सै शब्दां जो लईने झगड़ा नीं करो इसते कोई फायदा नीं हुन्दा, पर इसजो सुणने औल़े नाश हुई जांये।

2 तिमुथियुस 2:21

इस खातर जे कोई विश्वासी अप्पूँजो बुराईयां ते पवित्र करी लो, तां तिस खास मौके पर इस्तेमाल हुणे औल़े बर्तणा साई बणी जाणा कने तिसरा जीवन पवित्र हूणा, तां तिसरा मालक तिस्सो इस्तेमाल करी सकगा कने तिस हर तरह रे भले काम्म करने खातर त्यार हूणा।

2 तिमुथियुस 3:13

पर बुरे लोक कने बैहकाणे औल़यां होर जादा बुरा काम्म करना, तिन्हां लोकां जो धोखा देणा कने खुद तिन्हां दुज्यां रे जरिये धोखा खाणा।

तीतुस 1:11

इन्हां लोकां जो शिक्षा देणे खातर इजाज़त मत देआं, काँह्भई ये लोक नीच कमाईया खातर गल़त गल्लां सखाई ने पूरे परिवारा रे विश्वासा जो बगाड़ी देआंये।

तीतुस 1:14

कने सै यहूदियां री मन-घड़न्त कहाणियाँ कने तिन्हां माहणुआं रे हुक्मां पर ध्यान नीं देणा, सै जे सच्चाईया रा इन्कार कराँ ये।

तीतुस 3:9

पर मूर्ख बैहस, पूर्वजां रियां वंशावलियां री बैहस, व्यवस्था रे बारे च झगड़े कने वाद-विवादा ते दूर रै; काँह्भई ये सब बेकार कने फायदे रे नींये।

इब्रानियों 12:15

कने ध्यान रखा, येढ़ा नीं ओ भई कोई परमेशरा रे अनुग्रह ते छुटी जाओ, या अविश्वासा री कड़वी जड़ तुहांरे बिच फुटी जो कने अपणे जहरा रे जरिये बौहत सारे लोकां जो दुख देओ कने अशुद्ध बणाये।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

2 पतरस 2:2

बौहत सारे परमेशरा रे लोकां तिन्हां झुट्ठयां शिक्षकां रे बुरे कम्मां री नकल करनी, कने तिन्हांरे कम्मां रिया वजह ने दुज्यां लोकां सच्चाईया रे रस्ते रे बारे च निंध्या करनी।

प्रकाशितवाक्य 13:14

तिन्हां चमत्काराँ रिया वजह ते, तिन्हौं जे तिस पशुये रे सामणे दसणे रा अधिकार तिस्सो मिलीरा था, सै धरतिया पर रैहणे औल़यां जो इस तरिके ने धोखा देआं था। सै तिन्हांजो ये हुक्म देआं था भई तिस पशुये री मूर्ति बणावा, तिसरे शरीरा पर जे तलवारा रा घाव था कने सै जे फेरी भीं जिऊंदा हुईगरा था।

प्रकाशितवाक्य 13:3

मैं तिसरे सिराँ चते इक्की सिरा पर बड्डा जख्म देख्या, येढ़ा लगया सै मरने औल़ा; फेरी तिसरा जानलेवा जख्म ठीक हुईग्या, कने सारी धरतिया रे लोक हैरान हुईने इस पशुये जो मनणे लगीगे।