1 तिमुथियुस 6:1 - बिलासपुरी नौआं नियम

¹ जितने विश्वासी लोक दास ये, तिन्हौं अपणे-अपणे मालका जो सारियां गल्लां च ईज्जत देणी चाहिन्दी, ताकि दुज्जे लोक परमेशरा री कने अहां रिया शिक्षां री निंध्या नीं करो।

1 तिमुथियुस 6:1 Iomraidhean Croise

मत्ती 11:30

काँह्भई सै जुंगड़ा सै जे हऊँ तुहांजो देई कराँ बड़ा सरल आ कने सै बोझ जे हऊँ तुहां पर रखीराँ सै बड़ा हल्का।”

मत्ती 11:9

तां तुहें क्या देखणे गए थे? क्या किसी भविष्यवक्ते जो देखणे जो? हाँ, हऊँ तुहांजो दस्सां भई ये सैआ सै जे भविष्यवक्ते ते बी बड्डा।

लूका 17:1

फेरी इक दिन यीशुये अपणे चेलयां जो बोल्या, “ये गल्ल पक्की भई परीक्षां हरेक माहणुये रे सामणे जरूर औणियां सै जे तिसरे पाप करने री वजह बणनी, पर तिस माहणुये खातर कितना भयानक हूणा तिसरिया वजह ते जे ये औणियां।

प्रेरितां 10:22

तिने गलाया, “कुरनेलियुस सुबेदार सै जे धर्मी कने परमेशरा ते डरने औल़ा कने जितने यहूदी लोक तिसरे बारे च जाणाँ ये सै बोलां ये भई सै बौहत भला माहणु आ। इक पवित्र स्वर्गदूते तिसजो गलाया, भई शम्मौन, पतरसा जो मिलणे खातर किसी जो जोप्पा जाणे जो बोल कने तिन्हांजो येत्थी ल्याव भई जो किछ सै बोलणा चाँह तिस्सो तू सुणी पाओ।”

प्रेरितां 10:7

ताहली जे सै स्वर्गदूत तिने जे कुरनेलियुस ने गल्लां कीतियां थिआं चलिग्या, तां तिसरे दो सेवक, कने सै जे सिपाही तिसरे सामणे मौजूद रैं थे तिन्हां चते इक परमेशरा ते डरने औल़े सिपाहिये जो सदया,

प्रेरितां 15:10

“फेरी हुण तुहें काँह परमेशरा जो परखां ये भई चेलयां रिया गर्दना पर येढ़ा जुंगड़ा रखो, तिस्सो जे अहांरे पूर्वज बी चक्की नीं सक्के कने नां अहें चक्की सक्कां ये?

रोमियो 2:24

“काँह्भई तुहांरिया वजह ने अन्यजातियां रे लोकां च परमेशरा रे नौआं री निंध्या हुआं इ,” तियां जे पवित्रशास्त्रा च लिखिरा।

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

गलातियां 5:1

मसीहे अजादिया रे खातर अहांजो मूसा रिया व्यवस्था ते अजाद कित्या; इस खातर तुहें ये निश्चा करी लवा भई तुहें अजाद ये, कने फेरी भीं अप्पूँजो व्यवस्था रा दास बनाणे री इजाज़त नीं देआ।

1 तिमुथियुस 5:14

इस खातर हऊँ ये चांह भई जवान विधवां ब्याह करो, कने बच्चे जणो, कने घर-बार सम्भालो, कने किसी दुश्मणा जो बदनाम करने रा मौका नीं देओ।

तीतुस 2:5

कने अपणे बर्तावा जो काबू करने औल़ियां, कने अपणे पतियां रे प्रति बफादार, परिवारा री देखभाल करने औल़ियां, दुज्यां रे प्रति दयालु कने अपणे-अपणे पतिये रे अधीन रैहणे औल़ियां हो, ताकि कोई परमेशरा रे वचना री निंध्या नीं करी सक्को।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 3:16

कने अपणी अन्तरात्मा साफ रखा, ताकि यीशु मसीह च तुहांरे खरे चाल-चलना री निंध्या करने औल़े लोक तुहांरी बेज्जति करदे हुये शर्म महसूस करो।