2 तिमुथियुस 1:9 - बिलासपुरी नौआं नियम

⁹ तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

2 तिमुथियुस 1:9 Iomraidhean Croise

मत्ती 1:21

तिसा इक पुत्र जणना तू तिसरा नौं यीशु रखयां, काँह्भई तिस अपणे लोकां जो तिन्हारे पापां ते छुटकारा दिलाणा।”

लूका 10:21

तिस इ घड़ी सै पवित्र आत्मा रिया खुशिया च भरी ने बोलणे लगे, “पिता जी, स्वर्ग कने धरतिया रे मालक हऊँ तेरा धन्यवाद कराँ भई तुहें इन्हां लोकां ते ये असलीयत छुपाई ने रखी, सै जे अपणे आप जो चलाक कने बुद्धिमान समझां ये, कने सै जे बच्चयां साई ये तिन्हां पर ये गल्लां परगट कराँ ये। हाँ, पिता, काँह्भई तैं देख्या भई ये ठीक आ।”

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

यूहन्ना 17:9

हऊँ तिन्हांरे खातर प्राथना करया राँ। हऊँ संसारा रे खातर नीं, पर तिन्हांरे खातर प्राथना करया राँ, सै जे तैं मिन्जो सौंपीरे, काँह्भई सै तेरे।

यूहन्ना 6:37

सै किछ जे पिता मिन्जो देआं सै सारा मेरलौ इ औणा, कने तिस जे मेरले औणा तिसजो मांह कदीं नीं त्यागणा।

प्रेरितां 15:18

येढ़ा सैई प्रभु बोलां सै जे जगता रिया उत्पतिया ते इन्हां गल्लां री खबर देन्दा आया।’

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

रोमियो 11:14

ताकि इस आशा ने भई हऊँ अपणे लोकां च बी जल़ण पैदा करी सक्कूं कने तिन्हां चते कईयां लोकां रा छुटकारा करी सक्कूं।

रोमियो 11:29

काँह्भई परमेशर अपणे बरदानां ते कने अपणिया बुलाहटा ते कदीं अपणा मन नीं बदलदा।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

रोमियो 3:20

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

रोमियो 9:11

जुड़वा बच्चयां रे जमणे ते पैहले कने सै किछ बी भला बुरा करने ते पैहले परमेशरे रिबका जो बोल्या, भई “तेरे बड्डे बेटे छोट्टे री सेवा करनी।” परमेशरे ये दसणे खातर ये बोल्या भई सै अपणा चुनाब खुद कराँ कने इसरी वजह ये नीं थी भई तिन्हां चते किन्हिये किछ कित्या था।

रोमियो 9:24

यनिके अहें सै चुणीरे लोक ये चाये अहें यहूदी ओ या अन्यजातियां रे ओ।

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।

इफिसियां 1:11

ये सारियां गल्लां परमेशरा रिया योजना कने फैसले रे मुतावक हुई, कने परमेशरे मसीह च अहौं अपणे लोक हुणे रे खातर अपणिया इच्छा रे मुतावक चुणया, सै जे परमेशरे पैहले तेई तैह करीने रखीरा था।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

इफिसियां 2:5

ताहली जे अहें पापां रिया वजह ने आत्मिक रुपा च मूईरे थे, तां मसीह सौगी तिने अहांजो बी जिऊंदा कित्या (परमेशरा रे अनुग्रह तेई तुहांरा छुटकारा हुईरा।)

इफिसियां 3:11

ये तिस सनातन इच्छा रे मुतावक हुया सै जे तिने अहांरे प्रभु यीशु मसीह च पूरी कित्तिरी।

फिलिप्पियां 3:14

तां हऊँ ईनाम जितने रे खातर सिधा मकसदा रिया तरफा दौड़ां, सै जे अनन्त जीवना रे खातर यीशु मसीह रे जरिये मिन्जो परमेशरा रा बुलावा।

1 थिस्सलुनीकियां 4:7

काँह्भई परमेशरे अहांजो अपवित्र जीवन जीणे रे खातर नीं, पर पवित्र जीवन जीणे खातर सद्दीरा।

1 तिमुथियुस 1:1

हऊँ पौलुस, यीशु मसीह रा प्रेरित आ तिसजो जे अहांरे छुटकारा करने औल़े परमेशरे कने मसीह यीशु तिस पर जे अहें भरोसा कराँ ये अधिकार दित्तिरा,

2 तिमुथियुस 1:1

हऊँ पौलुस, परमेशरा री इच्छा ते यीशु मसीह रा प्रेरित आ ताकि हऊँ ये सन्देश प्रचार करी सक्कूँ भई परमेशरे अनन्त जीवन देणे रा वायदा कित्तिरा सै जे मसीह यीशुये चा।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

प्रकाशितवाक्य 17:8

सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।