1 तिमुथियुस 5:19 - बिलासपुरी नौआं नियम

¹⁹ किसी बी कलीसिया रे प्राचीना रे खलाफ दो या तिन्न गवांह ते बिणा कोई बी आरोप नीं सुणा।

1 तिमुथियुस 5:19 Iomraidhean Croise

मत्ती 18:16

पर जे सै तेरी नीं सुणो, तां इक या दो माहणु अपणिया सौगी जो लेईजा, काँह्भई मूसा रिया व्यवस्था रे मुतावक ‘हर शकैता रियां तिन्न गवाहियां हुई जाओ।’

यूहन्ना 18:29

इस खातर राजपाल पिलातुस बाहर आईने तिन्हांने मिलया कने बोल्या, “इस माहणुये रा क्या दोष आ?”

यूहन्ना 8:17

कने मूसा रिया व्यवस्था च बी लिखिरा भई दुईं जणयां री गवाही मिलीने ठीक हुआं इ;

प्रेरितां 11:30

तिने येढ़ा इ कित्या; कने बरनबास कने शाऊला रे हथें प्राचीनां ला किछ पैसा भेजित्या।

प्रेरितां 25:16

पर मैं तिन्हांजो जवाब दित्या भई रोमियां री ये रीति नीं भई किसी माहणुये जो सजा देणे खातर सौंपी देओ, तदुआं तका जे आरोपिये जो अपणे इल्जाम लाणे औल़यां रे सामणे खड़े हुईने दोषा रा जवाब देणे रा मौका नीं मिलो।

2 कुरिन्थियों 13:1

हुण हऊँ तिज्जी बार तुहांले आईराँ; तियां जे पवित्रशास्त्रा च लिखिरा भई दो या तिन्न गबाहां रे मुँआं ते हर इक्की गल्ला री सच्चाई साबित कित्ती जाणी।

1 तिमुथियुस 4:14

सै वरदान्न सै जे भविष्यवाणिया रे दवारा तूह पर प्राचीनां रे हाथ रखदे बगता तिज्जो मिलया था, तिस्सो लगातार तिज्जो इस्तेमाल करना चाहिन्दा।

1 तिमुथियुस 5:17

सै प्राचीन जे कलीसिया रे कम्मां जो ठीक-ढंगा ने कराँ ये, विशेष करीने सै जे वचन सुनाणे कने सखाणे च मेहणत कराँ ये, सै दो गुणा आदरा रे लायक समझे जाओ।

तीतुस 1:6

इक अगवा निर्दोष कने इक्की पत्निया रा पति हूणा चाहिन्दा, तिन्हांरे बच्चे जे विश्वासी हुणे चाहिन्दे, कने तिन्हांजो अच्छा बर्ताव करना चाहिन्दा ताकि कोई तिन्हां पर इल्जाम नीं लाई सक्को भई सै बेकाबू कने हुक्म नीं मनणे औल़ा।

इब्रानियों 10:28

ताहली जे मूसा री व्यवस्था जो नीं मनणे औल़ा, दुईं या तिन्नां माहणुआं रिया गवाहिया पर, बिणा दया कित्ते मारी दित्या जां,