2 पतरस 1:1 - बिलासपुरी नौआं नियम

¹ हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

2 पतरस 1:1 Iomraidhean Croise

मत्ती 10:2

इन्हां बारा प्रेरितां रे नौं थे : पैहला शमौन, सै जे पतरसा रे नौआं ते जाणया गया, कने तिसरा भाई अन्द्रियास, जब्दिये रा पुत्र याकूब कने तिसरा भाई यूहन्ना।

मत्ती 4:18

ताहली जे यीशु गलील दरयावा रे कण्डे फिरदे हुये दो भाईयां यनिके शमौन (सै जे पतरस था) कने तिसरा भाई अन्द्रियास जो, सै जे दरयावा च जाल़ पाईराँ थे; काँह्भई सै मच्छुआरे थे।

लूका 1:47

हऊँ मेरा छुटकारा करने औल़े परमेशरा च आनन्दित हुई,

लूका 11:49

परमेशरे अपणिया बुद्धिया ने तुहांरे खातर येढ़ा गलाया, ‘हऊँ तिन्हाले भविष्यवक्तयां कने प्रेरितां जो भेजगा, तिन्हांजे इन्हां चते किछ मारी देणे कने किछ पर जुल्म करने।’

यूहन्ना 1:42

फेरी अन्द्रियास शमौना जो यीशुये ले ली आया, तिने शमौन्ना जो ध्यान्ना ने देख्या कने गलाया, “तू यूहन्ना रा मुण्डु शमौन आ: तू कैफा यनि पतरस रे नौआं ते पछयाणया जाणा।”

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 20:21

यीशुये तिन्हांजो फेरी भीं गलाया तुहांजो शान्ति मिलो, तियां जे पिता परमेशरे मिन्जो संसारा च भेज्या तियां इ हऊँ बी तुहांजो संसारा च भेज्या रां।

प्रेरितां 15:14

शमौन पतरसे दस्या भई परमेशरे पैहले अन्यजातियां रे लोकां पर केढ़ी दया कित्ती भई तिन्हां चते अपणे लोक होणे खातर किछ लोकां जो चुणया।

रोमियो 1:1

हऊँ पौलुस यीशु मसीह रा दास आ कने प्रेरित होणे रे खातर परमेशरा रे जरिये चुणया गया, कने परमेशरा रिया खुशखबरिया रा प्रचार करने खातर लग कित्या गया।

रोमियो 1:12

यनि मेरा मतलब येआ भई ताहली जे हऊँ तुहांले होऊं, तां अहें तिस विश्वासा रे जरिये सै जे माह च कने तुहां चा, इक्की दुज्जे ते प्रेरणा पाओ।

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

1 कुरिन्थियों 15:9

काँह्भई हऊँ प्रेरितां च सब ते छोट्टा, कने प्रेरित कहलाणे लायक मनीं आ, काँह्भई मैं परमेशरा री कलीसिया जो सताईरा था।

1 कुरिन्थियों 9:1

क्या हऊँ अजाद माहणु निआं? क्या हऊँ प्रेरित निआं? क्या मैं यीशुये जो सै जे अहांरा प्रभु आ, नीं देख्या? क्या तुहें प्रभुये च मेरिया मेहणता रा नतीजा नींये?

2 कुरिन्थियों 4:13

पवित्रशास्त्रा च ये लिखिरा, “मैं विश्वास कित्या था इस खातर मैं गलाया।” अहां च बी विश्वासा री सैई आत्मा इ कने अहें बी विश्वास कराँ ये इस खातर अहें बी बोलां ये।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

गलातियां 2:8

परमेशरे तियां जे पतरसा जो खतना कित्ती रयां लोकां खातर इक प्रेरित बणाया, तियां इ परमेशरे मिन्जो बी अन्यजातियां रे खातर प्रेरित बणाया।

इफिसियां 3:5

ये भेत पिछली पीढ़िया रे लोकां जो इयां नीं दस्सीरा था, तियां जे हुण पवित्र आत्मा रे जरिये परमेशरा रे पवित्र प्रेरितां कने भविष्यवक्तयां पर परगट कित्या गया।

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

इफिसियां 4:5

इक इ प्रभु आ, इक इ विश्वास आ, कने इक इ बपतिस्मा,

फिलिप्पियां 1:1

यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

फिलिप्पियां 1:29

काँह्भई मसीह रिया तरफा ते तुहांजो न सिर्फ तिस पर विश्वास करने रा, पर तिसरे खातर मुशीवतां झेलणे रा बी खास मौका दित्तिरा;

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

2 तिमुथियुस 1:5

हऊँ मसीह यीशुये च तेरे सच्चे विश्वासा जो बी याद कराँ सै जे पैहले तेरी नानी लोईसा कने तेरी माता यूनीके च था। मिन्जो ये निश्चा भई सैई विश्वास तेरे च बी आ।

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

तीतुस 1:4

तीतुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई अहें दोन्नो यीशु मसीह पर विश्वास कराँ ये। हऊँ प्राथना कराँ भई पिता परमेशर, कने मसीह यीशु अहांरा छुटकारा करने औल़े तिज्जो अनुग्रह कने शान्ति देओ।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

1 पतरस 1:1

हऊँ पतरस, यीशु मसीह रा प्रेरित ये चिट्ठी परमेशरा रे तिन्हां चुणी रे लोकां खातर लिख्या राँ सै जे पुन्तुस, गलातिया, कप्पदूकिया, आसिया कने बितूनिया रे प्रदेशां च खिण्डीने प्रदेशियां साई रैई कराँ ए।

1 पतरस 1:7

ये इस खातर आ भई तुहांरा विश्वास सच्चा साबित हो, मसीह यीशुये पर तुहांरा विश्वास सियुने ते बी बौहत कीमती आ। तियां जे नाशवान सियुना अग्गी ते परखया कने शुद्ध कित्या जां, तियां इ जे तुहांरा विश्वास समस्यां ते परखया जाणे ते बाद मजबूत बणीरा रौ, तां तुहां तिस दिन प्रशंसा, महिमा कने आदर पाणा ताहली जे यीशु मसीह वापस औणा।

1 पतरस 2:7

इस खातर तुहां विश्वास करने औल़यां रे खातर ये पत्थर बौहत कीमती आ, पर सै लोक जे विश्वास नीं करदे तिन्हांरे खातर, “तिस पत्थरा जो जे राजमिस्त्रियें बेकार समझीने त्यागी तरा था, सैई पत्थर कुणे रा पैहला पत्थर हुईग्या,”

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

2 पतरस 1:4

इन्हां सब्बीं रे जरिये परमेशरे अहांजो बौहत महान कने बौहत कीमती बरदान दित्ते, तिन्हांजो देणे रा जे तिने वायदा कित्या था, ताकि इन्हां बरदान्नां रे जरिये तुहें संसारा रियां बुरियां इच्छां ते बची सक्को सै जे लोकां जो नाश कराँ इयां कने तुहें परमेशरा रे अपणे स्वभावा च शामिल हुणे खातर आई सक्को।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।