2 तिमुथियुस 1:10 - बिलासपुरी नौआं नियम

¹⁰ पर हुण अहांरा छुटकारा करने औल़े, यीशु मसीह रे प्रगट हुणे रे जरिये अनुग्रह अहां पर प्रगट हुईरा, तिने जे मौती रिया शक्तिया रा नाश करित्या, कने तिने जीवन कने अमरता जो खुशखबरिया रे जरिये प्रगट कित्तिरा।

2 तिमुथियुस 1:10 Iomraidhean Croise

लूका 11:36

जे तू अपणी पूरी जिन्दगी परमेशरा रिया सच्चाई रे मुतावक जीआं, तां तू हरेक चीज़ा जो सही ढंगा ने जाणने रे लायक हुई जाणा भई परमेशर तूते क्या चाँह; ये तिस इक्की कमरे साई हूणा तिसच जे दिऊए री तेज रोशनी चमकयां राईं, सै जे तुहांजो हर चीज़ साफ देखणे लायक बणांई।”

लूका 13:7

फेरी तिने बगीचे रे मालीये जो गलाया, ‘देख हऊँ तिन्नां साल्लां ते इस डाल़ा पर फल़ टोलदा आया पर अज्जा तक मिन्जो इस डाल़ा पर इक बी फल़ नीं मिलया! इस खातर इस्सो बड्डी दे। इने फालतू च जगह घेरीरी तिसते जे इसरिया जगह पर होर किछ लगाई सक्कूं।’

लूका 2:11

भई आज्ज राजा दाऊद रे नगर बैहतलम च तुहांरे खातर पापां ते छुटकारा देणे औल़े मुक्तीदाते रा जन्‍म हुया कने सैई मसीह प्रभु आ।

यूहन्ना 1:9

सच्ची ज्योति इस संसारा च औणे औल़ी थी सै जे हर इक माहणुये जो अपणे ज्ञाना च चमकांई।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

यूहन्ना 4:42

तिन्हे तिसा जनाना ने गलाया, “हुण अहें सिर्फ तेरे बोलणे तेई विश्वास नीं करदे; काँह्भई अहें अप्पूँ इ तिस्सो सुणील्या कने हुण अहें ये जाणीगे भई सच्ची जो येई हाया सै जे संसारा रा छुटकारा करने औल़ा।”

यूहन्ना 5:40

फेरी भीं तुहें अनन्त जीवन पाणे खातर मेरले नीं औणा चाहन्दे।

प्रेरितां 13:23

“इसरे वंशा चते परमेशरे अपणिया वाचा रे मुतावक इस्राएल ले इक छुटकारा करने औल़े जो, यनि यीशुये जो भेज्या।

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

रोमियो 16:26

पर परमेशरा रे हुक्मा ते भविष्यवक्तयां रे लेखां रे जरिये हुण अहांजो कने अन्यजातियां जो प्रचार करीने दस्सीत्या, ताकि सारी जातियां विश्वास करी सक्को कने तिसरी आज्ञा मन्नी सक्को।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

रोमियो 3:31

तां क्या अहें व्यवस्था जो अहांरे विश्वासा रे जरिये खत्म करी रायें? कदीं मनी! पर अहें त व्यवस्था जो तिसरी सही कीमत देई राँये।

रोमियो 6:6

अहें ये जाणाँ ये भई अहांरी पुराणी जिन्दगी यीशुये सौगी क्रूसा पर चढ़ाई तरी ताकि पापा ने भरीरा अहांरा शरीर खत्म हुई जाओ, कने अहें अग्गे जो पापा रे गुलाम नीं बणीरे रौ।

1 कुरिन्थियों 15:26

सब्बीं ते आखरी दुश्मण तिसरा जे अन्त कित्या जाणा, सै मौत इ।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

2 कुरिन्थियों 5:4

कने अहें इस शरीरा च रैहन्दे हुये सै जे तम्बुये साई आ बोझे हेठ दबोईने कराहन्दे रैं, बजह येई भई अहें इसजो छडणा नीं चांहन्दे बल्कि नये शरीरा जो पाणा चाँये ताकि जो किछ नाशवान आ तिस्सो अनन्त जीवन निंगल़ी लो।

गलातियां 5:4

तुहां चते जितने बी लोक व्यवस्था रा पालन करने रे जरिये परमेशरा रे सामणे धर्मी हुणे री कोशिश करया राँये, तुहें सारे मसीह ते लग ये कने परमेशरा रे अनुग्रह जो ग्रहण करने ते मना कित्तिरा।

इफिसियां 1:18

हऊँ परमेशरा ने ये बी प्राथना कराँ भई सै तुहौं सच्चाईया जो समझणे च तुहांरी मदद करगा, भई तुहें तिसा आस्सा जो जाणी लो तिसरे खातर जे तिने तुहांजो सद्दीरा; कने तुहें इसा गल्ला जो जाणो भई सै आशीषां जे परमेशर अपणयां लोकां जो देणे रा वायदा कराँ सै कितणियां महान इ।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

