1 तिमुथियुस 6:2 - बिलासपुरी नौआं नियम

² कने तिन्हांरे मालक जे विश्वासी ये, तिन्हांजो सै विश्वासी हुणे रिया वजह ते नीच नीं जाणो, वल्कि सै तिन्हांरी होर बी अच्छे तरिके ने सेवा करो, काँह्भई इसते फायदा लेणे औल़े विश्वासी ये कने परमेशर तिन्हांने प्रेम कराँ। इन्हां गल्लां रा उपदेश करया कर कने पालन करने रे खातर लोकां जो हौंसला दे।

1 तिमुथियुस 6:2 Iomraidhean Croise

मत्ती 23:8

पर तुहें लोकां ते अप्पूँजो गुरू नीं बुल्वायां, काँह्भई तुहांरा सच्चा गुरू त बस इक इ हाया; कने तुहें सारे अप्पूँ चियें भाई भैणा साई ये।

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

मत्ती 6:24

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

रोमियो 11:17

इस्राएली लोक जैतून डाल़ां रियां डाल़ियां साई ये कने पूर्वज अब्राहम, इसहाक कने याकूब डाल़ां रियां जड़ां साई ये। जे किछ डाल़ियां तोड़ी दित्तियां जाओ, कने तुहें अन्यजातियां रे लोक जंगली डाल़ां रियां डाल़ियां साई ये कने तिन्हां डाल़ां पर कलम कित्ते गईरे तां तुहें तिन्हां जैतून रे खरयां डाल़ां री जड़ां री खुराका रा हिस्सा हुईगे,

रोमियो 8:29

काँह्भई तिन्हांजो जे तिने पैहले ते चुणीरा कने तैह कित्या भई सै तिसरे पुत्रा साई बणी जाओ ताकि तिसरा पुत्र कई भाईयां च पैहला हूणा।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

इफिसियां 1:1

हऊँ, पौलुस परमेशरा रिया इच्छा रे जरिये यीशु मसीह रा प्रेरित आ। हऊँ ये चिट्ठी इफिसुस नगरा च रैहणे औल़े पवित्र लोकां कने यीशु मसीह रे सच्चे विश्वासियां जो लिखिराँ।

इफिसियां 1:15

इसा वजह ने, हऊँ बी तिस विश्वासा जो सै जे तुहां लोकां च प्रभु यीशुये पर आ कने सारे पवित्र लोकां रे प्रति तुहांरे प्यारा री खबर सुणीने,

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

कुलुस्सियां 1:2

हऊँ कुलुस्से नगरा च रैहणे औल़े पवित्र लोकां जो कने मसीह रे सच्चे विश्वासी भाईयां जो ये लिखिराँ। अहांरे पिता परमेशरा तुहांजो अनुग्रह कने शान्ति देन्दे रौ।

कुलुस्सियां 1:4

काँह्भई अहें मसीह यीशुये च तुहांरा विश्वास कने सारे पवित्र लोकां रे प्रति तुहांरे प्यारा रे बारे च सुणीरा;

कुलुस्सियां 4:1

मालको, तुहें अपणे-अपणे दास्सां ने न्याय कने ठीक-ठीक बर्ताव करा, याद रखा स्वर्गा च तुहांरा बी कोई मालक आ।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

1 तिमुथियुस 4:11

विश्वासियां जो इन्हां गल्लां रा हुक्म दे कने सखा।

1 तिमुथियुस 5:1

किसी सयाणे जो नीं थिड़क, पर तिस्सो अपणे पिता साई जाणीने प्यार कने आदरा ने समझाई दे, कने जवानां जो अपणे भाईये साई जाणीने;

तीतुस 2:1

पर तीतुस, तेरी शिक्षा सच्चिया शिक्षा साई हूणी चाहिन्दी।

तीतुस 2:15

इस खातर तीतुस हऊँ चाँह भई तू क्रेते टापुए रे विश्वासियां जो ये गल्लां सखा सै जे मैं तिज्जो दस्सी रियां। अपणयां लोकां तिन्हांजो करने रे खातर प्रोत्साहन दे, तित्थी तक जे जरुरी हो, तित्थी तिन्हां च सुधार कर। तिज्जो येढ़ा करने रा पूरा अधिकार आ। ध्यान रख भई सै जे किछ तू सिखां, कोई बी तिज्जो अनदेखा नीं करो।

तीतुस 3:8

सै गल्लां जे मैं लिखी रियां सै सच्चियां इ, कने हऊँ चांह भई तू इन्हां गल्लां रे बारे च मजबूतिया ने बोल्लो, ताकि तिन्हें जे परमेशरा पर विश्वासा कित्या, सै भले कम्मां च लगी रैहणे खातर ध्यान देओ। ये गल्लां भली कने सब्बीं रे फायदे रियां इ।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

2 पतरस 2:10

खास कर तिन्हांजो सै जे अपणे पापी स्वाभावा री बुरियां इच्छां रे मुतावक चलां ये कने परमेशरा रे अधिकारा ते नफरत कराँ ये। सै लोक जिद्दी, कने घमण्डी ये, कने ये स्वर्गा रे प्राणियां री बेज्जति करने ते बी नीं डरदे।

यहूदा 1:8

तियां इ परमेशरा रा हुक्म नीं मनणे औल़े ये लोक ये बोलीने पाप कराँ ये भई तिन्हें दर्शण देखीरा। सै अपणे शरीरा जो अशुद्ध कराँ ये, प्रभुये रे अधिकारा रा इन्कार कराँ ये कने स्वर्गा रे प्राणियां री बुराई कराँ ये।