2 तिमुथियुस 2:13 - बिलासपुरी नौआं नियम

¹³ जे अहें बफादार नींये, तां बी तिस बफादार रैहणा, काँह्भई मसीह खुद अपणा इन्कार नीं करी सकदा।

2 तिमुथियुस 2:13 Iomraidhean Croise

मत्ती 24:35

इक दिन अकाश कने धरती खत्म हुई जाणे, पर मेरा बचन कदीं नीं मिटणा।

रोमियो 3:3

जे तिन्हां चते किछ धोखेबाज बी हुईगे तां क्या हुया? क्या तिन्हांरे धोखेबाज हुणे ते परमेशरा री सच्चाई बेकार हुई जाणी?

रोमियो 9:6

पर येढ़ा निआं भई परमेशरे अपणा वायदा पूरा नीं कित्या, काँह्भई सै जे इस्राएल रे बंशज ये, हकीकत च सै सारे इस्राएली नींये;

1 कुरिन्थियों 1:9

परमेशर बफादार आ, तिने जे तुहांजो अपणे पुत्र अहांरे प्रभु यीशु मसीह रिया संगतिया च सद्दीरा।

1 थिस्सलुनीकियां 5:24

काँह्भई तुहांरा सदणे औल़ा सच्चा, कने तिस येढ़ा इ करना।

2 थिस्सलुनीकियां 3:3

पर प्रभु बफादार आ; तिस तुहांजो मजबूत करना कने तिस शैतान्ना ते बचाणे।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

इब्रानियों 6:18

तां फेरी येत्थी दो गल्लां ईं-परमेशरा रा वायदा कने तिसरी कसम-सै जे कदीं नीं बदली सकदियां कने तिन्हांरे बारे च जे परमेशर कदीं झूट्ठ नीं बोल्ली सकदा। इस खातर अहें सै जे परमेशरा ले सुरक्षा पाणे जो आईरे कने सै आशा जे तिने अहांजो दित्तिरी, तिसाजो थम्मीरे हुये, बौहत जोशा चे।