1 तिमुथियुस 6:11 - बिलासपुरी नौआं नियम

¹¹ पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

1 तिमुथियुस 6:11 Iomraidhean Croise

रोमियो 14:19

इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।

1 कुरिन्थियों 10:14

इस खातर, अरे मेरे प्यारे मित्रो, मूर्ति पूजा ते दूर नट्ठा।

1 कुरिन्थियों 14:1

इक्की दुज्जे जो प्यार करने री कोशिश करा, कने आत्मिक वरदान्नां री बेसब्रिया ने इच्छा करदे रौआ, खास करीने भविष्यवाणिया रे बरदान्न।

1 कुरिन्थियों 6:18

व्यभिचारा ते दूर रौआ। माहणुये रे सारे दुज्जे पाप तिसरे शरीरा ते बाहर ये, पर व्यभिचार करने औल़ा अपणे इ शरीरा रे बरोधा च पाप कराँ।

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

1 तिमुथियुस 5:10

कने भलयां कम्मां च तिसारा नौं हो, तियां जे बच्चयां रा पाल़ण-पोषण; मेहमान्नां री सेवा कित्ती हो, पवित्र लोकां री इक दासिया साई सेवा कित्ती हो, दुखियां री मद्‌द कित्ती हो, कने हरेक भले कम्मां च मन लाया हो।

1 तिमुथियुस 6:20

अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।

2 तिमुथियुस 2:21

इस खातर जे कोई विश्वासी अप्पूँजो बुराईयां ते पवित्र करी लो, तां तिस खास मौके पर इस्तेमाल हुणे औल़े बर्तणा साई बणी जाणा कने तिसरा जीवन पवित्र हूणा, तां तिसरा मालक तिस्सो इस्तेमाल करी सकगा कने तिस हर तरह रे भले काम्म करने खातर त्यार हूणा।

2 तिमुथियुस 2:22

इस खातर तू ज्वानिया रिया बुरियां इच्छां ते दूर जा कने सै लोक जे साफ दिला ने प्रभुये जो पुकाराँ ये, तिन्हां सौगी मिलीने धार्मिकता, विश्वास, प्यार कने शान्तिया रे पिच्छे चल।

2 तिमुथियुस 3:10

किछ बी हो, तू मेरिया शिक्षा जो जाणाँ, मेरा जीणे रा ढंग, जीणे रा मकसद, मेरा विश्वास, मेरी सैहणे री ताकत, मेरा प्यार, मेरा धीरज

2 तिमुथियुस 3:17

ताकि परमेशरा रा माहणु हर तरिके रा भला काम्म करने रे खातर पूरा त्यार कने लायक बणी जाओ।

इब्रानियों 12:14

सब्बीं ने शान्तिया ने रैहणे, कने पवित्र हुणे रे खातर हर तरह री कोशिश करदे रौआ, काँह्भई पवित्रता ते बिणा कोई प्रभुये जो कदीं बी नीं देखी सकदा।

1 पतरस 3:11

तिस्सो बुराईया रा साथ छड्डिने भलाई करनी चाहिन्दी; तिस्सो दुज्जेयां सौगी मेल-मलापा ने रैहणे खातर कोशिश करनी चाहिन्दा।