2 पतरस 2:10 - बिलासपुरी नौआं नियम

¹⁰ खास कर तिन्हांजो सै जे अपणे पापी स्वाभावा री बुरियां इच्छां रे मुतावक चलां ये कने परमेशरा रे अधिकारा ते नफरत कराँ ये। सै लोक जिद्दी, कने घमण्डी ये, कने ये स्वर्गा रे प्राणियां री बेज्जति करने ते बी नीं डरदे।

2 पतरस 2:10 Iomraidhean Croise

लूका 11:25

कने ताहली जे गई तां पाया भई तिस माहणुये री जिन्दगी तिस घरा साई सै जे साफ सुथरा कने सजा-सजाईरा कने खाली ओ।

लूका 19:14

पर तिसरे नगरा च रैहणे औल़े लोक तिसते नफरत कराँ थे, इस खातर तिन्हे तिसरे पिच्छे दूतां ले सनेहा भेज्या भई अहें नीं चाहन्दे सै अहांरा राजा बणो।

प्रेरितां 23:5

पौलुसे गलाया, “हे भाईयो, हऊँ नीं जाणदा था, भई ये महायाजक आ; काँह्भई पवित्रशास्त्रा च लिखिरा, ‘अपणे लोकां रे मुखिये जो बुरा नीं बोल।’ ”

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

1 कुरिन्थियों 6:9

क्या तुहें नीं जाणदे भई अन्यायी लोक परमेशरा रे राज्जा रे वारस नीं हुणे? खुद अप्पूँजो धोखा नीं देआ, नां वैश्यगामी, नां मूर्तीपूजक, नां पराई जनाना ने गल़त करना, नां लुच्चे, नां पुरुषगामी,

2 कुरिन्थियों 10:3

हलाँकि अहें बी त इसी संसारा च रैं, पर अहें अपणे दुश्मणा ने संसारा रे लोकां साई नीं लड़दे।

इफिसियां 4:19

काँह्भई सै हुण शर्म महसूस नीं करदे कने तिन्हें अप्पूँजो बेशर्म काम्म करने च समर्पित करी तरा। सै हर तरिके रे गन्दे काम्म लगातार कराँ ये कने होर जादा करने री इच्छा कराँ ये।

इफिसियां 5:5

काँह्भई तुहें ये जाणाँ ये भई येढ़ा कोई बी माहणु सै जे दुराचारी आ, अपवित्र आ, या लालची आ (सै जे इक मूर्तिया री पूजा करने औल़े साई आ) मसीह रे कने परमेशरा रे राज्जा रा वारिस नीं बणी सकदा।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

1 थिस्सलुनीकियां 4:7

काँह्भई परमेशरे अहांजो अपवित्र जीवन जीणे रे खातर नीं, पर पवित्र जीवन जीणे खातर सद्दीरा।

2 तिमुथियुस 3:2

काँह्भई लोकां सिर्फ अप्पूँजो प्यार करना, पैसे ने प्यार करना, डींग मारना, घमण्डी हुणे, निंध्या करने औल़े हुणे, अपणे माता-पिता रा हुक्म नीं मनणे औल़े, नमकहराम, अपवित्र हुणे,

तीतुस 1:7

काँह्भई कलीसिया रे अगुवे जो परमेशरा रा भण्डारी हुणे रिया वजह ते निर्दोष हूणा चहिन्दा; नां हठी, नां गुस्सेबाज नां पियक्कड़, नां मारपीट करने औल़ा, नां नीच कमाईया रा लालची हो,

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।

2 पतरस 3:3

सब्बीं ते पैहले तुहांजो ये समझी लेणा चाहिन्दा भई आखरी दिनां च मजाक डवाणे औल़यां मजाक डवान्दे हुये औणा, कने तिन्हां अपणी बुरी इच्छां रे मुतावक चलना।

यहूदा 1:10

पर ये लोक तिन्हांरे बारे च बुरा बोलां ये तिसरे बारे च जे सै किछ नीं जाणदे। कने जो किछ सै जाणाँ ये सै आमतौर पर नासमझ जानबरा साई कराँ ये, कने ये करने रे जरिये सै खुद अप्पूँजो नाश कराँ ये।

यहूदा 1:16

ये लोक लगातार कुड़कुड़ां ये कने शिकायत कराँ ये; सै अपणियां बुरियां इच्छां रे मुतावक चलां ये कने सै अपणे बारे च घमण्ड कराँ ये कने अपणे फायदे रे खातर लोकां री चापलुसी कराँ ये।

यहूदा 1:18

सै तुहांजो बोल्या करदे थे, “आखरी दिनां च येढ़े मजाक डवाणे औल़े लोक हुणे, कने तिन्हां अपणिया बुरियां इच्छां रे मुतावक बुरे काम्म करने।”

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।