2 पतरस 3:12 - बिलासपुरी नौआं नियम

¹² कने तुहें इस तरिके ने बर्ताव करा ताहली जे तुहें उम्मीदा सौगी परमेशरा रे औणे रे दिना रा इन्तजार कराँ ये, कने तिस दिना जो जल्दी लौणे रे खातर पूरी कोशिश करा। तिस दिन परमेशरा अम्बरा जो अग्गी ने नाश करना कने अम्बरा री सारियां चीजां अग्गी रिया गर्मिया ने पिघल़ी जाणियां।

2 पतरस 3:12 Iomraidhean Croise

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

मत्ती 16:28

हऊँ तुहांजो बोलां भई येत्थी किछ येढ़े तिन्हां तदुआं तक नीं मरना, तदुआं तक जे माहणुये रे पुत्रा जो तिसरे राज्जा च औन्दे हुये नीं देक्खी लो।”

फिलिप्पियां 1:6

मिन्जो इसा गल्ला रा पूरा भरोसा भई परमेशरे तुहां लोकां च इक येढ़ा बधिया काम्म शुरु कित्या, सैई तिस्सो यीशु मसीह रे वापस औणे रे दिना तक पूरा करदे रैंहगे।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

2 पतरस 3:10

पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।

2 पतरस 3:4

कने तिन्हां बोलणा, “क्या मसीहे दोवारा औणे रा वायदा नीं कित्तिरा था? तां सै किति आ? अहें बोलां ये भई तिस दोवारा नीं औणा, काँह्भई अहांरे पूर्वजां री मौत हुई चुक्कीरी, फेरी बी सब किछ तियां इ चलीरा तियां जे सृष्टिया रे शुरु ते था।”

2 पतरस 3:7

पर आज्ज का अकाश कने धरती सै जे हुण अस्तित्व ची, तिस इ बचना रे जरिये अग्गी ते नाश हुणे रे खातर सुरक्षित इ। तिन्हांजो तिस दिना तक रखया गईरा ताहली जे परमेशरा हुक्म नीं मनणे औल़े लोकां रा न्याय करना कने तिन्हांरा नाश करना।

यहूदा 1:21

तुहांजो ये जाणदे हुये लगातार जीणा चाहिन्दा भई परमेशर तुहांजो प्यार कराँ। अहांरा प्रभु यीशु मसीह तुहांजो अनन्त जीवन देणे तक तुहें उम्मीदा सौगी इन्तजार करा। तिस ये करना काँह्भई सै तुहांजो प्यार कराँ।