2 तिमुथियुस 2:14 - बिलासपुरी नौआं नियम

¹⁴ विश्वासियां जो इन्हां गल्लां री याद दिलान्दा रै कने तिन्हांजो परमेशरा रिया हजूरिया च चेतावनी दे भई सै शब्दां जो लईने झगड़ा नीं करो इसते कोई फायदा नीं हुन्दा, पर इसजो सुणने औल़े नाश हुई जांये।

2 तिमुथियुस 2:14 Iomraidhean Croise

मत्ती 16:26

जे माहणु इस संसारा जो जित्ति लो कने अनन्त जीवन नीं पाओ, तां तिस्सो क्या फैदा? सच्चीजो, माहणु अनन्त जीवन पाणे रे खातर क्या देई सक्कां?

प्रेरितां 13:10

“ओ सारे कपटी कने सारिया चलाकिया ते भरीरे शैतान्ना री ल्वाद, सकल धर्मा रे बैरी, क्या तू प्रभुये रे सिधे रस्तेयां जो टेड्डा करना नीं छडणा?

प्रेरितां 15:24

“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था।

रोमियो 14:1

तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा।

गलातियां 1:7

असल च कोई दुज्जी खुशखबरी त हाई नीं, पर कई लोक येढ़े सै जे तुहांजो भरमाये रायें कने मसीह रिया खुशखबरिया च हेरा-फेरी करने रा जतन करया रायें।

इफिसियां 4:17

इस खातर मिन्जो प्रभुये रे दित्ते गये अधिकारा ने हऊँ ये बोलां भई तुहें अविश्वासियां साई जिन्दगी नीं जीआ तिन्हांरी सोच जे बेकार इ।

1 थिस्सलुनीकियां 4:1

भाईयो, अहें तुहांते विनती कराँ ये कने तुहांजो प्रभु यीशुये च समझावांये भई तेढ़ा जे तुहें अहांते ठीक चाल चलना कने परमेशरा जो खुश करना सिखी रा, कने तेढ़े जे चलां बी ये, तेढ़े इ होर बी तरक्की करदे जाओ।

2 थिस्सलुनीकियां 3:6

अरे साथी विश्वासियो, अहें तुहांजो अपणे प्रभु यीशु मसीह रे अधिकारा ते हुक्म देआंये भई तुहें हरेक येढ़े विश्वासिये ते लग रौआ सै जे आलसी आ कने सै जे शिक्षा तिन्हें अहांते पाई तिसरे मुतावक नीं चलदे।

1 तिमुथियुस 1:4

कने तिन्हांने बोल भई येढ़ि मन घड़न्त कहाणियां कने पूर्वजां रियां खत्म नीं हुणे औल़ियां कहाणियां पर मन नीं लगाओ, तिन्हांते जे सिर्फ विवाद इ पैदा हुआं ये। कने सै विवाद परमेशरा रिया योजना जो रोकां ये, सै जे तिन्हां लोकां रे जरिये इ हुई सक्कां सै जे परमेशरा पर विश्वास कराँ ये।

1 तिमुथियुस 1:6

इन्हांजो छड्डिने कितणे लोक फिरीने बेकारा रियां गल्लां च भटकीगे,

1 तिमुथियुस 4:8

काँह्भई शरीरा रिया वर्जिशा रा किछ इ फायदा मिलां, पर आत्मिक वर्जिश सारियां गल्लां खातर फायदेमन्द इ, काँह्भई ये इक्की माहणुये रे जिऊंदा रैहन्दे हुये बी कने मरने ते बाद बी तिसरी मदद कराँ इ।

1 तिमुथियुस 5:21

परमेशर कने मसीह यीशु कने चुणीरे स्वर्गदूतां जो हाजर जाणीने हऊँ तिज्जो हुक्म देआं भई तू बिणा भेदभावा ते इन्हां गल्लां जो मन्नया कर, कने कोई काम्म भेदभावा ने नीं कर।

1 तिमुथियुस 6:13

परमेशरा जो गवाह मन्नीने सै जे सब्बीं जो जिन्दगी देआं, कने यीशु मसीह जो बी गवाह मन्नीने तिने जे पुन्तियुस पिलातुसा रे सामणे अपणे बारे च सच्च बोल्या था, हऊँ तिज्जो हुक्म देआं,

2 तिमुथियुस 1:6

इसा वजह ने हऊँ तिज्जो याद दिलाईराँ भई वरदान्ना जो भीं ते जल़ा सै जे परमेशरे तिज्जो दित्या ताहली जे मैं तेरे ऊपर अपणा हात्थ रखया था।

2 तिमुथियुस 2:16

पर बेकार कने मूर्ख गल्लां ते दूर रै, काँह्भई ये गल्लां सिर्फ लोकां जो परमेशरा ते दूर लेई जांईयां।

2 तिमुथियुस 2:23

पर मूर्ख कने बेकार बैहसा ते दूर रै, काँह्भई तू जाणाँ भई तिन्हांते झगड़ा हुआं।

2 तिमुथियुस 4:1

परमेशर कने मसीह यीशुये रिया हजूरिया च तिस जे जिऊंदेयां कने मूईरयां रा न्याय करना, तिसरे दोवारा औणे कने तिसरे राज्जा रे बारे च ध्यान रखदे हुये हऊँ तिज्जो ये हुक्म देआं

तीतुस 3:1

विश्वासियां जो याद दिला भई सै राजयां कने अधिकारियां रे अधीन रौ, तिन्हांरा हुक्म मन्नो, कने हरेक खरे कम्मां खातर त्यार रौ,

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

2 पतरस 1:13

हऊँ ये सोच्चां भई ये ठीक बी आ भई तदुआं तक जे हऊँ जीवित आ, तदुआं तक तुहौं लगातार इन्हा गल्लां री याद दिलान्दे रैहणा तिसते जे तुहें तिन्हांजो भुलगे नीं।