2 थिस्सलुनीकियां 2:8

फेरी तिस दुष्ट माहणुये प्रगट हूणा, तिस्सो जे प्रभु यीशुये अपणे मुँआं रे साह ने मारी देणा, कने अपणे औणे रे तेजा ते भस्म करना।

2 तिमुथियुस 1:1

हऊँ पौलुस, परमेशरा री इच्छा ते यीशु मसीह रा प्रेरित आ ताकि हऊँ ये सन्देश प्रचार करी सक्कूँ भई परमेशरे अनन्त जीवन देणे रा वायदा कित्तिरा सै जे मसीह यीशुये चा।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

2 तिमुथियुस 4:1

परमेशर कने मसीह यीशुये रिया हजूरिया च तिस जे जिऊंदेयां कने मूईरयां रा न्याय करना, तिसरे दोवारा औणे कने तिसरे राज्जा रे बारे च ध्यान रखदे हुये हऊँ तिज्जो ये हुक्म देआं

2 तिमुथियुस 4:8

हुण जीता रा मुकुट स्वर्गा च मेरे खातर इन्तजार करया राँ, काँह्भई मैं परमेशरा जो खुश कित्तिरा। प्रभु सै जे न्याय ने सारयां लोकां रा न्याय कराँ तिस न्याय रे दिन मिन्जो ये मुकट देणा, मिन्जो इ नीं वल्कि तिन्हां सारयां लोकां जो बी देणा सै जे तिसरे दोवारा औणे रा बेशबरिया ने इन्तजार करया राँये।

तीतुस 2:11

विश्वासियां जो इस तरीके ने सिखा, काँह्भई परमेशरे सारयां लोकां जो पापा ते छडवाणे रा रस्ता दस्सीने अपणा अनुग्रह प्रगट कित्तिरा।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

तीतुस 3:4

पर ताहली जे अहांरा छुटकारा देणे औल़े परमेशरा री कृपा कने प्रेम माहणुआं पर प्रगट हुआ,

इब्रानियों 10:32

पर तिन्हां शुरु रे दिनां जो याद करा ताहली जे खुशखबरिया पर विश्वास करने ते बाद तुहें बौहत दुख सैया, पर विश्वासा च मजबूत रै।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

2 पतरस 1:11

कने परमेशरा तुहांजो दिला ते राज्जा च स्वागत करना, तित्थी जे यीशु मसीह सै जे अहांरा प्रभु कने अहांरा छुटकारा देणे औल़े सदा खातर राज्ज करना।

2 पतरस 1:3

परमेशरा री अलौकिक सामर्थे अहांजो सब किछ दित्या, धार्मिक जीवन जीणे री तिसरी जे अहांजो जरूरत इ। ये हुई सक्कां, काँह्भई अहें परमेशरा जो जाणाँ ये, सैई हाया तिने जे अहांजो अपणी महिमा कने अच्छे गुणां च शामिल हुणे खातर सद्दीरा।

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

2 पतरस 3:2

हऊँ चांह भई तुहें तिन्हां गल्लां जो याद करा तिन्हांजो जे पवित्र भविष्यवक्तयां बौहत पैहले बोल्या था, कने अहांरे प्रभु कने छुटकारा करने औल़े रे तिन्हां हुक्मां जो बी याद करा सै जे तुहांरे प्रेरितां यनि अहांरे जरिये दित्तिरे थे।

1 यूहन्ना 1:2

परमेशरे तिस्सो संसारा च भेज्या, कने अहें तिस्सो देक्खीरा, कने तुहांजो तिस अनन्त जीवना रे बारे च दस्या कने घोषणा कित्ती सै जे पिता परमेशरा सौगी था कने हुण अहांरे बिच रैहणे रे खातर आया)।

1 यूहन्ना 4:14

कने अहें पुत्रा जो देखीरा कने तिसरी गवाही दें भई पिता परमेशरे अपणे पुत्रा जो संसारा रे लोकां जो छुटकारा देणे रे खातर भेज्या।

प्रकाशितवाक्य 18:1

“इन्हां गल्लां ते बाद मैं इक्की होर स्वर्गदूता जो स्वर्गा ते उतरदे हुये देख्या, तिस्सो जे बड्डा अधिकार मिलीरा था; कने तिसरे तेजा ते धरती चमकीगी।

प्रकाशितवाक्य 2:7

सै जे मेरी गल्ल समझणा चाँह, सै ध्यान देईने सुणो भई परमेशरा रा आत्मा कलीसियां ने क्या बोलां। सै जे जय पाओ तिस्सो मांह जिन्दगिया रे डाल़ा चते सै जे परमेशरा रे स्वर्ग लोका चा, फल़ खाणे जो देणा।”

प्रकाशितवाक्य 20:14

मौत कने अधोलोक बी अग्गी रिया नदिया च पाई दित्ते गये। ये अग्गी री झील दुज्जी मौत इ;

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।