2 तिमुथियुस 2:11 - बिलासपुरी नौआं नियम

¹¹ ये गल्ल सच्च इ भई, जे अहें तिस सौगी मरी चुक्कीरे, तां अहां तिस सौगी जीणा बी आ,

2 तिमुथियुस 2:11 Iomraidhean Croise

यूहन्ना 14:19

थोड़े बगता ते बाद, संसारा मिन्जो नीं देखणा, पर तुहां मिन्जो देखणा, तुहां जिऊंदेयां रैहणा काँह्भई हऊँ बी जिऊंदा।

रोमियो 6:5

जे अहें मसीह यीशुये रिया मौती च अपणे बपतिस्मे रे जरिये भागीदार हुये तां अहें बी पक्का तिस साई मूईरयां ते जिऊंदा कित्ते जाणे।

रोमियो 6:8

इस खातर जे अहें मसीह सौगी मरीगे, तां अहांरा ये विश्वास आ भई अहां तिस सौगी जिऊंदा बी हूणा।

2 कुरिन्थियों 13:4

हलांकि मसीह कमजोर था ताहली जे तिस्सो क्रूसा पर लटकाया गया था, पर हुण सै परमेशरा रिया सामर्था रे जरिये जीवित आ। अहें कमजोर ये तियां जे मसीह था, पर तुहां देखणा भई अहां परमेशरा रिया सामर्था ने जीणा तियां जे मसीह जीवित आ।

2 कुरिन्थियों 4:10

अहें हमेशा यीशुये साई मौती रे डरा ने जीआं ये ताकि लोक यीशुये रे जीवना जो अहांरे कम्मां ते देखी सक्को।

1 थिस्सलुनीकियां 4:17

तां अहें सै जे हुण बी जिऊंदा ये कने बाकी बचीरे तिन्हां सौगी बद्दल़ां पर ऊठाईने ले जाये जाणे भई अम्बरा च प्रभुये ने मिलो; कने तिस वगता ते अहां सदा प्रभुये ने सौगी रैहणा।

1 थिस्सलुनीकियां 5:10

यीशु मसीह अहां खातर इस वजह ते मरया भई अहें चाये जिऊंदा ओ या मूईरे ओ, अहें सदा तिसने सौगी जी सको।

1 तिमुथियुस 1:15

ये गल्ल सच्च कने हर तरिके ने मनणे लायक इ भई मसीह यीशु पापियां रा छुटकारा करने खातर संसारा च आया, तिन्हां सब्बीं च हऊँ बड़ा पापी आ।

1 तिमुथियुस 3:1

ये गल्ल सच्च इ भई सै जे अगुवा हूणा चां, सै भले कम्मां री इच्छा कराँ।

तीतुस 3:8

सै गल्लां जे मैं लिखी रियां सै सच्चियां इ, कने हऊँ चांह भई तू इन्हां गल्लां रे बारे च मजबूतिया ने बोल्लो, ताकि तिन्हें जे परमेशरा पर विश्वासा कित्या, सै भले कम्मां च लगी रैहणे खातर ध्यान देओ। ये गल्लां भली कने सब्बीं रे फायदे रियां इ।