2 तिमुथियुस 2:15 - बिलासपुरी नौआं नियम

¹⁵ कड़ी मेहणत कर ताकि तू अप्पूँजो परमेशरा रिया नज़राँ च ग्रहण लायक माहणुये साई पेश करी सक्को कने येढ़ा काम्म करने औल़े साई बण सै जे अच्छा काम्म कराँ कने अपणे कम्मा रे बारे च शर्मिन्दा नीं हुन्दा, कने सै जे सच्चे सन्देशा जो ठीक ढंगा ने सखां।

2 तिमुथियुस 2:15 Iomraidhean Croise

मत्ती 13:52

यीशुये तिन्हांने गलाया, “देक्खा, इस खातर हरेक यहूदी शास्त्री सै जे परमेशरा रे राज्जा रा चेला बणीरा, इक येढ़े घरा रे मुखिये साई आ, सै जे अपणे भण्डारा ते नौंईयां कने पुराणियां चिज़ां जो बाहर कड्डां।”

मरकुस 4:33

सै तिन्हाजो येढ़े कई उदाहरण देईने तिन्हां रिया समझा रे मुतावक वचन सुणावां था,

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

प्रेरितां 2:22

“हे इस्राएलियो, ये गल्लां सुणा: यीशु नासरी इक माहणु था तिसरा परमेशरा खा ते हुणे रा सबूत तिन्हां सामर्था रे कम्मा कने हैरानिया रे कम्मां कने चमत्काराँ ते परगट आ, सै जे परमेशरे तुहांरे बिच तिसरे जरिये करीने दस्से तिस्सो जे तुहें अप्पूँ इ जाणाँ ये।

प्रेरितां 20:27

काँह्भई हऊँ परमेशरा रियां सारियां गल्लां जो तुहां पूरिया रितिया ते दसणे जो कदीं मनी झिझक्या।

रोमियो 14:18

सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें।

रोमियो 16:10

अपिल्लेस जो बी मेरा नमस्कार सै जे मसीह च खरे कने सच्चे निकल़े। अरिस्तुबुलुस रे परिवारा जो बी नमस्कार।

रोमियो 6:13

कने अपणे शरीरा रे अंगाँ जो अधर्मा रे कम्मां खातर पापां रे हवाले नीं करा, वल्कि मुड़दयां चते जिऊंदा हुणे साई परमेशरा रे हवाले करा, कने अपणे शरीरा रे अंगाँ जो धार्मिकता रे कम्मां खातर परमेशरा जो सौंपा।

1 कुरिन्थियों 2:6

फेरी भीं परिपक्व विश्वासियां च अहें ज्ञाना रा सन्देश सणवांयें, पर इस संसारा रे हाक्मां रा ज्ञान नीं; सै जे नाश हुणे औल़े;

2 कुरिन्थियों 10:18

काँह्भई सै जे अपणी बडयाई कराँ, सै नीं पर तिसरी बडयाई जे प्रभु कराँ, सैई परमेशरा रे जरिये ग्रहण कित्या जां।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 5:9

इस वजह ने अहांरा मकसद येआ भई अहें प्रभुये जो खुश करदे रौ, चाये अहें प्रभुये सौगी स्वर्गा च रौ या इसा धरतिया पर रौ।

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

1 थिस्सलुनीकियां 2:4

पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।

1 थिस्सलुनीकियां 5:14

साथी विश्वासियो, अहें तुहांजो विनती कराँ ये भई सै जे विश्वासी आलसी ये तिन्हाजो सावधान करा, कायराँ जो हौंसला देआ, सै जे कमजोर ये तिन्हांरी मदद करा, कने सारयां खा सहनशीलता दस्सा।

1 तिमुथियुस 4:6

जे तू विश्वासियां जो लगातार इन्हां गल्लां री याद दिलान्दा रैहंगा, कने विश्वास कने तिस खरे उपदेशा रियां गल्लां ते, तिन्हांजो जे तू मनदा आईरा तेरा पालन पोषण कराँ, तां तू मसीह यीशुये रा इक खरा सेवक हूणा।

इब्रानियों 4:11

इस खातर आओ अहें तिस विस्राम रिया जगह च जाणे री कोशिश करिये, ताकि येढ़ा नीं हो भई कोई माहणु इस्राएली लोकां साई हुक्म नीं मन्नीने विस्राम च जाई नीं पाओ।

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

2 पतरस 1:10

इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

2 पतरस 1:15

इस खातर हऊँ ये सब दसणे खातर बौहत कोशिश करया राँ, ताकि मेरे मरने ते बाद बी तुहें इन्हां गल्लां जो हमेशा याद रक्खी सक्को।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।