1 तिमुथियुस 6:12 - बिलासपुरी नौआं नियम

¹² तियां जे इक अच्छा सिपाही लड़ाईया च लड़ाई करना कदीं नीं छडदा तियां इ तिज्जो बी परमेशरा पर विश्वास करना कने तिसरे पिछे चलना कदीं नीं छडणा चाहिन्दा, ताकि तू अपणे ईनामा रे रुपा च अनन्त जीवन पाई सक्को, तिसरे खातर जे तिज्जो सद्दया गईरा, ताहली जे बौहत लोकां रे सामणे तैं साफ तौर पर बोल्या था भई तू मसीह पर विश्वास कराँ।

1 तिमुथियुस 6:12 Iomraidhean Croise

2 कुरिन्थियों 6:7

सच्चे बचना ने, कने परमेशरा रिया सामर्था ने, धार्मिकता रे हत्थियार सै जे अपणे सज्जे कने खब्बे हत्थां चे,

2 कुरिन्थियों 9:13

तुहांरिया इस सेवा जो सबूत मनदे हुये तिन्हां परमेशरा री महिमा करनी, काँह्भई तुहें मसीह रिया खुशखबरिया जो मन्नीने तिसरे अधीन रैं, कने गरीब विश्वासियां री कने सब्बीं री मदद करने च उदारता दसदे रैं।

फिलिप्पियां 1:30

कने तुहांजो तियां इ संघर्ष करने पौणा तियां जे तुहें पैहले मिन्जो करदे देख्या, कने हुण तुहें सुणां ये भई हऊँ हुण बी संघर्ष करी रां।

कुलुस्सियां 3:15

तुहांरे दिलां पर मसीह री शान्ति राज करो, काँह्भई तुहें सारे इक्की शरीरा रा हिस्सा ये; इस खातर इक्की दूये सौगी तुहें शाँतिया ने रैहणे रे खातर सद्दीरे। कने सदा परमेशरा रा धन्यवाद करदे रौआ।

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

2 थिस्सलुनीकियां 2:14

तिस खातर जे परमेशरे अहां रिया खुशखबरिया रे खातर तुहांजो सद्दया, ताकि तुहें अहांरे प्रभु यीशु मसीह रिया महिमा च शामिल हुई सक्को।

1 तिमुथियुस 1:18

मेरे पुत्र तिमुथियुस, तिन्हां भविष्यवाणियां रे मुतावक सै जे पैहले तेरे बारे च कित्तियां गई रियां थिआं, हऊँ तिज्जो ये हुक्म देआं ताकि तू तिन्हांरे मुतावक खुशखबरिया रे खातर खरी लड़ाई लड़दा रै;

1 तिमुथियुस 1:19

कने तिज्जो मसीह पर लगातार विश्वास करना चाहिन्दा कने तू सैई कर सै जे तू जाणाँ भई ये सही आ। किछ लोकें इस पर ध्यान नीं दित्या तिसरा नतीजा जे ये हुया भई हुण सै मसीह पर विश्वास नीं करदे।

1 तिमुथियुस 4:14

सै वरदान्न सै जे भविष्यवाणिया रे दवारा तूह पर प्राचीनां रे हाथ रखदे बगता तिज्जो मिलया था, तिस्सो लगातार तिज्जो इस्तेमाल करना चाहिन्दा।

1 तिमुथियुस 6:13

परमेशरा जो गवाह मन्नीने सै जे सब्बीं जो जिन्दगी देआं, कने यीशु मसीह जो बी गवाह मन्नीने तिने जे पुन्तियुस पिलातुसा रे सामणे अपणे बारे च सच्च बोल्या था, हऊँ तिज्जो हुक्म देआं,

1 तिमुथियुस 6:19

इस तरिके ने सै अपणे भलयां कम्मां जो अपणे खातर धना साई कट्ठा करगे, सै जे स्वर्गा च तिन्हांरी भविष्य रे खातर इक मजबूत निऊँआ साई हूणा, ताकि सै सच्चा जीवन पाई सक्को सै जे हमेशा रे खातर आ।

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

2 तिमुथियुस 4:7

मैं मसीह रे खातर कड़ी मेहणत कित्तिरी तियां जे भई मैं ठीक ढंगा ने कुश्ती लड़ीरी कने हऊँ सै काम्म पूरा करी चुक्कीरा सै जे यीशु मसीह मिन्जो करने खातर दित्या कने हऊँ आखिर तक बफादार रैया।

इब्रानियों 13:23

तुहें ये जाणा भई तिमुथियुस अहांरा साथी विश्वासी जेल्ला ते छुट्टी गरा कने जे सै येत्थी छोड़े आओ, तां मांह तिसने सौगी आईने तुहांजो मिलणा।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

इब्रानियों 6:18

तां फेरी येत्थी दो गल्लां ईं-परमेशरा रा वायदा कने तिसरी कसम-सै जे कदीं नीं बदली सकदियां कने तिन्हांरे बारे च जे परमेशर कदीं झूट्ठ नीं बोल्ली सकदा। इस खातर अहें सै जे परमेशरा ले सुरक्षा पाणे जो आईरे कने सै आशा जे तिने अहांजो दित्तिरी, तिसाजो थम्मीरे हुये, बौहत जोशा चे।

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

1 यूहन्ना 2:25

कने तिने अहांजो अनन्त जीवन देणे रा बादा कित्तिरा।

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।