2 थिस्सलुनीकियां 1:3 - बिलासपुरी नौआं नियम

³ अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

2 थिस्सलुनीकियां 1:3 Iomraidhean Croise

लूका 15:32

अहां ये खुशिया रा दिन मनाणा। काँह्भई तेरे भाईये रा घरें वापस औणा जिऊंदा हुणे रे बराबर आ। सै गवाच्छी गरा था, कने हुण सै घरौ वापस आईग्या।’ ”

लूका 17:5

प्रेरितें प्रभु यीशुये ने गलाया, “परमेशरा पर अहांरा विश्वास मजबूत करने जो अहांरी मदद कर”

यूहन्ना 15:2

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

रोमियो 1:8

सब्बीं ते पैहले हऊँ तुहां सबनीं रे खातर यीशु मसीह रे जरिये अपणे परमेशरा रा धन्यवाद कराँ, काँह्भई मसीह पर तुहांरे विश्वासा री चर्चा सारे संसारा रे लोकां च हुया राईं।

1 कुरिन्थियों 1:4

हऊँ तुहांरे बारे च अपणे परमेशरा रा सदा धन्यवाद कराँ, काँह्भई परमेशरा रा ये अनुग्रह तुहां पर मसीह यीशुये च हुईरा।

2 कुरिन्थियों 10:15

अहें सै काम्म जे दुज्यां कित्तिरा तिसरे बारे च घमण्ड नीं करदे, तियां जे भई अहें खुद सै काम्म कित्तिरे। पर अहांरी आशा येई भई तियां-तियां जे तुहांरा विश्वास बधदा जाणा, तियां इ तुहांरे बिच अहांरे अपणे कम्मां री सीमा बौहत बधणी,

इफिसियां 5:20

कने सब गल्ला रे खातर अहांरे प्रभु यीशु मसीह रिया वजह ने अहांरे पिता परमेशरा रा हमेशा धन्यवाद करा।

फिलिप्पियां 1:7

मेरे खातर ये ठीक आ भई हऊँ तुहांरे बारे च ये सोच्चूँ, काँह्भई हऊँ तुहांजो बौहत प्रेम कराँ। काँह्भई चाहे हऊँ कैदा चा, चाहे खुशखबरिया रिया सच्चाई री फाजत करया राँ, चाहे खुशखबरिया जो प्रमाणित करया राँ, तिसच तुहें सारे मेरे सौगी परमेशरा रे अनुग्रह च हिस्सेदार ए।

फिलिप्पियां 1:9

कने हऊँ येई प्राथना करदा रैयां भई तुहांरा प्यार, कने सुध-बुध हर तरह रे ज्ञाना सौगी हमेशा बधदी रौ।

1 थिस्सलुनीकियां 3:12

कने प्रभु येढ़ा करो भई तियां जे अहें तुहांजो प्यार रक्खां ये, तियां इ तुहांरा प्यार बी इक्की दूये ने कने सारे माहणुआं सौगी बधो, कने उमड़दा रौओ,

1 थिस्सलुनीकियां 3:6

तिमुथियुस तुहां लते वापस आईने हुण इ अहांले पुज्जया कने तिने अहांजो तुहांरे विश्वास कने प्यारा री अच्छी खबर सुणाई। तिने अहांजो दस्या भई तुहांजो अहांरी बौहत याद औवांई, कने तुहें अहांने मिलणे जो बड़े बेचैन ये, तियां इ तियां जे अहें तुहांजो मिलणे जो।

1 थिस्सलुनीकियां 3:9

तुहांरे बारे च तुहांरिया वजह ने सै मौज जे अहांजो अपणे परमेशरा रे सामणे मिली, तिसरे खातर अहें परमेशरा रा धन्यवाद कियां करिये?

1 थिस्सलुनीकियां 4:1

भाईयो, अहें तुहांते विनती कराँ ये कने तुहांजो प्रभु यीशुये च समझावांये भई तेढ़ा जे तुहें अहांते ठीक चाल चलना कने परमेशरा जो खुश करना सिखी रा, कने तेढ़े जे चलां बी ये, तेढ़े इ होर बी तरक्की करदे जाओ।

2 थिस्सलुनीकियां 2:1

अरे साथी विश्वासियो, हुण अहें अपणे प्रभु यीशु मसीह रे दुज्जी बार औणे, कने तिस सौगी अहांरे कट्ठे हुणे रे बारे च तुहांजो विनती कराँ ये।

2 थिस्सलुनीकियां 2:13

अरे साथी विश्वासियो, कने प्रभुये रे प्यारे लोको, अहांजो तुहांरे खातर लगातार परमेशरा रा धन्यवाद करना चाहिन्दा, काँह्भई परमेशरे तुहांजो शुरु तेई पवित्र आत्मा रे जरिये पापा ते लग करीने कने सच्चाईया च तुहांरे विश्वासा रिया वजह ने छुटकारे खातर चुणीलरा।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

2 पतरस 1:13

हऊँ ये सोच्चां भई ये ठीक बी आ भई तदुआं तक जे हऊँ जीवित आ, तदुआं तक तुहौं लगातार इन्हा गल्लां री याद दिलान्दे रैहणा तिसते जे तुहें तिन्हांजो भुलगे नीं।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।