2 तिमुथियुस 2:10 - बिलासपुरी नौआं नियम

¹⁰ इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

2 तिमुथियुस 2:10 Iomraidhean Croise

मत्ती 24:22

कने जे परमेशरे दुखा रे वगता जो घटाणे रा निश्चा नीं कित्या हुन्दा तां सारे लोक मरदे, पर चुणी रयां रिया बजह ने तिने तिस वगता जो घटेरी रा।

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मत्ती 24:31

तिस जोरा रिया अवाज़ा च बजणे औल़े बाजयां सौगी अपणे स्वर्गदूत भेजणे, कने तिन्हां सारिया धरतिया परा ते अपणे चुणीरे लोक कट्ठे करने।

लूका 18:7

तां क्या तुहांजो लगां भई परमेशरा अपणे चुणीरे लोकां रा ठीक न्याय नीं करना, सै जे दिन रात परमेशरा ते विनती करदे रैं? क्या तिस तिन्हारे बारे च देर करनी?

लूका 22:57

पतरसे इसा गल्ला ते नां किति कने गलाया, “नारी, हऊँ त तिस्सो जाणदा तक निआं!”

यूहन्ना 11:52

कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

यूहन्ना 17:9

हऊँ तिन्हांरे खातर प्राथना करया राँ। हऊँ संसारा रे खातर नीं, पर तिन्हांरे खातर प्राथना करया राँ, सै जे तैं मिन्जो सौंपीरे, काँह्भई सै तेरे।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

रोमियो 9:23

कने परमेशरे बी अपणी जादा महिमा परगट करने खातर अहांजो तिसते भरीत्या सै जे तिसरिया दया रिया वजह ने हुया, अहां चते तिन्हांजो परमेशरे अपणी महिमा पाणे खातर त्यार कित्तिरा।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

1 कुरिन्थियों 9:22

सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।

2 कुरिन्थियों 1:6

जे अहें दुख सैं, तां ये तुहांरिया तसल्लिया कने छुटकारे खातर आ; कने जे अहें तसल्ली पांये, तां ये तुहांरिया तसल्लिया खातर आ; जिस रिया वजह ते तुहें धीरजा ने तिन्हां दुखां जो सैई लैं जिन्हौं जे अहें बी सैयां ये।

2 कुरिन्थियों 12:15

सै जे किछ मेरले आ तिस्सो तुहांरे खातर बड़िया खुशिया ने खर्च करगा, कने तुहांरी मदद करने रे खातर अपणा जीवन बी देई देन्गा। जे हऊँ तुहांजो जादा प्यार रखां, तां भला तुहें मिन्जो घट प्यार कियां करी सक्कां ये।

2 कुरिन्थियों 4:15

ये सारा किछ तुहांरे खातर इ कित्या गईरा, ताकि परमेशर कितना अनुग्रहकारी आ जादा ते जादा लोक जाणगे, कने बौहत सारे लोक परमेशरा री प्रशंसा कने आदर करगे।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

इफिसियां 3:13

इस खातर हऊँ तुहांजो विनती कराँ भई तुहांरे खातर हऊँ सै जे दुख सही राँ तिसरिया वजह ने तुहें निराश नीं हुईजो, काँह्भई इसी दुखा च तुहांरी महिमा इ।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

1 थिस्सलुनीकियां 5:9

काँह्भई परमेशरे अहौं अपणे गुस्से ते सजा देणे रे खातर अहाजों नीं चुणीरा, पर इस खातर चणीरा भई अहें अहांरे प्रभु यीशु मसीह रे जरिये छुटकारा पाओ।

2 थिस्सलुनीकियां 2:14

तिस खातर जे परमेशरे अहां रिया खुशखबरिया रे खातर तुहांजो सद्दया, ताकि तुहें अहांरे प्रभु यीशु मसीह रिया महिमा च शामिल हुई सक्को।

2 तिमुथियुस 1:1

हऊँ पौलुस, परमेशरा री इच्छा ते यीशु मसीह रा प्रेरित आ ताकि हऊँ ये सन्देश प्रचार करी सक्कूँ भई परमेशरे अनन्त जीवन देणे रा वायदा कित्तिरा सै जे मसीह यीशुये चा।

2 तिमुथियुस 2:1

इस खातर अरे मेरे पुत्र तिमुथियुस, मसीह यीशुये च मिलणे औल़े अनुग्रह ते मजबूत हुई जा।

2 तिमुथियुस 2:3

मसीह यीशुये रे इक अच्छे सिपाईये साई अहां सौगी दुख सै।

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

1 पतरस 2:10

पैहले तुहें परमेशरा रे लोक नीं थे, पर हुण तुहें परमेशरा रे लोक ये। पैहले तुहां पर परमेशरा री दया नीं हुईरी थी, पर हुण हुईरी।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।